Ebreu 1:2 - Biblia Tetun Dili

² Maibee iha tempu ikus nee, Maromak koalia mai ita liu hosi Nia Oan rasik. Hosi hahuu, Nai Maromak hili Nia Oan hodi ukun hamutuk ho Nia. Uluk liu bainhira Maromak halo lalehan ho rai, ho buat hotu-hotu iha laran, Nia Oan nee halo hamutuk ho Nia.

Ebreu 1:2 Iomraidhean Croise

Jenesis 49:1

Tuir mai, Jacó haruka bolu nia oan sira hotu. Nia hatete nunee, “Oan sira! Imi hotu mai besik hodi rona. Hau atu foo hatene ba imi, ida-idak nia moris iha loron aban-bainrua.”

Mateus 13:39

Inimigu nebee kari duut manlai nee mak diabu. Tempu kolheita mak bainhira mundu remata. I ema nebee halo kolheita mak Maromak nia anju sira.

Mateus 17:5

Pedro sei koalia hela nunee, derepenti kalohan nabilan ida tuun mai falun tiha sira. I lian ida sai hosi kalohan nee dehan, “Ida nee Hau nia Oan doben. Nia halo Hau nia laran haksolok teb-tebes. Imi tenki rona Nia!”

Mateus 21:38

Maibee bainhira ema nebee aluga toos nee haree toos nain nia oan, sira dehan ba malu, ‘Nia mak sei hetan nia aman nia rikusoin hotu. Diak liu ita oho tiha nia, atu toos nee sai fali ita nia rikusoin.’

Mateus 26:63

Maibee Jesus nonook deit. I nai lulik boot dehan, “Hodi Maromak nebee Moris nia naran, hau husu para O hataan ho loloos. O mak Kristu, Nai Maromak nia Oan nebee Nia promete ona hori uluk atu haruka mai nee ka?”

Mateus 28:18

Entaun Jesus baa besik sira hodi dehan, “Maromak foo tiha ona kbiit tomak mai Hau hodi ukun buat hotu-hotu iha lalehan ho rai.

Mateus 3:17

Depois lian ida hosi lalehan hatete, “Ida nee mak Hau nia Oan Doben. Nia halo Hau nia laran haksolok teb-tebes.”

Marcos 1:1

Ida nee mak novidade diak kona ba Jesus Kristu, Nai Maromak nia Oan. Nia istoria komesa nunee:

Marcos 12:6

Agora hela ema ida deit, toos nain nia oan mane. Nia oan mesak ida deit, i nia hadomi teb-tebes. Tanba la iha tan dalan seluk, nee duni nia haruka nia oan rasik mak baa. Nia hanoin katak, ‘Hau nia oan rasik nee, sira tenki simu ho diak, i tenki rona nia.’

Marcos 12:7

Nunee nia haruka nia oan rasik baa. Maibee bainhira ema sira aluga toos nee, haree nia oan nee mai, sira koalia ba malu dehan, ‘Haree lai! Toos nain haruka nia oan rasik mak mai. Se aban-bainrua, toos nain mate, nia oan nee mak hetan nia eransa hotu. Mai ita oho tiha nia, para ita bele hetan nia riku nee!’

João 1:10

Maski Nia halo ona buat hotu iha mundu nee, maibee ema iha mundu la konhese Nia, bainhira Nia mai iha mundu nee.

João 1:14

I ‘Maromak nia Liafuan’ nee, sai tiha ema. Nia moris iha ita nia leet. Ita haree Nia naroman-nabilan. Nia iha naroman-nabilan nunee, tanba Nia mak Nai Maromak nia Oan mane mesak. Nia hakarak hatudu Nia laran diak no grasa mai ita, tanba Nia hahalok nunee duni. I buat hotu nebee Nia hatoo kona ba Nai Maromak, loos duni.

João 1:3

Maromak halo buat hotu-hotu liu hosi Nia. La iha buat ida iha, se Nia la halo.

João 13:3

Jesus hatene ona katak Nai Maromak mak haruka Nia mai iha mundu nee, i la kleur tan Nia tenki fila fali ba Maromak. Nia mos hatene ona katak Nia Aman iha lalehan foo buat hotu-hotu iha Nia liman.

