Ebreu 2:3 - Biblia Tetun Dili

³ Saa tan salvasaun nebee mak Nai Jesus foo. Salvasaun nee boot teb-tebes, i see mak la interese, nia sei la sees hosi Maromak nia kastigu. Tanba salvasaun nee Nai Jesus rasik mak foo sai uluk, i ema sira nebee rona hatudu mai ita katak Nia liafuan nee loos.

Ebreu 2:3 Iomraidhean Croise

Mateus 23:33

He! Imi hanesan samea nebee fila lia tuun-sae! Oinsaa imi bele halai sees hosi kastigu iha infernu?

Mateus 4:17

Iha tempu nebaa, Jesus foo sai ba ema dehan, “Husik ona imi nia sala, tanba Maromak nia tempu hodi ukun besik ona.”

Marcos 1:14

Bainhira ema kaer tiha João Sarani Nain hatama ba kadeia, Jesus baa kedas iha provinsia Galileia hodi foo sai Maromak nia Novidade Diak.

Lucas 1:2

Sira hakerek tuir loloos istoria nebee ami rona hosi ema sira nebee lao hamutuk ho Jesus hosi hahuu kedas, i sira nee mak foo tutan mai ami.

Lucas 1:69

Maromak foti ona Ema ida hosi Nia atan David nia jerasaun. Ema nee nia kbiit boot teb-tebes hodi salva ita.

Lucas 24:19

Jesus husu fali, “Buat saida?” Sira hataan, “Buat nebee mak akontese ba ho Jesus hosi Nazaré. Nia profeta ida, Nia halo milagre boot i Nia liafuan mos hatudu katak Nia iha kbiit. Maromak rasik konsidera Nia profeta boot, saa tan povu.

João 15:27

Imi mos sei foo hatene ba ema kona ba Hau, tanba imi hamutuk ona ho Hau hosi hahuu kedas.

Apostolu sira nia Istoria 2:22

Maun-alin Israel sira, see tilun mai. Nai Maromak hili ona Jesus, ema Nazaré. Imi rasik hatene buat nee, tanba imi haree ona Nai Maromak hatudu ona Jesus hodi halo milagre ho sinal iha imi nia leet. Sinal sira nee halo ema admira.

Apostolu sira nia Istoria 4:12

Iha mundu tomak, la iha dalan seluk mak Maromak foo hodi salva ema. So iha dalan ida deit, mak Jesus. Se laos Nia, la iha tan ema seluk mak bele salva ita.”

Roma 11:14

Hau hein katak hau nia serbisu nee bele halo hau nia maluk Judeu sira laran moras hodi hakarak atu sira mos bele hetan bensaun nebee ema laos Judeu simu nee. Nunee sira balu bele hetan salvasaun.

Roma 2:3

Nunee, se o hatudu liman ba ema seluk, maibee o rasik halo aat hanesan ema nee, keta hanoin dehan o bele halai sees hosi Maromak nia kastigu!

1 Korintu 1:21

Maromak nia matenek makaas teb-tebes. Nia desidi katak, ita ema la bele konhese Nia liu hosi ita nia matenek rasik. Maibee Nia hakarak uza Novidade Diak kona ba Kristu nia mate atu salva see-see deit mak fiar, maski ema iha mundu nee dehan Novidade Diak nee buat beik ida.

1 Tesalonika 5:3

Bainhira ema dehan, “Buat hotu diak i hakmatek hela,” maka iha tempu nee duni sira hetan dezastre, hanesan mos feto isin rua nebee derpenti deit kanotak moras atu tuur ahi. Bainhira buat sira nee mosu ona, ema atu sees mos la biban.

1 Timóteo 1:15

Ita rona ona dehan, “Kristu Jesus mai iha mundu nee hodi salva ema sala nain.” Liafuan nee loos duni; ita tenki simu ho laran tomak. Hosi ema sala nain hotu-hotu, hau mak aat liu.

Tito 2:11

Tanba Maromak hatudu ona Nia grasa ba ema hotu hodi hetan salvasaun.

Ebreu 1:1

Iha tempu uluk, Nai Maromak koalia fila-fila ba ita nia bei-ala ema Ebreu sira liu hosi Nia profeta. Nia koalia ho sira liu hosi dalan oi-oin.

Ebreu 1:14

Entaun anju sira nee see? Sira nee espiritu nebee serbii Nai Maromak. I Nia haruka anju sira nee mai tulun ema nebee mak sei hetan salvasaun.

Ebreu 1:2

Maibee iha tempu ikus nee, Maromak koalia mai ita liu hosi Nia Oan rasik. Hosi hahuu, Nai Maromak hili Nia Oan hodi ukun hamutuk ho Nia. Uluk liu bainhira Maromak halo lalehan ho rai, ho buat hotu-hotu iha laran, Nia Oan nee halo hamutuk ho Nia.

Ebreu 12:25

Tanba nee bainhira Nai Maromak koalia ba imi, see tilun didiak hodi rona. Uluk Moisés hatoo Maromak nia liafuan iha mundu nee, maibee ita nia bei-ala sira lakohi rona. Nee mak Maromak kastigu sira. Saa tan ita, se ita lakohi rona Maromak koalia mai ita hosi lalehan.

Ebreu 4:1

Maromak promete ona atu Nia povu bele tama ba iha Nia fatin deskansa, i Nia promesa nee sei vale nafatin. Maibee kuidadu! Keta halo be imi balu la tama iha nebaa.

Ebreu 4:11

Tanba nee, mai ita hakaas aan nafatin hodi tama ba iha deskansa nee. Keta halo be iha balu monu tanba halo tuir fali ita nia bei-ala sira nebee lakohi rona Nai Maromak.

Ebreu 5:9

Nee mak Nia serve atu sai salvador hodi salva ema nebee halo tuir Nia hakarak para sira bele hetan moris rohan-laek.

Ebreu 9:28

Kristu mos mate dala ida deit, hanesan sakrifisiu hodi hamoos ema barak nia sala. I Nia sei fila fali mai, laos atu kasu ita ema nia sala tan, maibee atu salva ema sira nebee mak hein hela Nia ho laran metin.

1 João 1:1

Surat nee koalia kona ba Liafuan nebee foo Moris. Liafuan nebee foo Moris nee, Nia iha hori uluk kedas, molok Nai Maromak halo mundu nee. Ami rona ona Nia lian, ami haree Nia ho ami nia matan rasik, ami akompanha Nia, ami mos kaer rasik ho liman.

Judas 1:17

Maibee maluk doben sira, la bele haluha liafuan nebee ita nia Nai Jesus Kristu nia apostolu sira foo sai tiha ona ba imi.

Apokalipse 7:10

hodi haklalak dehan, “Ami hetan salvasaun hosi Nai Maromak Ida nebee tuur iha kadeira ukun ho mos hosi Bibi Oan.”