Ebreu 1:3 - Biblia Tetun Dili

³ Maromak nia Oan hanesan loloos Maromak, Nia hatudu sai Maromak nia kbiit ho naroman nabilan nian, i Nia liafuan iha kbiit boot. Ho Nia liafuan nee Nia tane nafatin buat hotu-hotu iha lalehan ho iha rai. Nia mak loke dalan para Maromak bele hamoos ema nia sala. Hotu tiha Nia sae ba lalehan hodi tuur iha Maromak Aas Liu nia sorin kuana.

Ebreu 1:3 Iomraidhean Croise

Mateus 22:24

“Mestri, Moisés dehan, se mane ida mate, maibee la iha oan, mane nia alin tenki kaben fali feto faluk nee para bele foo jerasaun ba nia maun.

Marcos 16:19

Jesus koalia tiha hotu, Nai Maromak hasae Nia ba lalehan. Nia tuur iha Nai Maromak nia liman kuana para Sira nain rua ukun hamutuk.

João 1:14

I ‘Maromak nia Liafuan’ nee, sai tiha ema. Nia moris iha ita nia leet. Ita haree Nia naroman-nabilan. Nia iha naroman-nabilan nunee, tanba Nia mak Nai Maromak nia Oan mane mesak. Nia hakarak hatudu Nia laran diak no grasa mai ita, tanba Nia hahalok nunee duni. I buat hotu nebee Nia hatoo kona ba Nai Maromak, loos duni.

João 1:29

Iha aban fali, João haree Jesus lao mai hasoru nia. João hatete dehan, “Haree ba Ema ida nebaa! Nia, Nai Maromak nia Bibi Malae Oan nebee sai sakrifisiu hodi hamoos ema iha mundu nee nia sala.

João 1:4

Nia mak moris nia huun. Nunee, ema nebee hetan moris loloos, sira moris hosi Nia. Nia mos hanesan naroman nebee nabilan, para ema nebee moris iha naroman nee, bele haree no komprende.

Apostolu sira nia Istoria 2:33

Agora Nai Maromak foti ona Jesus hodi tuur iha Nai Maromak nia sorin loos, iha fatin aas. I Jesus simu Espiritu Santu hosi Nia Aman hodi foo fali mai ami, tuir Nai Maromak promete ona hori uluk. Saida mak imi rona ho haree agora nee, Maromak nia Espiritu nia serbisu.

Apostolu sira nia Istoria 7:56

Nia dehan, “Rona mai! Hau haree lalehan nakloke, i Jesus, Ema Oan, hamriik hela iha Nai Maromak nia liman loos.”

Roma 1:16

Hau la moe foo sai Novidade Diak nee. Tanba Novidade Diak nee iha kbiit hosi Maromak hodi salva see-see deit mak fiar, primeiru ema Judeu sira, depois ema hosi nasaun sira seluk.

Roma 8:34

Entaun see mak foo kastigu mai ita? La iha! Tanba Kristu Jesus mate ona ba ita, maibee laos nee deit, Nia moris fila fali ona, i agora Nia tuur iha Maromak nia sorin loos hodi defende ita.

2 Korintu 4:4

Sira nia maromak mak diabu. I nia mak taka hela ema nebee la fiar nia hanoin, halo sira la bele haree naroman hosi Novidade Diak kona ba Kristu i Nia naroman nabilan makaas teb-tebes. Kristu nee hanesan loloos Maromak.

Kolose 3:1

Nai Maromak halo imi moris fali ona hamutuk ho Kristu. Agora Kristu tuur iha lalehan, iha Nai Maromak nia sorin loos. Nee duni hanoin bebeik buat lalehan nian.

Tito 2:14

Nia foo aan ba mate hodi hasai ita hosi buat aat hotu-hotu, i halo ita laran moos, para sai Nia povu rasik, nebee sempre hakarak halo buat diak.

Ebreu 1:13

Nai Maromak dehan tan ba Nia Oan nunee: “Mai tuur iha Hau nia sorin kuana too Hau halo O nia inimigu sira taka rabat iha O nia ain okos.” Maibee Nai Maromak nunka koalia nunee ba Nia anju sira.

Ebreu 10:12

Maibee Kristu foo Nia Aan sai sakrifisiu dala ida deit hodi hamoos ita nia sala, nebee vale too tinan ba tinan. Hotu tiha, Nia baa tuur iha Nai Maromak nia sorin kuana.

