Ebreu 11:3 - Biblia Tetun Dili

³ Tanba ita fiar ba Nai Maromak mak ita bele komprende katak, bainhira Maromak halo lalehan ho rai, Nia halo hotu liu hosi Nia liafuan. Nia koalia deit mak lalehan ho rai iha kedas. Nunee, buat nebee ita haree, Nia halo hosi buat nebee mak ita ema la haree.

Ebreu 11:3 Iomraidhean Croise

Jenesis 1:1

Hahuu fofoun, Nai Maromak halo lalehan ho rai.

João 1:3

Maromak halo buat hotu-hotu liu hosi Nia. La iha buat ida iha, se Nia la halo.

Apostolu sira nia Istoria 14:15

“Maluk sira! Nusaa mak imi halo fali nunee? Ami laos maromak. Ami ema hanesan imi. Ami mai atu foo hatene ba imi Novidade Diak katak, imi tenki husik ona imi nia lulik sira nebee la iha folin, hodi tuir Maromak ida nebee moris. Nia mak halo lalehan, rai, tasi, ho buat hotu-hotu.

Apostolu sira nia Istoria 17:24

Nia mak halo lalehan ho rai, ho buat hotu-hotu iha mundu nee. Nia mak Liurai nebee ukun lalehan ho rai. Nunee Nia la hela iha uma lulik nebee ema mak halo.

Roma 4:17

Iha Livru Sagradu, Maromak promete ba Abraão dehan, “Hau sei halo o sai nasaun barak nia aman.” Abraão fiar ba Maromak, tanba Maromak mak halo moris fali ema mate, i Nia koalia deit, buat nebee la iha, bele iha kedas.

1 Korintu 2:7

Matenek nebee mak ami foo sai nee, matenek Maromak nian. Molok mundu iha, Maromak iha ona planu hodi foti aas ita liu hosi Jesus, maibee durante nee Nia planu nee segredu hela.

1 Timóteo 4:5

Tanba liu hosi Nai Maromak nia Liafuan ho mos ita nia orasaun, buat sira nee hotu la lulik ona.

Ebreu 1:2

Maibee iha tempu ikus nee, Maromak koalia mai ita liu hosi Nia Oan rasik. Hosi hahuu, Nai Maromak hili Nia Oan hodi ukun hamutuk ho Nia. Uluk liu bainhira Maromak halo lalehan ho rai, ho buat hotu-hotu iha laran, Nia Oan nee halo hamutuk ho Nia.

Ebreu 6:5

Sira hatene hosi sira nia esperiensia moris katak Nai Maromak nia liafuan furak teb-tebes. Nai Maromak nia kbiit nebee mak Nia sei hatudu iha tempu ikus mos, sira senti tiha ona.

2 Pedro 3:5

Bainhira mestri falsu sira koalia nunee, sira finji la hatene katak, fofoun lalehan ho rai iha liu hosi Maromak nia liafuan. Rai nee mos mai hosi bee, i sai hosi bee.

Apokalipse 4:11

“Maromak ami nia Nai, Ita Boot mak serve atu ema hotu-hotu hahii no foti aas Ita nia naran, tanba Ita Boot mak forsa teb-tebes, Ita Boot mak halo buat hotu-hotu. Buat sira nee hotu iha tanba Ita Boot mak hakarak.”