Ebreu 3:1 - Biblia Tetun Dili

¹ Maun-alin sira, Maromak hili ona imi atu moris ho laran moos, i hili mos imi atu tama iha lalehan. Imi tenki hanoin klean kona ba Jesus. Ita rekonhese ona katak Nia mak Ida nebee Nai Maromak haruka, i Nia mak ita nia nai-lulik boot.

Ebreu 3:1 Iomraidhean Croise

João 17:3

Dalan hodi hetan moris loloos nebee rohan laek mak nee: Ema tenki konhese Aman, nudar Nai Maromak nebee loos. La iha tan seluk ida. Sira mos tenki konhese Hau, Jesus Kristu, nebee Aman haruka ona mai iha mundu nee.

João 20:21

Jesus foo hatene tan ba sira dehan, “Paz no hakmatek ba imi. Hau nia Aman haruka ona Hau, Hau mos haruka imi hanesan nee.”

João 20:27

I Nia koalia ba Tome dehan, “Tau o nia liman fuan ba iha pregu fatin no haree didiak baa. Lolo o nia liman mai hatama ba Hau nia knosen. Entaun fiar ona ba, dehan katak Hau moris fali ona. Husik tiha o nia laran rurua nee.”

Apostolu sira nia Istoria 1:15

Iha loron ida, sira halibur hamutuk, mais-ou-menus ema atus ida rua-nulu. I Pedro hamriik hodi hatete,

Roma 11:17

Ita mos bele kompara ema Judeu ho ai oliveira nebee ema kuda iha toos laran. Maromak tesi sai tiha ona ai nee nia sanak balu. Maibee imi nebee mak laos Judeu, imi hanesan ai oliveira nebee mesak moris nia sanak nebee Maromak tesi hodi ba taka iha ai huun hakiak nee. Nunee imi mak sanak hosi ai huun nebee mesak moris no hetan moris hosi ai huun hakiak nee.

Roma 15:27

Sira foo ho kontenti, i sira senti sira iha tusan hodi foo ba Maromak nia povu iha Jerusalem. Tanba sira nebee laos Judeu simu tiha ona rikusoin espiritual hosi Maromak liu hosi ema Judeu. Tanba nee mak ema nebee laos Judeu iha obrigasaun atu ajuda ema Judeu.

Roma 15:8

La bele haluha, Kristu foo Nia Aan para serbii ema Judeu hodi hatudu ba sira katak Maromak sempre halo tuir Nia promesa. Maromak nia promesa ba ita nia bei-ala sira, Kristu rasik mak kumpri.

Roma 9:24

Nia bolu ita nanis ona atu sai Nia povu. Nia laos bolu deit ema Judeu maibee Nia bolu mos ema hosi nasaun seluk.

1 Korintu 1:2

Hau hakerek surat nee ba imi, Maromak nia povu iha sidade Korintu. Maromak halo imi nia laran moos ona liu hosi Kristu Jesus, i bolu ona imi sai Nia povu santu. Nia mos bolu see-see deit iha fatin hotu-hotu nebee adora ita nia Nai Jesus Kristu. Jesus nee sira nia Nai ho mos ita nia Nai.

1 Korintu 10:17

Ita hotu haan hosi paun fuan ida. Nunee, maski ita barak, maibee ita hotu sai hanesan isin lolon ida deit, tanba paun nebee ita haan nee ida deit.

1 Korintu 9:23

Hau halo buat sira nee hotu atu ema barak bele moris tuir Novidade Diak. Liu hosi nee hau bele halo parte hamutuk ho sira.

2 Korintu 1:7

Ami laran metin ba imi, tanba ami hatene katak imi terus hanesan mos ami, i Maromak sei foo ksolok ba imi hanesan mos Nia foo mai ami.

2 Korintu 9:13

Imi foo sai tiha ona katak imi fiar ba Novidade Diak kona ba Kristu. Liu hosi ajuda nebee imi foo nee, imi hatudu katak imi moris tuir duni Novidade Diak. Ema barak sei haree imi nia laran luak nee, i sira sei hahii Maromak tanba ajuda nebee imi foo ba sira ho mos ba ema seluk.

Efezu 3:6

Segredu nee mak nee: se ema nebee laos Judeu fiar ba Maromak nia Novidade Diak, entaun sira sei simu bensaun nebee Maromak foo ba Nia oan sira, hanesan mos Nia foo ema Judeu. Sira ho ema Judeu hamutuk sai povu ida. Nee hanesan sira halo parte iha isin lolon ida deit. I sira simu mos buat nebee Maromak promete ona ba Nia povu tanba sira laran ida ho Kristu Jesus.

Efezu 4:1

Hau dadur hela tanba serbii ita nia Nai. Nunee hau husu boot atu imi bele moris tuir Maromak nia hakarak, tanba Nia bolu ona imi sai Nia ema.