Ebreu 12:2

Ita tenki hateke deit ba Jesus, tanba ita nia fiar mai hosi Nia, i Nia mak halo ita nia fiar sai metin too rohan. Bainhira Jesus terus iha krus, Nia aguenta ho pasiensia i la interese katak mate iha krus nee moe boot ida, tanba Nia hatene katak, Maromak sei halo Nia laran haksolok. I sai nunee duni. Agora Jesus tuur hela iha Nai Maromak nia sorin kuana.

Ebreu 4:14

Nee duni ita tenki kaer metin ita nia fiar. Tanba ita iha nai-lulik boot ida. Nia tama tiha ona too iha Nai Maromak nia futar oin. Nia mak Jesus, Maromak nia Oan.

Ebreu 7:27

Nai-lulik sira seluk tenki oho animal loro-loron halo sakrifisiu. Sira hasae uluk sakrifisiu atu hamoos sira nia sala rasik, hotu tiha mak foin hasae fali sakrifisiu hodi hamoos povu nia sala. Maibee Jesus entrega Nia Aan hodi sai sakrifisiu dala ida deit. Nee too ona para Maromak hamoos ema hotu-hotu nia sala too tinan ba tinan.

Ebreu 8:1

Buat nebee ohin ita koalia nee, importante liu mak nee: Agora ita iha ona Nai-Lulik Boot nebee diak liu, Nia tuur hela iha Nai Maromak nia sorin kuana iha lalehan hodi kaer ukun.

Ebreu 9:16

Hau foo ezemplu ida: Se ema ruma halo surat deklarasaun ida hodi promete, see mak atu hetan nia rikusoin bainhira nia mate, entaun tenki hatudu katak ema nee mate tiha ona foin bele fahe nia rikusoin nee.

Ebreu 9:26

Tanba se karik Nia tenki foo Nia Aan fila-fila, nee dehan katak Nia terus hela deit komesa Nai Maromak halo mundu nee. Maibee laos nunee. Agora tempu ikus ona, Nia foo Nia Aan hanesan sakrifisiu dala ida deit hodi halakon ita nia sala.

1 Pedro 1:21

Liu hosi Kristu mak imi fiar ba Nai Maromak. Tanba Maromak halo moris fali ona Kristu hosi mate hodi foti aas Nia, atu ita fiar ba Nia, i laran metin ba Nia promesa.

1 Pedro 3:22

Agora Nia sae tiha ona ba lalehan tuur iha Nai Maromak nia sorin loos. I anju sira ho autoridade sira nebee kaer ukun, hotu-hotu hakruuk ba Nia.

2 Pedro 1:16

Uluk ami foo sai ba imi katak ita nia Nai Jesus Kristu sei fila fali mai hosi lalehan ho kbiit boot. Momentu nebaa ami laos konta tuir ai-knanoik nebee mak ema inventa. Maibee ami rasik haree Nia kbiit nee ho matan,

2 Pedro 1:17

bainhira ami hamutuk ho Nia iha Maromak nia foho santu. Iha nebaa Aman Maromak rasik foo respeitu i foti aas Jesus nia naran iha ami nia oin. Ami rona Maromak Aas Liu nia lian tuun mai hosi lalehan dehan, “Nee Hau nia Oan doben. Nia halo haksolok Hau nia laran.”

1 João 1:7

Maibee se ita moris iha naroman laran, hanesan mos Nai Maromak, entaun ita nia relasaun ho ema fiar sira sai metin, i Nia Oan Jesus nia raan sei hamoos ita nia sala tomak.

1 João 3:5

Imi hatene katak Jesus Kristu mai para hamoos ita ema nia sala, i Nia rasik la iha sala ida.

Judas 1:25

So Nia mesak deit mak Maromak, Nia mak ita nia Salvador, liu hosi Jesus Kristu, ita nia Nai. Nunee, onra, gloria no poder hotu-hotu foo ba Nia. Nia mak kaer ukun, molok mundu nee iha, agora, i too tinan ba tinan nafatin. Amen.

Apokalipse 3:21

See mak manaan, Hau sei foo direitu ba nia para tuur ukun hamutuk ho Hau, hanesan mos Hau manaan tiha ona, i agora Hau tuur ukun hamutuk ho Hau nia Aman.

Apokalipse 4:11

“Maromak ami nia Nai, Ita Boot mak serve atu ema hotu-hotu hahii no foti aas Ita nia naran, tanba Ita Boot mak forsa teb-tebes, Ita Boot mak halo buat hotu-hotu. Buat sira nee hotu iha tanba Ita Boot mak hakarak.”