Ebreu 7:3 - Biblia Tetun Dili

³ La iha ema ida hatene kona ba Melkizedek nia inan-aman ho nia bei-ala sira, la iha ema ida mak hatene kona ba nia loron moris no nia loron mate. Nia hanesan Maromak nia Oan, tanba nia nai-lulik too tinan ba tinan.

Ebreu 7:3 Iomraidhean Croise

Mateus 4:3

Depois diabu tenta nain mai koko Jesus. Diabu dehan, “Se O Maromak nia Oan duni, haruka fatuk sira nee sai paun.”

Ebreu 4:14

Nee duni ita tenki kaer metin ita nia fiar. Tanba ita iha nai-lulik boot ida. Nia tama tiha ona too iha Nai Maromak nia futar oin. Nia mak Jesus, Maromak nia Oan.

Ebreu 7:1

Melkizedek nee liurai sidade Salém, i nia mos nai-lulik hodi serbii Nai Maromak Aas Liu. Iha loron ida, Abraão baa halo funu hasoru liurai nain haat, i nia mak manaan. Bainhira Abraão iha dalan atu fila fali ba uma, liurai Melkizedek hasoru nia hodi foo bensaun ba nia.

Ebreu 7:17

Iha Livru Sagradu hakerek kona ba Nia nunee: “O sai nai-lulik tinan ba tinan, O hanesan nai-lulik Melkizedek uluk.”

Ebreu 7:2

Tuir mai, buat hotu-hotu nebee Abraão hadau hosi nia inimigu sira, nia foo porsentu sanulu ba Melkizedek. Ida nee mak dizimu. Naran Melkizedek nee signifika “liurai nebee moris loos.” I liurai Salém signifika “liurai nebee lori dame.”

Ebreu 7:6

Maibee Melkizedek nee laos mai hosi Levi nia jerasaun. Maski nunee Abraão foo dizimu ba nia. Melkizedek mos foo bensaun ba Abraão. Afinal Abraão nee uluk simu tiha ona Nai Maromak nia promesa.