Apokalipse 2:3 - Biblia Tetun Dili

³ Ema halo terus imi tanba imi fiar mai Hau, maibee imi aguenta nafatin, i la kole.

Apokalipse 2:3 Iomraidhean Croise

Marcos 15:21

Bainhira sira sai hosi Jerusalém, iha dalan klaran sira hasoru ema ida hosi sidade Sirene. Nia naran Simão, Alexandre ho Rufo sira nia aman. Nia atu tama ba Jerusalém, soldadu sira kaer nia i obriga nia hasaan Jesus Nia krus.

Lucas 14:27

Ema nebee hakarak tuir Hau, nia tenki prontu atu simu terus, hanesan ema nebee prontu lori nia krus hodi tuir Hau too mate. Se lae, nia la serve sai Hau nia eskolanti.

Lucas 18:1

Depois Jesus halo komparasaun ida ba Nia eskolanti sira hodi hanorin para sira tenki halo orasaun nafatin i la bele lakon esperansa.

Lucas 21:19

Se imi aguenta nafatin, imi sei hetan moris rohan-laek.”

Lucas 5:5

Simão hataan, “Mestri, ami serbisu makaas iha kalan tomak, ami la hetan ikan ida. Maibee tanba Ita Boot mak haruka maka hau sei hatuun redi.”

Lucas 8:15

Maibee fini nebee monu iha rai bokur, mak ema nebee moris loos ho laran moos. Bainhira sira rona Maromak nia liafuan, sira rai didiak iha sira nia laran hodi kaer metin nafatin too foo rezultadu diak teb-tebes.”

João 15:21

Sira sei halo terus imi, tanba imi hamutuk ho Hau. Sira halo nunee, tanba sira la konhese Nia nebee haruka Hau mai.

Roma 12:12

Imi tenki haksolok tanba imi laran metin ba Maromak. Aguenta ho pasiensia iha terus laran. Halo orasaun bebeik.

Roma 16:12

Kumprimentus ba ita nia maluk feto Trifena ho Trifosa. Sira nain rua serbisu makaas ba ita nia Nai. Kumprimentus ba hau nia belun diak Pérsida. Irmán nee mos serbisu makaas loos ba ita nia Nai.

Roma 2:7

Maromak sei foo moris rohan-laek ba ema nebee badinas halo buat diak bebeik, atu nunee, Maromak respeita i foti aas sira nia naran.

Roma 8:25

Maibee se ita seidauk hetan, ita hein ho pasiensia nafatin.

1 Korintu 13:7

Domin prontu terus nafatin, fiar nafatin, hein ho laran metin nafatin, i aguenta nafatin.

1 Korintu 16:16

atu imi rona ema hanesan nee, rona mos ema seluk nebee foo aan hanesan sira hodi serbii sarani sira.

2 Korintu 10:15

Ami mos la gaba aan kona ba serbisu nebee ema seluk mak halo. Ami hakarak atu imi nia fiar buras ba bebeik. Ho nunee ami nia area serbisu bele luan liu tan,

2 Korintu 11:23

Sira nee serbii Kristu ka? Hau koalia hanesan fali ema bulak, hau serbii Kristu liu fali sira. Hau serbisu makaas liu. Ema hatama hau ba komarka dala barak liu, ema baku hau ho xikote dala barak liu, i dala barak hau atu mate sal-sala.

2 Korintu 4:1

Maromak hatudu ona Nia domin mai ami hodi haruka ami halao Nia serbisu nee. Tanba nee ami la hakiduk.

2 Korintu 4:16

Tanba nee ami la dezanima. Maski ami nia isin fraku ba bebeik, maibee loron ba loron Maromak hafoun ami nia laran.

2 Korintu 5:9

Tanba nee, atu ita sei moris iha mundu nee ka ita husik ona mundu, ita nia hakarak mak nee: atu halo haksolok ita nia Nai nia laran.

2 Korintu 6:5

Ema baku ami ho xikote, dadur ami iha komarka, i ema ataka ami rame-rame. Ami serbisu too kosar metan suli, ami kalan la toba, i dala barak la haan.

Galasia 6:2

Se imi ruma hetan susar, imi tenki ajuda malu, i nunee imi halo tuir Kristu nia lei.

Galasia 6:9

Nee duni la bele baruk halo buat nebee diak. Tanba too iha nia loron, ita sei simu rezultadu diak, naran katak ita halo diak nafatin.

Filipi 2:16

Hatoo ba sira, Maromak nia Liafuan nebee foo moris. Se imi halo nunee, entaun aban-bainrua bainhira Jesus Kristu fila fali mai, hau nia laran sei haksolok, tanba hau nia serbisu ho hau nia kolen la saugati.

Filipi 4:3

Hau nia kolega serbisu nebee hau konfia, hau husu o ajuda hela senhora nain rua nee para diak malu. Tanba uluk sira nain rua serbisu makaas ajuda hau hodi foo sai Maromak nia Novidade Diak, hamutuk ho Clemente ho kolega sira seluk. Sira hotu nia naran, Maromak hakerek tiha ona iha livru ema moris rohan-laek nian.

