Ebreu 2:9 - Biblia Tetun Dili

⁹ Maibee iha Ida mak bele ukun buat hotu-hotu, Nia nee mak Jesus. Nia sai ema mai iha mundu nee ho pozisaun kiik liu anju sira. Nudar ema, Nia hetan terus too mate iha kruz. Nia halo nunee hodi hatudu Nai Maromak nia grasa ba ema. Depois Nai Maromak foti aas Nia, para Nia ukun buat hotu nebee Maromak halo ona.

Ebreu 2:9 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Mateus 16:28

Hau hatete loloos ba imi, hosi imi sira nee, balu sei moris too haree Hau, Ema Oan mai ukun nudar Liurai, mak foin sira mate.”

Mateus 6:28

Entaun nusaa mak imi preokupa kona ba imi nia ropa? Haree took ai funan nebee moris iha ai-laran nebaa. Ai funan nee la halo serbisu, la soru tais,

Marcos 9:1

Imi keta haluha Hau nia liafuan nee: hosi imi nee hotu, imi balu seidauk mate, maibee sei haree Nai Maromak tuur i kaer ukun ho forsa boot.”

Lucas 9:27

Hau hatete loloos ba imi, hosi imi sira nee, balu sei moris too haree Maromak ukun nudar Liurai, mak foin mate.”

João 1:29

Iha aban fali, João haree Jesus lao mai hasoru nia. João hatete dehan, “Haree ba Ema ida nebaa! Nia, Nai Maromak nia Bibi Malae Oan nebee sai sakrifisiu hodi hamoos ema iha mundu nee nia sala.

João 10:17

Tanba nee, mak Hau nia Aman iha lalehan hadomi Hau. Tanba Hau foo Hau nia aan too mate, para Hau bele moris fila fali.

João 12:32

Nunee, bainhira ema hedi ona Hau iha ai krus leten, Hau sei dada ema hotu para sira fiar Hau.”

João 3:16

Tanba Nai Maromak hadomi teb-tebes ema hotu-hotu iha mundu nee, nee mak Nia haruka Nia Oan mane mesak, para ema hotu nebee fiar ba Nia, Nai Maromak la husik sira lakon, maibee Nia foo ba sira moris rohan laek.

João 8:51

Hau nia Liafuan loos duni! Ema nebee rona no halo tuir Hau nia Liafuan nee, sei la mate.”

João 8:52

Rona nunee, ema Judeu nia boot sira dehan ba Nia, “Agora ami hatene ona katak O koalia hanesan ema bulak, tanba espiritu aat tama ona iha O. Abraão rasik mate, no Maromak nia profeta sira uluk nee mos mate. Maibee O dehan, ‘Ema nebee rona no halo tuir Hau nia Liafuan, sei la mate.’ O bulak duni!

Apostolu sira nia Istoria 2:33

Agora Nai Maromak foti ona Jesus hodi tuur iha Nai Maromak nia sorin loos, iha fatin aas. I Jesus simu Espiritu Santu hosi Nia Aman hodi foo fali mai ami, tuir Nai Maromak promete ona hori uluk. Saida mak imi rona ho haree agora nee, Maromak nia Espiritu nia serbisu.

Apostolu sira nia Istoria 3:13

Lae! Ita nia bei-ala Abraão, Isac ho Jacó́, ho ita nia bei-ala sira hotu, adora Nai Maromak. Nia nee mak kura ema nee hodi foti aas Jesus, ida nebee sempre tuir Maromak nia hakarak. Jesus nee uluk imi entrega tiha ba governador Pilatus. Tuir loloos governador atu hasai Nia, maibee imi mak lakohi.

Roma 5:18

Nunee, ema ida halo sala, loke dalan ba ema hotu-hotu simu kastigu hosi Maromak. I Ema ida seluk halo buat nebee loos, loke dalan ba ema hotu hodi diak malu fali ho Maromak no hetan moris loos.

Roma 5:8

Maibee Maromak hatudu Nia domin boot mai ita liu hosi Kristu mate iha ita nia fatin, bainhira ita sei moris hela iha sala nia laran.