João 13:32

Tanba Hau laran ida ho Maromak i hatudu Nia naroman-nabilan, nee mak Nia foti aas Hau. I Nia halo agora kedas.

João 15:15

Hau lakohi bolu tan imi, Hau nia ‘atan.’ Tanba atan la komprende didiak nia patraun nia hakarak. Maibee Hau bolu imi, Hau nia ‘belun’, tanba Hau foo hatene momoos ba imi buat hotu nebee Hau nia Aman foo hatene ona mai Hau.

João 16:15

Buat hotu-hotu nebee Hau nia Aman ninian, Hau nian mos. Nee mak ohin Hau koalia dehan, Maromak nia Espiritu sei hatudu ba imi buat hotu nebee loos kona ba Hau.”

João 3:16

Tanba Nai Maromak hadomi teb-tebes ema hotu-hotu iha mundu nee, nee mak Nia haruka Nia Oan mane mesak, para ema hotu nebee fiar ba Nia, Nai Maromak la husik sira lakon, maibee Nia foo ba sira moris rohan laek.

João 3:25

Relijiaun Judeu iha kostumi ida hamoos aan, foin sira bele harohan. Iha nebaa ema Judeu ida haksesuk malu ho João nia eskolante sira kona ba kostumi nee.

João 5:26

Moris hotu-hotu nia huun iha Hau nia Aman. Nia mos foo mai Hau moris loloos. Tanba Hau nee, Nia Oan.

João 5:27

Hau nia Aman mos foo direitu no kbiit mai Hau hodi tesi ema hotu nia lia, tanba Hau, Ema Oan.

João 9:29

Ami hatene Nai Maromak koalia ho Moisés. Maibee ami la hatene Ema nee mai hosi nebee.”

Apostolu sira nia Istoria 10:36

Imi hatene novidade nebee mak Nai Maromak foo sai ona ba ami ema Israel. Novidade Diak nee katak Nia haruka ona Jesus Kristu mai, hodi halo dame ema ho Nai Maromak. I Nia mak ema hotu-hotu nia Nai.

Apostolu sira nia Istoria 2:17

‘Nai Maromak hatete, “Molok mundu remata, Hau sei fakar Hau nia Espiritu ba ema hotu-hotu. Imi nia oan mane sira ho imi nia oan feto sira, sei foo sai buat nebee ke Hau foo hatene ba sira. Imi nia oan foin sae sira, sei haree buat nebee mak Hau hatudu ba sira. I ema katuas ho ferik sira, sei mehi buat nebee mak Hau foo ba sira.

Roma 1:4

Maibee Maromak hatudu momoos katak, Jesus nee mos Maromak nia Oan. Ita hatene nunee tanba Espiritu nebee mak iha Jesus nee santu teb-tebes, hanesan Maromak, i Espíritu nee mak halo Jesus moris fali hosi mate.

Roma 8:17

Se ita sai ona Maromak nia oan, nee dehan katak aban-bainrua ita sei simu eransa rikusoin nebee mak Maromak rai hela ba Nia oan sira, hanesan mos Kristu simu. Naran katak ita mos hola parte iha Kristu nia terus, para aban-bainrua Maromak bele foti aas ita hanesan mos Nia foti aas Kristu.

1 Korintu 2:7

Matenek nebee mak ami foo sai nee, matenek Maromak nian. Molok mundu iha, Maromak iha ona planu hodi foti aas ita liu hosi Jesus, maibee durante nee Nia planu nee segredu hela.

1 Korintu 8:6

Maibee ba ita sarani sira, Maromak ida deit, Nia mak ita hotu nia Aman. Nia mak huun ba buat hotu-hotu, i ita moris atu serbii Nia. Ita nia Nai mos ida deit, Nia mak Jesus Kristu. Liu hosi Nia, buat hotu-hotu iha, ita hetan moris loos liu hosi Nia.

Galasia 4:4

Maibee too nia tempu, Nai Maromak haruka Nia Oan mai. Iha feto ida mak tuur ahi Maromak nia Oan nee, i nia Oan moris tuir lei relijiaun Judeu nian.

