Ebreu 8:2 - Biblia Tetun Dili

² I Nia halao Nia serbisu hanesan nai-lulik boot iha tenda orasaun nebee Nai Maromak rasik mak harii, laos ema mak harii, nebee santu.

Ebreu 8:2 Iomraidhean Croise

Lucas 24:44

Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”

Roma 15:8

La bele haluha, Kristu foo Nia Aan para serbii ema Judeu hodi hatudu ba sira katak Maromak sempre halo tuir Nia promesa. Maromak nia promesa ba ita nia bei-ala sira, Kristu rasik mak kumpri.

2 Korintu 5:1

Ita hatene katak, ita nia isin lolon agora nee hanesan tenda ida nebee loron ida sei naksobu. Maibee Maromak prepara tiha ona fatin diak ida iha lalehan ba ita, i fatin nee rohan laek. Fatin nee laos ema mak halo, maibee Maromak mak halo.

Kolose 2:11

Tanba imi laran ida ho Kristu, entaun imi sunat tiha ona. Ida nee laos sunat nebee ema mak halo iha imi nia isin lolon, maibee Kristu mak halo iha imi nia laran, hodi tesi soe tiha imi nia hakarak aat sira nebee uluk domina hela imi.

Ebreu 10:11

Loro-loron, nai-lulik sira hamriik halao sira nia knaar hodi oho bebeik animal halo sakrifisiu. Afinal sakrifisiu sira nee nunka bele hamoos ema nia sala.

Ebreu 10:21

Ita iha nai-lulik ida nebee boot teb-tebes hodi toma konta Nai Maromak nia uma tomak.

Ebreu 11:10

Abraão hein ho pasiensia tanba nia laran metin katak, aban-bainrua nia sei hela iha sidade ida nebee hela metin tanba Nai Maromak rasik mak harii tuir Nia hakarak.

Ebreu 9:1

Bainhira Maromak halo Nia aliansa ida uluk ho ita nia bei-ala sira, Nia foo ho regra sira kona ba oinsaa atu adora Nia, i oinsaa atu harii fatin ida para adora Nia.

Apokalipse 21:3

Depois hau rona lian makaas ida sai hosi kadeira ukun nee dehan, “Haree baa! Hahuu agora Nai Maromak nia hela fatin iha ema sira nia leet. Nia hela hamutuk ho sira. Nia sai sira nia Maromak i sira sai Nia povu. Maromak rasik hela hamutuk ho sira.