Apokalipse 8:3 - Biblia Tetun Dili

³ Depois iha anju seluk mai lori manko osan mean ida hamriik iha altar oin. Nia simu ai been morin barak iha nia manko atu hasae ba Maromak hamutuk ho Maromak nia povu nia orasaun. Nia sunu ai been morin nee iha altar osan mean iha kadeira ukun nia oin.

Apokalipse 8:3 Iomraidhean Croise

Lucas 1:10

Entaun Zacarias tama ba laran. Bainhira nia sunu hela ai morin, ema barak halo hela orasaun iha liur.

Roma 8:34

Entaun see mak foo kastigu mai ita? La iha! Tanba Kristu Jesus mate ona ba ita, maibee laos nee deit, Nia moris fila fali ona, i agora Nia tuur iha Maromak nia sorin loos hodi defende ita.

Ebreu 7:25

Tanba nee Jesus iha kbiit hodi salva see deit mak baa iha Maromak liu hosi Nia. Nia bele salva sira agora i too tinan ba tinan, tanba Nia moris nafatin hodi harohan ba Nai Maromak atu tulun sira.

Ebreu 9:4

Iha Fatin nebee Santu Liu nee iha altar osan mean hodi sunu ai been morin. Iha mos kaixoti aliansa nian, nia liur-laran taka tomak ho osan mean. Iha kaixoti nee nia laran iha sanan osan mean. Sanan nee paun manaa mak iha laran. Iha kaixoti laran nee iha mos Arão nia ai tonka nebee uluk dikin fali ona, ho mos fatuk belar rua. Iha fatuk nee hakerek Nai Maromak nia ukun fuan.

Apokalipse 10:1

Depois hau haree anju forte ida tan tuun mai hosi lalehan. Kalohan falun metin nia isin, i arkuiris ida haleu nia ulun. Nia oin nabilan loos hanesan loro matan, i nia ain hanesan fali ahi lakan makaas.

Apokalipse 14:18

Iha anju ida seluk nebee toma konta sunu ai been morin iha altar, nia lao mai hosi altar. Nia hatete ho lian makaas ba anju nebee kaer hela tudik kroat nee dehan, “Hodi tudik kroat nee tesi tiha uvas fuan sira nee baa! Tanba uvas hotu-hotu iha mundu tasak ona.”

Apokalipse 5:8

Bainhira Bibi Oan simu livru nee, animal moris haat ho katuas lia nain rua-nulu resin haat nee hakneak i hakruuk too rai iha Nia oin. Sira ida-idak kaer buat ida hanesan viola, i kaer mos manko osan mean ida, ai been morin nakonu iha laran. Ai been morin nee mak Maromak nia povu sira nia orasaun.

Apokalipse 6:9

Tuir mai Bibi Oan loke karimbu fatin numeru lima. I hau haree ema barak nebee uluk ema oho, sira nia klamar iha meza sakrifisiu nia okos. Sira nee ema oho tanba sira foo sai Nai Maromak nia Liafuan ho loloos no sira nia moris sai sasiin diak.

Apokalipse 7:2

Anju haat nee simu ona kbiit atu estraga rai ho tasi. Depois hau haree anju ida seluk mai hosi loro-sae lori hela karimbu hosi Maromak nebee Moris. Anju nee koalia ho lian makaas ba anju haat nee

Apokalipse 8:4

I ai been morin nia suar ho povu sira nia orasaun sae hamutuk hosi anju nia liman too iha Nai Maromak nia oin.

Apokalipse 8:5

Depois anju nee mos foti ahi klaak iha altar leten hodi enxe nakonu ba iha manko osan mean laran, i nia riba tuun ba mundu. Derepenti rai tarutu makaas iha fatin-fatin, rai lakan taa ba-mai i rai mos nakdoko.

Apokalipse 9:13

Hotu tiha anju numeru neen huu nia korneta. Hau rona lian ida sai hosi altar osan mean nia lidun haat, altar nee iha hela Nai Maromak nia oin.