Ebreu 3:2 - Biblia Tetun Dili

² Bainhira Nai Maromak haruka Jesus mai, Jesus halo tuir loloos Nai Maromak nia hakarak, hanesan mos Moisés uluk halo tuir Nai Maromak nia hakarak hodi serbii Nai Maromak nia povu hotu.

Ebreu 3:2 Iomraidhean Croise

João 15:10

Se imi halo tuir Hau nia ukun-fuan sira, entaun imi metin nafatin ho Hau, nunee Hau bele hatudu Hau nia domin nafatin ba imi. Nee hanesan Hau halo tuir Hau nia Aman nia ukun-fuan, para Nia hatudu nia domin nafatin mai Hau.

João 17:4

Hau foti aas Aman iha mundu nee, liu hosi hatudu ona Aman nia naroman-nabilan. Hau halo remata ona serbisu nebee Aman foo mai Hau.

João 7:18

Ema nebee koalia lori nia naran rasik, nia hakarak buka deit nia naran. Maibee ema nebee hakarak gaba ema nebee haruka nia nee, nia koalia onestu. I nia la lohi tuun-sae.

João 8:29

Ida nebee haruka Hau mai nee sempre hamutuk ho Hau. Nia nunka husik Hau mesak, tanba Hau sempre halo tuir Nia hakarak.”

Efezu 2:22

Entaun, tanba imi laran ida ona ho Kristu, Maromak hada mos imi nebee laos Judeu hamutuk ho Nia ema sira seluk para ita hotu sai Maromak nia Espiritu nia hela fatin.

1 Timóteo 1:12

Hau agradese ba Kristu Jesus ita nia Nai, tanba Nia foo fiar ho forsa mai hau i foti hau hodi halao Nia serbisu.

1 Timóteo 3:15

Nunee se hau demora karik, hau nia surat nee bele foo hanoin ba o katak ita tenki moris hanesan familia iha Maromak nia uma. Maromak nee mak Maromak nebee Moris. I Nia povu hanesan aliserse ho uma riin nebee hamriik metin hodi suporta Maromak nia hanorin nebee loos.

Ebreu 2:17

Tanba nee, Jesus tenki sai hanesan loloos Nia alin sira, para Nia bele sai nai-lulik boot ida nebee hadomi ho komprende teb-tebes ita hodi serbii Nai Maromak ho laran tomak. Nia foo Nia aan hanesan sakrifisiu para Maromak bele hamoos ita ema nia sala.