Apokalipse 10:1 - Biblia Tetun Dili

¹ Depois hau haree anju forte ida tan tuun mai hosi lalehan. Kalohan falun metin nia isin, i arkuiris ida haleu nia ulun. Nia oin nabilan loos hanesan loro matan, i nia ain hanesan fali ahi lakan makaas.

Apokalipse 10:1 Iomraidhean Croise

Mateus 17:2

Too iha nebaa Nia eskolanti nain tolu nee haree Jesus nakfilak Aan tiha. Nia oin nabilan hanesan loromatan, i Nia hena sai mutin nabilan.

Lucas 21:27

Entaun mak sira haree Hau, Ema Oan tuun mai iha kalohan laran, ho kbiit boot ho naroman nabilan nian.

Apostolu sira nia Istoria 26:13

Liurai Agripa, bainhira ami sei iha dalan klaran, meu-dia derpenti deit, iha naroman ida hosi lalehan leno kona hau ho hau nia kolega sira. Naroman nee makaas liu loro matan.

Apokalipse 1:7

Haree baa! Jesus sei tuun mai hosi lalehan iha kalohan laran, i ema hotu-hotu sei haree Nia, too ema nebee uluk sona Nia, sira mos sei haree. Ema hosi nasaun hotu-hotu iha mundu nee sei tanis halerik tanba Nia. Loos duni, buat nee sei sai nunee duni. Amen.

Apokalipse 18:1

Hotu tiha hau haree anju ida tan tuun mai hosi lalehan. Anju nee nia kbiit boot i nia nabilan too halo mundu nee sai naroman hotu.

Apokalipse 18:21

Hotu tiha anju forti ida lori fatuk boot hanesan meza, nia riba tuun ba tasi laran hodi dehan, “Hanesan nee mos Nai Maromak sei riba tuun sidade boot Babilónia, i ema sei la haree tan.

Apokalipse 20:1

Depois hau haree anju ida tuun mai hosi lalehan kaer hela xavi rai kuak klean nakukun nian ho mos korenti boot ida iha nia liman.

Apokalipse 4:3

Ema nee nabilan hanesan fatuk murak jaspe ho sardóniu. Iha arkuiris ida haleu hela kadeira ukun nee. Arkuiris nee nabilan hanesan fatuk murak esmeralda.

Apokalipse 5:2

I hau haree anju forti ida husu ho lian makaas dehan, “See mak iha direitu atu hasai karimbu fatin iha livru lulun nee hodi loke livru nee?”

Apokalipse 8:13

Depois hau haree manu makikit ida semo aas, i hau rona manu nee foo sai ho lian makaas dehan. “Aii, susar! Susar! Ema hotu-hotu iha mundu sei hetan susar boot liu tanba sei iha tan anju tolu mak sei huu sira nia korneta.”