Roma 8:3

Ukun fuan sira la bele hasai ita hosi sala nia ukun, tanba ita ema sala nain la iha kbiit atu halo tuir lei nee hotu. Maibee Maromak bele hasai ita liu hosi Nia haruka Nia Oan rasik mai iha mundu para sai ema kriatura nudar ema sala nain, i mate hanesan sakrífisiu ida hodi halakon sala iha ita nia laran.

Roma 8:32

Maromak laran luak teb-tebes, too Nia foo Nia Oan rasik para mate iha ita hotu nia fatin. Hosi nee ita bele hatene katak, Nia sei foo tan mai ita buat hotu-hotu nebee diak.

2 Korintu 5:15

Kristu mate ba ita hotu, atu ita hotu nebee moris iha mundu nee la bele tuir ona ita nia hakarak rasik. Maibee ita tenki moris tuir Kristu nia hakarak, tanba Kristu mate i moris fila fali ba ita.

2 Korintu 5:21

Kristu rasik nunka iha sala. Maibee Maromak halo Nia lori ita nia sala hotu, atu ita nebee laran ida ho Kristu, Maromak deklara katak ita moris loos ona.

Galasia 4:4

Maibee too nia tempu, Nai Maromak haruka Nia Oan mai. Iha feto ida mak tuur ahi Maromak nia Oan nee, i nia Oan moris tuir lei relijiaun Judeu nian.

1 Timóteo 2:6

Nia foo Nia Aan hodi selu kotu ita nia tusan hodi foo liberdade mai ita. Ida nee mak novidade diak nebee Nai Maromak foo sai mai ita ema.

Ebreu 1:9

O hadomi lia loos, i odi buat nebee aat no sala. Tanba nee Hau, O nia Maromak, foti O aas liu O nia maluk sira, i fui mina ba O nia ulun hodi halo O nia laran haksolok.”

Ebreu 10:5

Tanba nee, bainhira Jesus Kristu mai iha mundu, Nia hatete ba Nai Maromak nunee: “Ita Boot lakohi para ema lori oferta i oho animal sai sakrifisiu ba Ita Boot. Nee mak Ita Boot foo isin lolon mai Hau atu Hau mak sai sakrifisiu.

Ebreu 11:5

Enoke fiar ba Nai Maromak. Nee mak nia la mate, maibee Maromak foti sae nia ba lalehan. Ema buka nia mos la hetan, tanba Maromak lori tiha ona nia. Molok Nai Maromak foti sae nia, Maromak dehan katak, Enoke ema ida ke halo haksolok Maromak nia laran.

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

Ebreu 2:7

Ita Boot halo ema kiik liu ituan anju sira, Ita Boot foo pozisaun aas ba ami i foti aas ami nia naran.

Ebreu 7:25

Tanba nee Jesus iha kbiit hodi salva see deit mak baa iha Maromak liu hosi Nia. Nia bele salva sira agora i too tinan ba tinan, tanba Nia moris nafatin hodi harohan ba Nai Maromak atu tulun sira.

Ebreu 8:3

Nai-lulik boot hotu-hotu tenki hasae oferta ho sakrifisiu ba Nai Maromak. Nee mak Jesus mos tenki hasae buat ruma hanesan sakrifisiu.

1 Pedro 1:21

Liu hosi Kristu mak imi fiar ba Nai Maromak. Tanba Maromak halo moris fali ona Kristu hosi mate hodi foti aas Nia, atu ita fiar ba Nia, i laran metin ba Nia promesa.

1 João 2:2

Nia foo Aan ba mate atu nunee Maromak bele hamoos ita nia sala, i laos deit ita nia sala maibee ema hotu iha mundo nee.

Apokalipse 19:12

Ema nee nia matan hanesan fali ahi nebee mak lakan makaas. Iha Nia ulun tau koroa liurai nian barak. Iha Nia isin lolon hakerek naran ida, maibee so Nia deit mak hatene naran nee, ema seluk la hatene.

Apokalipse 5:9

Sira hotu hananu kanta foun ida hanesan nee: “Ita Boot mak serve simu livru lulun nee hodi loke nia karimbu fatin, tanba ema oho tiha ona Ita Boot. Hodi Ita Boot nia raan, Ita Boot sosa kotu ona ema sira nee hosi suku, lian, povu ho nasaun hotu-hotu para sai Nai Maromak nia povu.