Efezu 4:4

Ita hamutuk sai isin lolon ida deit, no Espiritu ida deit. Nunee mos, Maromak bolu ona ita hotu sai Nia ema no laran metin deit ba Nia.

Filipi 3:14

Hau hakaas aan ba oin nafatin too rohan para manaan premiu. Hau nia premiu mak nee: Nai Maromak bolu hau tama iha lalehan, tanba Kristu Jesus mate mai hau.

Kolose 1:12

Ami harohan para imi foo agradese bebeik ba Aman Maromak ho laran haksolok. Nia mak loke dalan para imi bele simu bensaun nebee Nia prepara tiha ona ba Nia povu santu iha lalehan. Nia hasai tiha ita hosi forsa nakukun nia ukun, hodi hatama ita ba iha Nia Oan doben Jesus Kristu nia reinu naroman.

Kolose 1:22

Maibee, tanba Kristu sai ema hodi foo aan ba mate, agora Maromak halo imi dame malu ona ho Nia. Kristu mate para bele lori imi baa hamriik iha Nai Maromak nia futar oin, ho laran moos, la iha noda ida, i la iha ema ida bele hatudu liman ba imi.

Kolose 3:12

Nai Maromak hadomi teb-tebes imi i hili ona imi sai Nia povu hodi entrega imi nia moris tomak ba Nia. Nee duni imi tenki sai ema nebee laran diak, ajuda ema iha susar nia laran, haraik aan, laran maus, no pasiensia.

1 Tesalonika 2:12

Ami foo konselhu ba imi hodi hametin imi nia laran, i husu bebeik ho laran tomak ba imi hodi moris tuir Maromak nia hakarak. Tan Nia mak liurai boot, nebee bolu imi sai Nia reinu hodi simu respeitu hamutuk ho Nia.

1 Tesalonika 5:27

Hodi Nai Jesus nia naran, hau haruka imi lee surat nee ba maluk kristaun sira hotu.

2 Tesalonika 1:11

Nee mak ami halo orasaun ba imi loron-kalan, atu Nai Maromak, nebee bolu imi sai Nia ema, bele konsidera imi serve duni atu tuir Nia. Imi nia fiar ba Jesus halo imi hakarak halo buat nebee diak. Ami husu ba Nai Maromak foo kbiit ba imi atu bele halo duni buat diak sira nee hotu.

2 Tesalonika 2:14

Nai Maromak bolu imi liu hosi Novidade Diak nebee ami hatoo ona ba imi, para imi bele tuur iha fatin aas hanesan mos ita nia Nai Jesus Kristu.

1 Timóteo 6:12

Luta para fiar metin ba Maromak i sempre halo tuir Nia Liafuan. Agora kaer metin o nia fiar no simu moris rohan laek, nebee Maromak hili o no o deklara iha ema barak nia oin ona.

2 Timóteo 1:9

Nai Maromak mak salva ona ita, i bolu ona ita sai Nia ema para ita moris ho laran moos. Nia halo hanesan nee, laos tanba ita hatudu hahalok diak ruma. Maibee, Nia salva i bolu ita tuir Nia planu rasik, tanba Nia hakarak hatudu Nia grasa mai ita. Molok Nai Maromak halo mundu nee, Nia desidi ona atu haruka Kristu Jesus mai, para hatudu Nia grasa mai ita.

2 Timóteo 2:7

Hanoin didiak ezemplu hirak nee. I Nai Maromak sei halo o komprende buat sira nee hotu.

Ebreu 10:19

Maun-alin sira, tanba Jesus nia raan fakar too mate mai ita, agora ita brani tama ba iha Maromak nia prezensa iha Fatin nebee Santu Liu.

Ebreu 10:21

Ita iha nai-lulik ida nebee boot teb-tebes hodi toma konta Nai Maromak nia uma tomak.

Ebreu 10:23

Mai ita hein ho laran metin nafatin atu simu buat nebee Maromak promete ona atu foo mai ita, hanesan mos ita foo sai tiha ona ba ema seluk. Lalika duvida, tanba Maromak sempre halo tuir Nia promesa.

Ebreu 13:22

Maun-alin sira, hau hakerek surat ida nee para hametin imi nia laran. Hau husu para imi simu didiak surat nee, tanba la naruk ida.

Ebreu 2:11

Bainhira Jesus hamoos ema ida nia sala, ema nee sai Maromak nia oan. Nunee Jesus ho ema sira nebee Nia halo moos ona nee, hotu-hotu nia Aman ida deit. Nee mak Jesus la moe bolu ita dehan, imi nee Hau nia alin.

Ebreu 2:17

Tanba nee, Jesus tenki sai hanesan loloos Nia alin sira, para Nia bele sai nai-lulik boot ida nebee hadomi ho komprende teb-tebes ita hodi serbii Nai Maromak ho laran tomak. Nia foo Nia aan hanesan sakrifisiu para Maromak bele hamoos ita ema nia sala.

