Apokalipse 1:2 - Biblia Tetun Dili

² Nunee agora hau mos konta sai hotu saida mak hau haree, nee mak Nai Maromak nia lia menon nebee Jesus Kristu hatudu sai.

Apokalipse 1:2 Iomraidhean Croise

João 1:32

Nai Maromak haruka hau sarani ema ho bee. Nia mos hatete mai hau dehan, ‘La kleur Ema ida sei baa hamutuk ho o. Hau nia Espiritu tuun baa hela iha Nia. Ema nee mak sei sarani imi ho Espiritu Santu, hodi foo kbiit ba Hau nia ema sira.’ Bainhira Ema nee mai, hau seidauk konhese loloos Nia. Maibee bainhira hau haree Maromak nia Espiritu Santu tuun hosi lalehan hanesan manu pombu ida nebee tuun mai iha Nia, foin mak hau hatene Nia hodi dehan, ‘Nia mak Ema nee!’

João 12:17

Bainhira Jesus halo moris fali Lazaro hosi mate, i bolu nia sai hosi rate nee mai, ema barak haree. Agora sira konta baa-mai kona ba saida mak uluk sira haree tiha ona ho matan rasik.

João 19:35

(Ema nebee haree buat sira nee, mak hau. Hau rasik haree buat sira nee hotu, i hakerek buat nebee loos iha nee. I hau hatene saida mak hau hakerek nee, loos duni, para imi bele fiar ba hau nia koalia.)

João 21:24

Eskolante nebee Jesus koalia nee, mak hau, João. Hau mak konta buat sira nee hotu ba imi. Hau mak haree ho hau nia matan rasik. I hau mak hakerek buat sira nee hotu. Ita hotu hatene katak, saida mak hau foo hatene ba imi nee, loos duni.

João 3:11

Hau hatete loloos ba ita. Ami hatene buat sira nee, tan ami sai sasin kona ba buat sira nebee ami haree ona. Maibee imi la simu ho diak ami nia liafuan.

Apostolu sira nia Istoria 22:15

Irmaun sei sai sasin hodi hatoo ba ema hotu-hotu saida mak ita haree, ho saida mak ita rona.

Apostolu sira nia Istoria 26:16

Agora, o hamriik ona! Hau hatudu Aan ba o nee, atu o serbii Hau iha o nia vida tomak. O tenki baa foo sasin ba ema seluk kona ba saida mak o haree ona hosi Hau iha loron nee. O mos tenki foo sai buat nebee Hau sei hatudu ba o aban-bainrua.

Apostolu sira nia Istoria 4:20

Buat nebee ami rasik haree ho matan, i rona ho tilun, ami tenki foo sai nafatin!”

1 Korintu 1:6

Nee hatudu katak, buat nebee mak uluk ami foo sai ba imi kona ba Kristu, sai metin ona iha imi nia laran.

1 Korintu 2:1

Maun-alin sira, uluk hau baa iha imi hodi foo sai Maromak nia planu nebee uluk taka hela. Maibee hau laos uza liafuan aas hodi hatudu aan hanesan ema matenek ida.

1 João 1:1

Surat nee koalia kona ba Liafuan nebee foo Moris. Liafuan nebee foo Moris nee, Nia iha hori uluk kedas, molok Nai Maromak halo mundu nee. Ami rona ona Nia lian, ami haree Nia ho ami nia matan rasik, ami akompanha Nia, ami mos kaer rasik ho liman.

1 João 4:14

Ami rasik haree ona Maromak nia Oan, i ami foo sasin katak, Nai Maromak haruka Nia Oan mai para salva ema iha mundu nee.

3 João 1:12

Kona ba Demétrio, ema hotu konta dehan nia ema diak. Lia loos rasik foo sasin nunee. Ami mos foo sasin diak kona ba nia, i o hatene katak ami nia sasin nee loos.

Apokalipse 1:11

Lian nee dehan nunee, “Buat nebee mak o haree nee, o tenki hakerek iha livru lulun ida, depois haruka ba sarani sira iha sidade hitu tuir mai nee: Efezu, Esmirna, Pérgamu, Tiatira, Sardes, Filadélfia ho Laodiseia.”

Apokalipse 1:19

Entaun o tenki hakerek buat hotu-hotu nebee o haree nee, kona ba buat nebee akontese agora dadauk ho mos buat nebee aban-bainrua sei mosu.

Apokalipse 1:9

Hau João, imi nia maun-alin. Ita hotu hetan susar ho terus tanba ita hakruuk ba Jesus nudar Liurai, maibee ita aguenta ho pasiensia nafatin. Ema kastigu hau iha ilha Patmos tanba hau foo sai Nai Maromak nia liafuan i foo sasin kona ba Jesus.

Apokalipse 12:11

Ita nia maun-alin ema fiar sira manaan tiha ona samea ulun hitu nee, Tanba Bibi Oan nia raan nebee fakar hodi salva sira, i tanba sira foo sai nafatin Nai Maromak nia liafuan. Maski ema atu oho sira mos sira la hakiduk.

Apokalipse 12:17

Nunee samea ulun hitu nee hirus teb-tebes senhora nee, too nia baa buka senhora nee nia oan sira seluk. Sira nee mak ema nebee halo tuir Nai Maromak nia ukun fuan i foo sasin kona ba Jesus.

Apokalipse 20:4

Depois hau haree kadeira ukun barak ho ema tuur hela iha kadeira ida-idak. Nai Maromak foo ona kbiit ba ema sira nee hodi foo justisa. Uluk sira sei moris iha mundu, ema tesi tiha sira nia kakorok tanba sira foo sasin kona ba Jesus Kristu i foo sai Nai Maromak nia liafuan. Sira nee nunka adora animal siak ho nia estatua, i lakohi simu animal nee nia marka iha sira nia reen toos ka iha sira nia liman. Maski ema oho tiha ona sira, maibee Nai Maromak halo moris fali sira, i sira ukun hamutuk ho Kristu too tinan rihun ida.

Apokalipse 22:21

Hau harohan para Nai Jesus hatudu Nia grasa ba Maromak nia povu hotu-hotu. Amen.

Apokalipse 6:9

Tuir mai Bibi Oan loke karimbu fatin numeru lima. I hau haree ema barak nebee uluk ema oho, sira nia klamar iha meza sakrifisiu nia okos. Sira nee ema oho tanba sira foo sai Nai Maromak nia Liafuan ho loloos no sira nia moris sai sasiin diak.