Apokalipse 3:3 - Biblia Tetun Dili

³ Tanba nee hanoin fila fali hanorin nebee mak uluk imi rona no simu ona nee. Imi tenki halo tuir hanorin nee, i hakribit imi nia sala. Se imi dukur nafatin, Hau sei mai derepenti deit hanesan naok-teen, imi sei la hatene bainhira loos mak Hau mai.

Apokalipse 3:3 Iomraidhean Croise

Mateus 25:13

Konta hotu tiha, Jesus hatete, “Tanba nee, matan moris neon nain nafatin baa. Tanba imi la hatene loron ho oras nebee mak Hau atu fila fali mai.”

Marcos 13:33

Nee duni, imi tenki neon moris matan moris! Tanba imi la hatene loron nebee mak Hau sei fila mai.

Marcos 13:36

Keta halo be nia fila derepenti, imi toba nakoros hela.

1 Tesalonika 5:2

Tanba imi hotu hatene momoos katak, Nia mai derepenti deit, hanesan naok-teen mai iha kalan boot.

1 Timóteo 6:20

Timóteo, kuidadu didiak knaar nebee Nai Maromak tau ona iha o nia kabaas. Hadook aan hosi ema sira nebee koalia la huun la dikin, i kontra Nai Maromak nia Liafuan. Sira gaba aan dehan matenek, maibee tuir loloos lae. Lalika diskuti malu ho sira.

2 Timóteo 1:13

Kaer metin hanorin loos nebee o simu ona hosi hau. Fiar ba Jesus nafatin i hadomi ema seluk, tanba o laran ida ona ho Kristu Jesus.

Ebreu 2:1

Tanba nee, ita tenki kaer metin liu tan lia loos nebee ita rona tiha ona, para ita la bele husik ita nia fiar.

2 Pedro 1:13

Hau hanoin hau iha obrigasaun para foo hanoin buat sira nee ba imi durante hau sei moris iha mundu.

2 Pedro 3:1

Maluk doben sira, ida nee hau nia surat segundu ba imi. Iha hau nia surat rua nee, hau foo hanoin ba imi kona ba buat nebee imi hatene ona, tanba hau hakarak dudu imi ba hanoin nebee mak loos.

2 Pedro 3:10

Maibee ita nia Nai sei mai derepenti deit hanesan naok-teen. Lalehan sei tarutu makaas loos too lakon tiha. Loro-matan, fulan ho fitun sira iha lalehan, ahi haan hotu kedas. I mundu ho buat hotu-hotu iha mundu nee mos sei lakon hotu.

Apokalipse 16:15

Fatin nebee liurai sira halibur atu halo funu nee ho lian Ebreu dehan Armagedon. Jesus Kristu hatete, “Rona didiak! Hau sei mai derepenti deit hanesan naok-teen. Ema nebee hadeer hela deit no hatais hela nia ropa, ema nee hetan bensaun. Se lae, bainhira Hau mai, nia moe loos tanba nia isin molik hela.”

Apokalipse 2:25

naran katak imi kaer metin nafatin imi nia fiar too Hau fila fali mai.

Apokalipse 2:5

Imi monu aat liu ona! Agora, hanoin fila fali imi nia domin uluk. Husik tiha imi nia sala nee hodi moris fali tuir imi nia hahalok ida uluk nia. Se lae, Hau sei mai hasai imi nia ahi-oan riin.

Apokalipse 22:7

Jesus dehan, “Rona mai! La kleur tan Hau sei mai. Ema nebee halo tuir Nai Maromak nia lia menon iha livru nee, sira hetan bensaun.”

Apokalipse 3:11

Hau besik atu mai ona. Nee duni kaer metin imi nia fiar para ema seluk la bele hadau prémiu nebee prepara tiha ona ba imi.

Apokalipse 3:19

Ema nebee Hau hadomi, sira nee mak Hau koriji i Hau kastigu. Entaun imi tenki hakaas aan hodi husik ona imi nia sala.

Apokalipse 3:2

Hau hatene buat hotu-hotu nebee imi halo: Ema dehan imi sei moris hela maibee imi hanesan ema nebee mate tiha ona. Hadeer ona baa! Imi nia fiar besik atu hotu ona, entaun hametin ona imi nia fiar baa. Tanba Hau haree imi nia hahalok, la iha ida mak tuir loloos Maromak nia hakarak.