Kolose 1:11

Ami mos husu ba Nai Maromak atu foo Nia kbiit nebee boot teb-tebes ba imi, para imi bele iha forsa hodi aguenta no pasiensia iha terus laran.

1 Tesalonika 1:3

Ami sempre hatoo ba ita nia Aman Maromak katak, imi serbisu makaas tanba imi fiar ba Nai Jesus, i badinas ajuda ema seluk tanba hadomi sira. I bainhira ema halo terus imi, imi aguenta nafatin ho pasiensia tanba imi laran metin ba Nai Jesus.

1 Tesalonika 2:9

Maun-alin sira, imi hatene, bainhira ami foo sai Maromak nia Novidade Diak ba imi, ami serbisu makaas loron-kalan hodi sustenta ami nia aan rasik. Tan ami lakohi foo todan ba imi.

1 Tesalonika 5:12

Maun-alin sira, ami husu boot atu imi respeita lideransa kristaun sira, nebee serbisu makaas iha imi nia leet. Sira mos foo hanoin bebeik ba imi para la bele monu ba sala.

2 Tesalonika 3:13

Maun-alin sira, imi la bele baruk halo buat nebee loos.

2 Tesalonika 3:5

Ami halo orasaun para Nai Jesus halo imi komprende liu tan katak Nai Maromak hadomi imi, i ajuda imi aguenta ho pasiensia iha terus laran, hanesan mos Kristu.

2 Tesalonika 3:8

Ami serbisu makaas loron-kalan, para la bele foo todan ba imi. I bainhira ema ruma foo hahaan mai ami, ami sempre selu.

1 Timóteo 4:10

Ita serbisu makaas i hakaas aan liu tan, tanba ita laran metin ba Nai Maromak nebee moris. Nia mak salvador ba ema hotu-hotu, liu-liu ba ita nebee fiar ba Jesus.

1 Timóteo 5:17

Hatudu respeitu didiak ba presbiteru sira nebee halo serbisu ho diak. I selu sira nia kolen ho diak, liu-liu sira nebee badinas foo sai Maromak nia liafuan no hanorin sarani sira hodi foo hanoin ba sira para moris tuir.

Ebreu 10:36

Aguenta ho pasiensia deit baa, atu nunee imi halo tuir nafatin Nai Maromak nia hakarak, i too ikus imi simu buat hotu-hotu nebee Nia promete ona ba imi.

Ebreu 12:1

Entaun, oinsaa ho ita agora? Ita hanesan ema nebee halai taru. Ita nia bei-ala sira sai ona sasin kona ba fiar, i agora sira haleu hela ita hodi asisti. Tanba nee mai ita soe tiha naha todan nebee halo ita halai la bele, liu-liu ita nia sala nebee kesi metin ita. Mai ita hakaas aan halai nafatin too rohan tuir dalan nebee Maromak hatudu ona ba ita.

Ebreu 13:13

Tanba Jesus mate iha liur, mai ita mos sai hosi sistema uluk nian hodi baa hamutuk ho Nia iha liur nebaa. I kuandu ema hatete aat ita hanesan mos sira hatete aat Nia, ita tenki simu.

Ebreu 6:10

Nai Maromak nee sempre halo buat nebee loos. Nia sei la haluha imi nia kolen ho imi nia domin ba Nia, tanba hori uluk too agora, imi tulun Maromak nia povu, nee hatudu katak imi mos hadomi Maromak.

Ebreu 6:12

Ami lakohi atu imi sai baruk-teen. Maibee imi tenki halo tuir ema sira nebee mak uluk fiar metin ba Nai Maromak hodi hein nafatin ho pasiensia too sira hetan buat nebee mak Maromak promete tiha ona atu foo ba sira.

Ebreu 6:15

Entaun Abraão hein ho pasiensia, i too ikus hetan duni buat nebee mak Maromak promete ba nia.

2 Pedro 1:6

Imi mos tenki domina aan i hatene aguenta nafatin, i moris halo tuir Maromak nia hakarak.

Apokalipse 1:9

Hau João, imi nia maun-alin. Ita hotu hetan susar ho terus tanba ita hakruuk ba Jesus nudar Liurai, maibee ita aguenta ho pasiensia nafatin. Ema kastigu hau iha ilha Patmos tanba hau foo sai Nai Maromak nia liafuan i foo sasin kona ba Jesus.

Apokalipse 3:10

Hau uluk haruka imi aguenta ho pasiensia iha terus nia laran, i imi halo tuir duni Hau nia liafuan nee. Tanba nee hau sei kuidadu didiak imi iha tempu susar no terus nebee mak sei mai iha mundu tomak. Maromak sei uza susar ho terus nee hodi koko ema hotu-hotu iha mundu.