Apokalipse 1:8 - Biblia Tetun Dili

⁸ Nai Maromak dehan, “Hau mak Alfa ho Omega, primeiru no ikus. Hau iha hori uluk kedas, agora iha, i iha nafatin too tinan ba tinan. Hau mak kbiit nain.”

Apokalipse 1:8 Iomraidhean Croise

Jenesis 17:1

Bainhira Abrão tinan 99, NAI Maromak mai hatudu Aan ba nia. Nia hatete, “Hau nee NAI Maromak Boot Liu. O tenki tuir nafatin Hau nia hakarak, i moris loos.

Jenesis 28:3

Nai Maromak ida nebee forsa teb-tebes sei foo bensaun ba o i amenta o nia oan halo barak, para nia jerasaun mos sai nasaun boot barak.

Jenesis 35:11

Hau Maromak Boot Liu. O tenki iha oan ho bei oan bara-barak ba. Nasaun barak sei sai hosi o nia jerasaun, i liurai barak mos sei sai hosi o.

Jenesis 43:14

Hau harohan ba Nai Maromak forsa teb-tebes, para halo liurai Ejitu nia visi nee bele hadomi imi. Para nia bele foo fila Benjamim ho Simeão mai hamutuk ho imi. Maibee, se hau nia oan sira tenki lakon, biar hau lori nafatin terus nee.”

Jenesis 48:3

Jacó hatete ba José dehan, “Nai Maromak, ida forsa teb-tebes nee, uluk hatudu Aan mai hau iha aldeia Lus iha rai Kanaán. Iha nebaa, Nia promete mai hau,

Jenesis 49:25

Nia mak sei kuidadu o. I Nia foo bensaun ba o, bensaun hosi lalehan, bensaun hosi rai, ho bensaun foo oan barak mesak isin didiak deit.

2 Korintu 6:18

“Hau sei sai imi nia Aman, i imi sei sai Hau nia oan mane no oan feto. Ida nee mak Nai Maromak Forsa teb-tebes nia liafuan.”

Apokalipse 1:11

Lian nee dehan nunee, “Buat nebee mak o haree nee, o tenki hakerek iha livru lulun ida, depois haruka ba sarani sira iha sidade hitu tuir mai nee: Efezu, Esmirna, Pérgamu, Tiatira, Sardes, Filadélfia ho Laodiseia.”

Apokalipse 1:17

Bainhira hau haree Nia, hau monu kedas iha Nia oin hanesan ema mate. Maibee Nia tau Nia liman loos ba hau hodi dehan, “Keta tauk. Hau mak huun no rohan.

Apokalipse 1:4

Maluk sarani sira hosi sidade hitu iha provinsia Ázia, hau João harohan ba Nai Maromak ho Nia Espiritu ho mos Jesus Kristu para hatudu Sira nia grasa ba imi i foo paz ho hakmatek ba imi. Maromak iha hori uluk kedas, agora iha, i iha nafatin too tinan ba tinan. Nia Espiritu nee hatudu Aan mai hau hanesan espiritu hitu nebee iha hela kadeira ukun nia oin. I Jesus Kristu sempre foo sasin nebee loos, Nia mak ema primeiru nebee moris fali hosi mate, i Nia mak ukun liurai hotu-hotu iha mundu nee.

Apokalipse 11:17

Sira dehan, “Nai Maromak Forsa Teb-tebes, Ita Boot iha hori uluk kedas. Ami agradese ba Ita Boot tanba agora Ita Boot hatudu sai ona Ita nia kbiit makaas hodi ukun mundu.

Apokalipse 15:3

Sira hotu hananu kanta ida hosi Nai Maromak nia atan Moisés ho Bibi Oan nunee: “Nai Maromak Forsa teb-tebes, buat hotu-hotu nebee mak Ita Boot halo makaas teb-tebes, halo ema admira! Ita Boot mak nasaun hotu-hotu nia Liurai, Ita Boot halo saida deit sempre loos.

Apokalipse 16:14

Espiritu aat tolu nee iha kbiit hodi halo milagre oi-oin. I sira baa konvida liurai sira iha mundu tomak atu mai halibur hamutuk hodi halo funu hasoru Nai Maromak Kbiit Nain. Afinal tempu nebee sira marka atu funu nee mak Nai Maromak nia loron para kastigu Nia inimigu sira.

Apokalipse 16:7

Depois hau rona lian ida hosi meza sakrifisiu hataan nunee, “Loos duni! Nai Maromak Kbiit Nain, Ita Boot tesi lia ho loos duni. Sira merese duni simu kastigu nebee Ita Boot foo ba sira.”

Apokalipse 19:15

Ema nee iha surik kroat ida sai hosi nia ibun, i Nia uza surik nee hodi halo funu hasoru nasaun hotu-hotu iha mundu i Nia manaan. Depois Nia sei ukun nasaun sira nee ho liman besin. Nia sei sama sira hanesan fali ema sama uvas iha tanki laran hodi hasai nia been. Nia halo nunee hodi hatudu katak, Nai Maromak Forsa Teb-tebes fakar Nia hirus ba sira.

Apokalipse 19:6

Tuir mai hau rona buat ruma hanesan ema barak teb-tebes nia lian, hanesan fali laloran boot, ka hanesan rai tarutu makaas. Lian nee dehan, “Aleluia! Hahii ba Nai Maromak, tanba Nai Maromak Kbiit Nain mak ukun.

Apokalipse 2:8

Depois Ema nee hatete mai hau, “Hakerek hanesan nee ba sarani sira iha sidade Esmirna: ‘Hau mak huun ho rohan. Uluk Hau mate tiha ona maibee agora Hau moris fali ona. Hau nia lia menon mak nee:

Apokalipse 21:22

Iha sidade nee tomak hau la haree uma kreda ida, tanba Nai Maromak Forsa Teb-tebes ho mos Bibi Oan, Sira rasik iha nebaa. Nunee la presiza ona uma kreda.

Apokalipse 21:6

Nia dehan tan, “Buat sira nee kumpri tiha hotu ona! Hau mak Alfa no Omega, primeiru ho ikus, huun ho rohan. Ema nebee hamrook, Hau sei foo hemu bee hosi bee matan nebee foo moris tinan ba tinan, bee nee la selu.

Apokalipse 22:13

Hau mak Alfa no Omega, primeiru no ikus, Hau mak hahuu no remata, Hau mak huun ho rohan.

Apokalipse 4:8

Animal moris haat nee ida-idak iha liras neen. Iha sira nia liras tomak nakonu ho matan. Loron-kalan animal haat nee hananu la para dehan, “Santu, santu, Nai Maromak mak santu. Nia mak kbiit nain. Nia iha hori uluk kedas, agora iha, i iha nafatin too tinan ba tinan.”