Ebreu 13:2 - Biblia Tetun Dili

² Keta haluha hatudu laran diak hodi simu bainaka iha imi nia uma. Tanba ema balu simu tiha bainaka, sira hanoin dehan ema baibain, afinal bainaka nebee sira simu nee anju.

Ebreu 13:2 Iomraidhean Croise

Jenesis 18:1

Iha loron ida, NAI Maromak hatudu Aan ba Abraão besik ai huun boot sira iha Manre. Loro manas, Abraão tuur hela iha tenda oin.

Jenesis 19:1

Loro matan besik atu monu ona, Maromak nia anju nain rua nee too baa iha sidade Sodoma. Tempu nee, Lo sei tuur hela iha portaun sidade nian. Nia haree ema nain rua nee, nia baa kedas simu sira. I nia hakneak i hakruuk iha sira nain rua nia oin.

Mateus 25:35

Tanba bainhira Hau hamlaha, imi foo hahaan mai Hau. Bainhira Hau hamrook, imi foo bee mai Hau. Bainhira Hau hanesan ema lao rai iha imi nia rain, imi simu Hau iha imi nia uma.

Mateus 25:40

Hau sei hataan, ‘Hau hatete loloos ba imi! Bainhira imi halo saida deit ba Hau nia maluk ida, maski ba ema kiik ida mos, nee hanesan imi halo ona mai Hau.’

Mateus 25:43

Bainhira Hau hanesan ema lao rai iha imi nia rain, imi la simu Hau iha imi nia uma. Bainhira Hau la iha ropa, imi la foo ropa mai Hau. Bainhira Hau moras ka iha komarka, imi la baa vizita Hau.’

Apostolu sira nia Istoria 16:15

Depois ami sarani Lídia ho ema hotu nebee hela ho nia. I nia konvida ami dehan, “Senhor sira, se imi hanoin hau fiar tebes ba Nai Jesus, entaun imi baa hela lai iha hau nia uma.” Nia hamaus bebeik, too ikus mai ami mos simu.

Roma 12:13

Uza buat nebee imi iha hodi ajuda Maromak nia ema sira nebee presiza. Simu ema seluk iha imi nia uma ho laran tomak.

Roma 16:23

Gaio mos foo kumprimentus ba imi. Hau, Paulo, hela iha nia uma, i hau nia maluk sarani sira baibain halibur malu halo orasaun iha nee. Erastu, tezoreiru iha sidade nee, ho ita nia maluk Kuartu mos foo kumprimentus ba imi.

1 Timóteo 3:2

Lideransa sarani nian tenki ema diak, povu respeita. Nia tenki moris loos no iha feen ida deit. Nia tenki hatene aan, domina aan, naran diak, simu bainaka iha uma ho laran tomak, i hatene hanorin.

1 Timóteo 5:10

Ema rekonhese nia hanesan ema ida ke sempre halo diak ba ema seluk. Nia tau matan ba nia oan sira ho diak, simu bainaka iha nia uma ho laran tomak, serbii sarani sira ho haraik aan, fasi sira nia ain, ajuda ema nebee iha susar laran, i sempre prontu halo buat didiak deit.

Tito 1:8

Nia hakarak simu bainaka iha uma ho laran tomak, i gosta halo buat nebee diak. Tenki ema hatene lia, sempre halo loos ka justu, laran moos i domina aan.

1 Pedro 4:9

Simu ema seluk iha imi nia uma ho laran haksolok.

3 João 1:5

Irmaun Gaio nebee hau hadomi, o sempre ajuda ema fiar sira nebee lao haleu hodi haklaken Maromak nia Liafuan. Nee hatudu katak o ema fiar nain duni. Maski o la konhese sira, maibee o simu sira ho diak.