Ebreu 2:2 - Biblia Tetun Dili

² Uluk anju sira hatoo Maromak nia lia menon ba ita nia bei-ala sira. Buat nebee anju sira hatoo nee loos, i see mak kontra, nia simu kastigu tuir nia hahalok.

Ebreu 2:2 Iomraidhean Croise

Apostolu sira nia Istoria 7:53

Imi simu ona Nai Maromak nia lei liu hosi Nia anju. Maski nunee, imi la halo tuir.”

Galasia 3:19

Se nunee, Maromak foo lei relijiaun hodi halo saida? Nia foo lei relijiaun hodi hanorin katak, ita ema nee sala nain. Nia hakarak atu lei nee vale too deit Abraão nia Jerasaun ida nee too mai, Ida nebee temi tiha ona iha Maromak nia promesa nee. Bainhira Maromak foo lei relijiaun ba ema Judeu sira, Nia foo liu hosi Nia anju hodi entrega fali ba Moisés para foo tutan ba povu.

Ebreu 1:1

Iha tempu uluk, Nai Maromak koalia fila-fila ba ita nia bei-ala ema Ebreu sira liu hosi Nia profeta. Nia koalia ho sira liu hosi dalan oi-oin.

Ebreu 10:28

Uluk, se ema ruma kontra lei nebee Nai Maromak foo ba Moisés, i ema nain rua ka tolu sai sasin ba ema nebee kontra lei nee, ema nee la hetan perdaun, nia tenki simu kastigu mate.

Ebreu 10:35

Entaun la bele husik imi nia fiar. Tanba se imi laran metin nafatin, Maromak sei foo prémiu boot ba imi.

Ebreu 11:26

Iha tempu nebaa ema hatete aat nia tanba nia laran metin ba Kristu, Ema nebee Nai Maromak promete ona hori uluk atu haruka mai. Maibee Moisés konsidera terus ida nee folin liu fali rikusoin rai Ejitu nian tomak, tanba nia laran metin atu aban-bainrua Maromak foo fali buat nebee diak liu tan ba nia.

Ebreu 11:6

Se ita la fiar ba Nai Maromak, ita la bele halo haksolok Maromak nia laran. Tanba ita tenki fiar katak Maromak iha duni, i ita mos tenki laran metin katak Nia sei foo premiu ba ema nebee buka teb-tebes Nia. Nee mak foin ita bele hakbesik ba Nia.

Ebreu 12:25

Tanba nee bainhira Nai Maromak koalia ba imi, see tilun didiak hodi rona. Uluk Moisés hatoo Maromak nia liafuan iha mundu nee, maibee ita nia bei-ala sira lakohi rona. Nee mak Maromak kastigu sira. Saa tan ita, se ita lakohi rona Maromak koalia mai ita hosi lalehan.

2 Pedro 1:19

Nee hatudu mai ita katak buat nebee Maromak nia profeta sira uluk koalia kona ba Jesus Kristu loos duni. Nunee imi tenki see tilun hodi rona didiak liafuan sira nebee profeta sira foo sai. Tanba sira nia liafuan nee hanesan ahi oan nebee foo naroman iha fatin nakukun, too fitun dadeer san mosu hodi foo naroman ba imi.

Judas 1:5

Imi hatene ona istoria nebee mak hau atu koalia, maibee hau hakarak foo hanoin fila fali ba imi: Uluk Nai Maromak lori povu Israel sai hosi rai Ejitu. Maski Nia salva sira, maibee too ikus Nia halo rahun fali sira nebee mak la fiar ba Nia.