Ebreu 4:9 - Biblia Tetun Dili

⁹ Nunee ita hatene katak Maromak prepara ona tempu seluk para Nia povu deskansa, hanesan Nia mos deskansa iha loron hitu.

Ebreu 4:9 Iomraidhean Croise

Mateus 1:21

Maria sei tuur ahi oan mane ida. O tenki foo naran Jesus, tanba Nia mak sei salva Nia povu hosi sira nia sala."

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Ebreu 11:25

Tuir nia hanoin, diak liu nia terus hamutuk ho Maromak nia povu Israel, duke iha tempu badak nia laran nia moris goza deit ho sala.

Ebreu 3:11

Hau hirus too Hau jura dehan, ‘Ema sira nee sei la tama iha Hau nia fatin deskansa.’ ”

Ebreu 4:1

Maromak promete ona atu Nia povu bele tama ba iha Nia fatin deskansa, i Nia promesa nee sei vale nafatin. Maibee kuidadu! Keta halo be imi balu la tama iha nebaa.

Ebreu 4:10

Ema nebee tama ona hodi deskansa hamutuk ho Nai Maromak, nia para ona hosi nia serbisu, hanesan mos Maromak deskansa bainhira Nia halo remata lalehan ho rai ho buat hotu-hottu iha laran.

Ebreu 4:3

Ita nebee fiar Maromak nia liafuan bele tama iha fatin deskansa nee. Maibee kona ba ema nebee la fiar, Nai Maromak hatete, “Hau hirus too Hau jura dehan, ‘Ema sira nee sei la tama iha Hau nia fatin deskansa.’ ” Nai Maromak jura nunee, afinal uluk kedas Nia prepara tiha ona fatin deskansa nee bainhira Nia remata halo lalehan ho rai.

Ebreu 4:8

Uluk bainhira Josué lori ita nia bei-ala sira tama ba rai nebee Maromak promete ba sira, Josué la lori sira tama ba iha fatin deskansa loloos iha nebaa. Nee mak Maromak koalia fali kona ba tempu seluk.

1 Pedro 2:10

Uluk imi laos Nai Maromak nia povu, maibee agora imi sai ona Nia povu. Uluk imi seidauk simu Maromak nia domin, maibee agora imi simu ona.

Apokalipse 14:13

Hotu tiha hau rona lian ida hosi lalehan dehan, “Hakerek nunee: Ema nebee mate iha fiar ba Nai Jesus hetan bensaun.” Maromak nia Espiritu hataan, “Loos duni, sira deskansa ona, tanba sira nia serbisu ho sira nia terus hotu ona. I Nai Maromak sei selu fali sira nia kolen.”

Apokalipse 21:4

Nia sei hamaran sira nia matan been. La iha tan terus, la iha tan mate ka tanis lelir, la iha tan tristi. Tanba buat sira uluk nian nee liu tiha ona.”