Ebreu 10:4 - Biblia Tetun Dili

⁴ Tanba karau nia raan ka bibi nia raan nunka bele hamoos ema nia sala.

Ebreu 10:4 Iomraidhean Croise

Marcos 12:33

Tanba nee, ita tenki hadomi Nia liu buat hotu-hotu. Ita tenki hanoin nafatin Nia. Ita tenki rona nafatin Nia Liafuan, i hakaas aan hodi tuir Nia hakarak. I ita mos tenki hadomi ema seluk hanesan ita hadomi ita nia aan rasik. Ida nee, Nai Maromak haksolok liu dukee ita tuir deit relijiaun nia hanorin. Hadomi nunee diak liu dukee ita oho animal hodi halo sakrifisiu i foo oferta ba Nia.”

João 1:29

Iha aban fali, João haree Jesus lao mai hasoru nia. João hatete dehan, “Haree ba Ema ida nebaa! Nia, Nai Maromak nia Bibi Malae Oan nebee sai sakrifisiu hodi hamoos ema iha mundu nee nia sala.

Roma 11:27

Hau nia promesa ba sira mak nee: Hau sei hamoos sira nia sala hotu.”

Ebreu 10:1

Lei Moisés nian la hatudu sai momoos buat diak nebee mak Maromak atu foo mai ita aban-bainrua. Lei nee so hatudu buat sira nee nia lalatak deit. Tuir lei nee dehan, ema nebee hakarak adora Nai Maromak, tinan-tinan tenki oho animal hodi halo sakrifisiu. Maski ema barak badinas halo tuir, maibee sira nia laran la moos nafatin, tanba lei nee lalatak deit.

Ebreu 10:11

Loro-loron, nai-lulik sira hamriik halao sira nia knaar hodi oho bebeik animal halo sakrifisiu. Afinal sakrifisiu sira nee nunka bele hamoos ema nia sala.

Ebreu 10:8

Primeiru Kristu dehan, “Ita Boot lakohi para ema lori oferta i oho animal para sai sakrifisiu. Ita Boot lakohi simu animal nebee ema tunu halo sakrifisiu ka sakrifisiu nebee ema foo hodi husu perdaun. Buat sira nee hotu la halo Ita Boot nia laran haksolok.” Kristu dehan nunee maski lei Moisés nian haruka ema lori sakrifisiu sira nee hotu.

Ebreu 9:9

Buat sira nee foo hanoin mai ita nebee moris agora katak, oferta ho sakrifisiu nebee ema foo ba Maromak la bele halo kamaan sira nia laran, tanba sira hanoin nafatin sira nia sala.

1 João 3:5

Imi hatene katak Jesus Kristu mai para hamoos ita ema nia sala, i Nia rasik la iha sala ida.