Efezu 1:10

Nia planu mak nee: bainhira too ona nia tempu, Maromak sei halo buat hotu-hotu iha lalehan ho iha rai hamutuk ida deit, i Kristu mak sei ukun hotu-hotu.

Efezu 3:9

Komesa hosi Nai Maromak halo mundu, Maromak nia planu nee segredu hela. Maibee agora Nia haruka hau esplika ba ema hotu-hotu kona ba oinsaa mak Nia atu halao Nia planu.

Ebreu 1:5

Nai Maromak hatete ba Nia Oan nunee: “O Hau nia Oan.” Maromak mos dehan, “Hau nee Nia Aman, Nia mak Hau nia Oan.” Maibee Nai Maromak nunka koalia nunee kona ba anju sira.

Ebreu 1:8

Maibee ba Nia Oan, Maromak dehan, “O nee Maromak, O sei ukun tinan ba tinan. O sempre ukun O nia reinu ho lia loos.

Ebreu 11:3

Tanba ita fiar ba Nai Maromak mak ita bele komprende katak, bainhira Maromak halo lalehan ho rai, Nia halo hotu liu hosi Nia liafuan. Nia koalia deit mak lalehan ho rai iha kedas. Nunee, buat nebee ita haree, Nia halo hosi buat nebee mak ita ema la haree.

Ebreu 2:3

Saa tan salvasaun nebee mak Nai Jesus foo. Salvasaun nee boot teb-tebes, i see mak la interese, nia sei la sees hosi Maromak nia kastigu. Tanba salvasaun nee Nai Jesus rasik mak foo sai uluk, i ema sira nebee rona hatudu mai ita katak Nia liafuan nee loos.

Ebreu 3:6

Maibee Jesus Kristu halo tuir Maromak nia hakarak hodi toma konta Maromak nia uma laran nudar Maromak nia Oan rasik. Ita nee mak halo parte iha Maromak nia familia iha Nia uma laran, naran katak ita kaer metin ita nia fiar i laran metin nafatin ba promesa nebee Maromak foo ona mai ita.

Ebreu 4:14

Nee duni ita tenki kaer metin ita nia fiar. Tanba ita iha nai-lulik boot ida. Nia tama tiha ona too iha Nai Maromak nia futar oin. Nia mak Jesus, Maromak nia Oan.

Ebreu 5:8

Jesus nee Nai Maromak nia Oan. Maski nunee Nia hetan terus nudar ema para moris tuir Maromak nia hakarak.

Ebreu 7:28

Ema nebee sai nai-lulik boot tuir Moisés nia lei, sira ema nebee iha frakeza. Maibee ikus mai, Maromak jura hodi foti Nia Oan sai Nai-Lulik Boot, i Nia Oan nee perfeitu too tinan ba tinan.

Ebreu 7:3

La iha ema ida hatene kona ba Melkizedek nia inan-aman ho nia bei-ala sira, la iha ema ida mak hatene kona ba nia loron moris no nia loron mate. Nia hanesan Maromak nia Oan, tanba nia nai-lulik too tinan ba tinan.

Ebreu 9:26

Tanba se karik Nia tenki foo Nia Aan fila-fila, nee dehan katak Nia terus hela deit komesa Nai Maromak halo mundu nee. Maibee laos nunee. Agora tempu ikus ona, Nia foo Nia Aan hanesan sakrifisiu dala ida deit hodi halakon ita nia sala.

1 Pedro 1:20

Uluk liu, molok Nai Maromak halo mundu nee, Nia hili tiha ona Kristu atu selu kotu imi. Agora, mundu besik atu remata ona, foin Nai Maromak haruka Kristu mai para tulun imi.

2 Pedro 3:3

Liu-liu imi tenki hatene katak, bainhira mundu nee besik remata, sei iha ema nebee gosta goza imi. Sira sei moris tuir deit sira nia hakarak aat, i sei hamoe imi

Judas 1:18

Sira foo sai katak, bainhira mundu nee besik remata ona, sei iha ema nebee halo trosa Maromak nia povu, i moris tuir deit sira nia hakarak aat.