Ebreu 5:2 - Biblia Tetun Dili

² Se ema ruma la hatene dalan nebee loos, i lao sees hosi dalan nee, nai-lulik boot iha pasiensia ho ema nee, tanba nia rasik mos ema nebee frakeza.

Ebreu 5:2 Iomraidhean Croise

Lucas 22:32

Maibee, Simão, Hau halo ona orasaun ba o, para o nia fiar la bele lakon. I bainhira o fila fali mai Hau, o tenki hametin o nia kolega sira nia fiar.”

2 Korintu 11:30

Se hau tenki gaba aan, entaun hau sei gaba aan kona ba hau nia frakeza.

2 Korintu 12:5

Ema hanesan nee, hau gaba duni. Maibee hau lakohi gaba hau nia aan. Hau so gaba kona ba hau nia frakeza.

Galasia 4:13

Imi hotu hatene, fofoun hau baa foo sai Nai Jesus nia Novidade Diak ba imi, hau hamutuk ho imi tanba hau moras.

Efezu 4:18

Sira nia neon nakukun hela. Sira moris dook hosi Maromak, tanba sira ulun toos, i lakohi hatene Maromak nia dalan.

1 Timóteo 1:13

Nia foti hau, maski uluk hau hatete aat Nia i halo terus ema nebee tuir Nia. Jesus la kastigu hau, tanba tempu nebaa hau seidauk fiar ba Nia i la hatene saida mak hau halo.

Ebreu 2:17

Tanba nee, Jesus tenki sai hanesan loloos Nia alin sira, para Nia bele sai nai-lulik boot ida nebee hadomi ho komprende teb-tebes ita hodi serbii Nai Maromak ho laran tomak. Nia foo Nia aan hanesan sakrifisiu para Maromak bele hamoos ita ema nia sala.

Ebreu 2:18

Nia rasik terus bainhira hetan tentasaun. Tanba nee Nia bele tulun ita bainhira ita mos hetan tentasaun.

Ebreu 4:15

Ita nia nai-lulik boot nee komprende liu ita, Nia hatene katak ita ema nee fraku. Nia hatene tulun ita tanba uluk Nia rasik hasoru tentasaun hotu-hotu hanesan mos ita. Maski nunee, Nia nunka monu ba sala.

Ebreu 7:28

Ema nebee sai nai-lulik boot tuir Moisés nia lei, sira ema nebee iha frakeza. Maibee ikus mai, Maromak jura hodi foti Nia Oan sai Nai-Lulik Boot, i Nia Oan nee perfeitu too tinan ba tinan.

Ebreu 9:7

Maibee so nai-lulik boot deit mak bele tama ba iha Fatin nebee Santu Liu, i nia so bele tama tinan ida dala ida. Bainhira nia tama, nia tenki lori animal nia raan hodi oferese ba Maromak, para husu perdaun ba nia sala rasik ho mos ba povu sira nia sala nebee sira rasik halo tanba sira la hatene.

Tiago 5:19

Maun-alin sira, se hosi imi, ema ruma sees ona hosi dalan loos, depois iha ema nebee lori nia fila fali ba Maromak, nia halo buat diak ida.

1 Pedro 2:25

Uluk imi hanesan bibi malae nebee mak lao sala dalan. Maibee agora imi fila fali ona ba imi nia Bibi Atan, i Nia mak tau matan ba imi.