Ebreu 1:1 - Biblia Tetun Dili

¹ Iha tempu uluk, Nai Maromak koalia fila-fila ba ita nia bei-ala ema Ebreu sira liu hosi Nia profeta. Nia koalia ho sira liu hosi dalan oi-oin.

Ebreu 1:1 Iomraidhean Croise

Jenesis 3:15

Hau sei halo o ho feto nee inimigu bebeik. I imi nain rua nia bei oan sira mos nunee. O nia jerasaun sei tata ema nia ain tuban. Maibee feto nee nia jerasaun ida, sei sama rahun o nia ulun.”

Jenesis 6:3

NAI Maromak hatete, “Hau nia Espiritu nebee foo moris ba sira nee lakohi hela taan iha sira ona, tanba sira nee ema deit, sira tenki mate. Nunee, komesa agora, sira so bele moris too deit tinan 120.”

Lucas 1:55

Nunee Maromak halo tuir Nia promesa nebee nia promete ona ba ita nia bei-ala Abraão ho nia jerasaun too tinan ba tinan.”

Lucas 1:72

Maromak halo nunee para hatudu Nia domin ba ita nia bei-ala sira hodi hanoin Nia aliansa ho sira.

Lucas 24:27

Depois Jesus esplika ba sira kona ba buat hotu-hotu nebee hakerek ona iha Sagrada Eskritura kona ba Nia Aan, komesa hosi Moisés nia livru, no profeta sira seluk nia livru.

Lucas 24:44

Hotu tiha Jesus dehan ba sira, “Uluk Hau sei hamutuk ho imi, Hau hatete katak, buat hotu nebee hakerek ona kona ba Hau iha Livru Sagradu, komesa hosi lei Moisés nian too profeta sira seluk nia liafuan ho mos livru Salmus, buat sira nee hotu tenki kumpri duni.”

João 16:13

Maibee bainhira Espiritu nebee hatudu lia loos mai ona, Nia sei hanorin imi para bele komprende buat nebee loos. Nia la koalia hosi Nia aan rasik, maibee Nia foo hatene saida mak Nia rona hosi Hau nia Aman. Nia mos sei foo hatene ba imi, saida mak sei mosu iha aban-bainrua.

João 7:22

Maibee dala ruma imi mos serbisu iha loron deskansa. Hanesan nee: Moisés rai hela regra sunat nian dehan, bainhira ema tuur ahi oan mane, iha loron walu, tenki sunat bebee nee. Maski loron nee monu iha loron Sabadu, imi tenki sunat nia. (Maibee tuir loloos, lei nee antigu liu Moisés. Tanba Nai Maromak foo uluk ona lei nee ba Abraão.)

João 9:29

Ami hatene Nai Maromak koalia ho Moisés. Maibee ami la hatene Ema nee mai hosi nebee.”

Apostolu sira nia Istoria 13:32

Paulo hatutan nia koalia dehan, “Ami nain rua lori Novidade Diak nee foo ba imi katak, buat nebee mak Maromak promete ona ba ita nia bei-ala sira, agora kumpri ona.

Apostolu sira nia Istoria 2:30

Maibee liurai David nee, Nai Maromak nia profeta. I nia hatene katak Nai Maromak promete i jura ona dehan ema ida hosi David nia jerasaun sei kaer ukun.

Apostolu sira nia Istoria 28:23

Entaun sira marka loron ida, atu sira hasoru malu fali. Too iha loron nee, ema barak teb-tebes mai iha Paulo nia uma. Nia komesa esplika ba sira kona ba Nai Maromak nia reinu. I nia uza liafuan hosi profeta Moisés nia livru, ho mos hosi profeta sira seluk nia livru, atu halo sira fiar ba Jesus. Nia koalia hosi dadeer-saan too kalan.

Apostolu sira nia Istoria 3:21

I Jesus nee sei hein iha lalehan too tempu para Nai Maromak halo buat hotu-hotu foun, tuir Nai Maromak promete ona liu hosi Nia profeta sira.

Ebreu 11:2

Ita nia bei-ala sira nia fiar hanesan nee. Tanba nee mak Nai Maromak simu sira ho laran haksolok.

Ebreu 12:25

Tanba nee bainhira Nai Maromak koalia ba imi, see tilun didiak hodi rona. Uluk Moisés hatoo Maromak nia liafuan iha mundu nee, maibee ita nia bei-ala sira lakohi rona. Nee mak Maromak kastigu sira. Saa tan ita, se ita lakohi rona Maromak koalia mai ita hosi lalehan.

Ebreu 2:2

Uluk anju sira hatoo Maromak nia lia menon ba ita nia bei-ala sira. Buat nebee anju sira hatoo nee loos, i see mak kontra, nia simu kastigu tuir nia hahalok.

Ebreu 2:3

Saa tan salvasaun nebee mak Nai Jesus foo. Salvasaun nee boot teb-tebes, i see mak la interese, nia sei la sees hosi Maromak nia kastigu. Tanba salvasaun nee Nai Jesus rasik mak foo sai uluk, i ema sira nebee rona hatudu mai ita katak Nia liafuan nee loos.

Ebreu 3:5

Moisés halo tuir Maromak nia hakarak hodi serbii Maromak nia povu nudar atan ida iha Maromak nia uma laran. I nia koalia kona ba buat nebee mak Nai Maromak atu foo sai aban-bainrua.

Ebreu 4:8

Uluk bainhira Josué lori ita nia bei-ala sira tama ba rai nebee Maromak promete ba sira, Josué la lori sira tama ba iha fatin deskansa loloos iha nebaa. Nee mak Maromak koalia fali kona ba tempu seluk.

Ebreu 5:5

Kristu mos nunee. Nia laos foti Nia Aan rasik sai nai-lulik boot, maibee Nai Maromak mak foti Nia para kaer kargu boot nee. Maromak dehan, “O Hau nia Oan. Iha loron ida nee Hau deklara sai katak Hau nee O nia Aman.”

Ebreu 9:19

Iha tempu nebaa Maromak foo Nia aliansa ho Nia lei dala ida liu hosi Moisés. Depois Moisés halibur povu Israel hotu hodi foo sai ba sira Maromak nia lei tomak. Nia foo sai tiha hotu, nia oho karau ho bibi hodi hasai nia raan, i kahur raan nee ho bee. Nia kesi bibi fulun mean iha ai hisop nia sanak, depois habokon ho raan nee hodi hisik ba livru nebee hakerek Maromak nia lei, i hisik mos ba povu.