Apokalipse 7:3 - Biblia Tetun Dili

³ dehan, “Hein lai! Ami sei tau marka iha Nai Maromak nia ema sira nia reen toos lai. Marka hotu mak imi foin bele estraga rai maran ho tasi ho mos ai huun sira hotu.

Apokalipse 7:3 Iomraidhean Croise

Mateus 24:22

Se Maromak la habadak tempu terus nee, la iha tan ema ida mak moris. Maibee Nai Maromak hadomi ema sira nebee Nia hili tiha ona nee, maka Nia sei habadak tempu terus nee.

Mateus 24:31

I Hau sei haruka Hau nia anju sira huu korneta ho lian makaas i sira sei ba halibur ema sira nebee mak Maromak hili tiha ona, hosi lorosae too loromonu, hosi tasi feto too tasi mane.”

João 12:26

Ema nebee hakarak serbii Hau, nia tenki tuir Hau nafatin. Hau baa iha nebee deit, Hau nia atan sira mos iha nebaa. Ema nebee serbii Hau maka Hau nia Aman iha lalehan respeita nia.”

João 3:33

Se ema fiar no simu saida mak Ema hosi lalehan nee foo sai, nee hatudu katak Maromak nee loos.

Roma 6:22

Maibee agora Maromak halo imi livre ona hosi sala, i imi sai ona Maromak nia atan. Buat diak nebee imi simu mak nee: Imi sai ema nebee moris ho laran moos, nunee iha ikus imi sei hetan moris rohan-laek.

Apokalipse 13:16

Animal segundu nee obriga ema hotu-hotu, kiik-boot, riku-kiak, atan ka ema livre, tenki simu marka iha sira nia liman loos ka iha sira nia reen toos.

Apokalipse 13:17

Ema nebee la iha marka nee, sira la bele faan sasaan ka sosa buat ida. Iha marka nee hakerek animal siak primeiru nia naran, ka numeru nebee reprezenta nia naran.

Apokalipse 14:1

Tuir mai hau haree tan buat foun ida. Hau haree Bibi Oan hamriik hela iha foho Siaun nia tutun, hamutuk ho ema rihun atus ida haat-nulu resin haat. Iha sira hotu nia reen toos hakerek Bibi Oan nia naran ho mos Bibi Oan nia Aman nia naran.

Apokalipse 14:9

Depois anju ida tan semo tuir anju rua nee. Anju nee foo sai ho lian makaas dehan, “See mak adora animal siak nee ho nia estatua, i simu nia marka iha sira nia reen toos ka liman,

Apokalipse 19:2

Nia tesi lia ho loloos, Nia foti ona desizaun atu kastigu feto luroon nee. Feto aat nee dada ema hosi mundu tomak para halo sala adulteriu ho nia, nunee ema sira nee mos sai aat hotu. Nia mos oho Nai Maromak nia atan sira, i agora Maromak foo kastigu ona ba nia.”

Apokalipse 20:4

Depois hau haree kadeira ukun barak ho ema tuur hela iha kadeira ida-idak. Nai Maromak foo ona kbiit ba ema sira nee hodi foo justisa. Uluk sira sei moris iha mundu, ema tesi tiha sira nia kakorok tanba sira foo sasin kona ba Jesus Kristu i foo sai Nai Maromak nia liafuan. Sira nee nunka adora animal siak ho nia estatua, i lakohi simu animal nee nia marka iha sira nia reen toos ka iha sira nia liman. Maski ema oho tiha ona sira, maibee Nai Maromak halo moris fali sira, i sira ukun hamutuk ho Kristu too tinan rihun ida.

Apokalipse 22:4

Sira haree Nia oin, i Nia naran hakerek iha sira nia reen toos.

Apokalipse 6:6

Depois hau rona buat ida hanesan ema nia lian sai hosi animal haat nee nia klaran dehan, “La kleur tan, rai sei hamlaha boot. Osan nebee ema manaan iha loron ida, sei too deit para sosa trigu kilu tolu. Se trigu diak nian, hetan deit kilu ida. Maibee keta estraga ai oliveira ho ai uvas.”

Apokalipse 7:1

Hotu tiha, hau haree anju haat hamriik hela iha mundu nia lidun haat hodi satan netik anin hosi rai ulun, rai ikun, tasi feto, tasi mane, para la bele huu ba rai maran ho tasi. Ai huun ida mos anin la kona.

Apokalipse 7:2

Anju haat nee simu ona kbiit atu estraga rai ho tasi. Depois hau haree anju ida seluk mai hosi loro-sae lori hela karimbu hosi Maromak nebee Moris. Anju nee koalia ho lian makaas ba anju haat nee

Apokalipse 9:4

Maibee Nia bandu sira la bele estraga duut ho ai huun ho ai horis selu-seluk. Sira so bele halo terus ema nebee mak la iha Nai Maromak nia marka iha sira nia reen toos.