Ebreu 3:12

Nunee maun-alin sira, matan moris neon nain! Kuidadu para imi la halo sala iha imi nia laran i la fiar metin ba Nia too fila kotuk ba Maromak nebee Moris.

Ebreu 3:14

Ita sai ona laran ida ho Jesus Kristu, naran katak ita kaer metin nafatin ita nia fiar hosi huun too rohan.

Ebreu 6:20

Jesus mak loke dalan ba ita atu tama iha nebaa, tanba Nia tama uluk ona hodi harohan ba ita. Nia sai ona ita nia nai-lulik boot too tinan ba tinan, hanesan Melkizedek uluk.

Ebreu 7:26

Jesus nee Nai-Lulik Boot nebee mak diak liu. Ita presiza teb-tebes nai-lulik ida hanesan nee, tanba Nia ema ida nebee santu, la iha sala, buat aat ida mos la iha. Maromak haketak ona Nia hosi ema sala nain sira hodi foti Nia ba iha fatin aas liu iha lalehan.

Ebreu 7:28

Ema nebee sai nai-lulik boot tuir Moisés nia lei, sira ema nebee iha frakeza. Maibee ikus mai, Maromak jura hodi foti Nia Oan sai Nai-Lulik Boot, i Nia Oan nee perfeitu too tinan ba tinan.

Ebreu 9:11

Maibee agora, Kristu mai tiha ona. Kristu nee mak Ema nebee Maromak promete ona hori uluk kedas atu haruka mai. Nia sai nai-lulik boot hodi halo buat diak mai ita. Nia tama ba iha Tenda orasaun ida nebee aas liu ho diak liu, hodi halao nia knaar hanesan nai-lulik boot. Tenda orasaun nee laos hosi mundu nee.

Ebreu 9:15

Tanba nee mak Kristu sai mediador para lori aliansa foun mai ita ema. Nunee ema nebee Maromak bolu sai Nia povu bele simu bensaun hotu-hotu nebee Nia promete tiha ona atu foo, too tinan ba tinan. Ema nebee uluk moris iha aliansa tuan nia okos mos sei simu buat sira nee hotu, tanba Kristu mate ona hodi hasai sira hosi sala nebee mak sira halo iha tempu nebaa.

1 Pedro 2:9

Maibee imi laos nunee. Imi Nai Maromak hili tiha ona hodi sai Nia povu. Imi hanesan nai-lulik nebee mak serbii liurai. Imi hanesan nasaun ida nebee moris loos. Imi Maromak nia povu. Maromak hili imi nunee para imi bele konta sai buat diak nebee mak Maromak halo tiha ona ba imi. Tanba Nia mak bolu imi sai hosi nakukun hodi tama ba iha Nia naroman ida nebee furak teb-tebes.

1 Pedro 3:5

Feto sira nebee uluk moris ho laran moos hodi laran metin ba Maromak, sira nia furak mos nunee. Sira hakruuk ba sira nia laen,

1 Pedro 5:1

Agora hau hakerek ba presbiteru sira. Hau mos presbiteru hanesan imi. Hau rasik akompanha Kristu nia terus. Aban-bainrua bainhira ema hotu-hotu haree Kristu fila fali mai ho naroman nabilan, hau mos sei simu naroman nabilan nee. Hau husu ba imi presbiteru sira,

1 Pedro 5:10

Bainhira imi nia terus hotu ona, Nai Maromak rasik sei halo imi diak fila fali. Nia sei foo forsa ba imi, i halo imi hamriik metin hodi aguenta nafatin. Tanba Nia sempre hatudu Nia laran diak ba ita ema i Nia rasik mak bolu imi atu simu Nia kbiit ho naroman nabilan too tinan ba tinan, hamutuk ho Kristu.

1 João 1:3

Saida mak ami haree i rona rasik, ida nee mak ami foo sai ba imi, para imi bele sai laran ida ho ami, i nunee ita hotu hamutuk laran ida ho Aman Maromak no ho Nia Oan Jesus Kristu.

Judas 1:1

Surat nee hosi hau, Judas, nudar Jesus Kristu nia atan ho Tiago nia alin. Hau hakerek surat nee ba imi nebee Maromak bolu tiha ona para sai Nia ema. Aman Maromak hadomi imi i Jesus Kristu sempre kuidadu imi.

Apokalipse 17:14

Sira sei halo funu kontra Bibi Oan. Maibee Bibi Oan ho Nia povu sei manaan, tanba Bibi Oan nee mak nai hotu-hotu nia Nai, ho liurai hotu-hotu nia Liurai. Nia povu nee mak ema nebee Nia hili no Nia bolu tiha ona, i sira foo laran ba Nia.”

Apokalipse 18:20

Depois hau rona lian ida dehan, “Imi nebee moris iha lalehan, haksolok baa! Maromak nia povu, Nai Jesus nia apostolu sira ho profeta sira, haksolok baa! Tanba Maromak kastigu ona sidade nee, tuir saida mak nia uluk halo ba imi.”