Apokalipse 1:1 - Biblia Tetun Dili

¹ Iha livru nee hakerek kona ba buat nebee mak la kleur tan sei akontese. Nai Maromak foo hatene ona buat sira nee ba Jesus Kristu para foo sai ba ema sira nebee serbii Nai Maromak. Tuir mai, Jesus Kristu haruka Nia anju ida foo tutan mai hau, João, Maromak nia atan.

Apokalipse 1:1 Iomraidhean Croise

João 12:49

Tanba Hau la koalia lori Hau nia naran rasik. Maibee Hau koalia lori Hau nia Aman iha lalehan nia naran. Tan Nia mak haruka Hau mai, i Nia mak foo orden ba Hau, nunee Hau tenki koalia.

João 15:15

Hau lakohi bolu tan imi, Hau nia ‘atan.’ Tanba atan la komprende didiak nia patraun nia hakarak. Maibee Hau bolu imi, Hau nia ‘belun’, tanba Hau foo hatene momoos ba imi buat hotu nebee Hau nia Aman foo hatene ona mai Hau.

João 17:8

Hau hanorin ona ba sira Liafuan hotu nebee Aman foo hatene mai Hau. Sira mos simu Liafuan sira nee. Sira mos hatene dehan, Hau mai hosi Aman. I sira fiar dehan, Aman mak haruka Hau mai.

João 3:32

Nia foo hatene kona ba saida mak Nia rasik haree no rona ona. Maibee ema la simu saida mak Nia foo hatene ona nee.

João 8:26

Iha buat barak mak Hau bele foo sai kona ba imi. Imi iha sala barak. Maibee Hau la hatudu ida nee. Ida nebee haruka Hau mai nee, se Nia koalia, Nia koalia buat loos deit. Hau foo hatene ba ema iha mundu nee, buat nebee mak Hau rona ona hosi Nia.”

Roma 16:25

Hahii ba Nai Maromak! Nia mak iha kbiit hodi halo ita sai forti, liu hosi Novidade Diak nebee hau foo sai ona kona ba Jesus Kristu. Hori uluk liu, ema la hatene Maromak nia planu kona ba Kristu, tanba sei segredu hela.

Galasia 1:12

Hau laos simu hosi ema, laos ema mak hanorin hau, maibee Jesus Kristu rasik mak hatudu mai hau.

Efezu 3:3

Nia foo sai ona Nia planu segredu mai hau, hanesan hau hakerek tiha ona ituan iha leten.

Tito 1:1

Tito mak hau hadomi. Surat nee hosi hau, Paulo, Nai Maromak nia atan ho Jesus Kristu nia apostolu. Nai Maromak haruka hau tau matan ba ema sira nebee Nia hili ona hodi sai Nia povu, para sira bele fiar metin liu tan ba Nia. Maromak mos haruka hau hanorin lia loos ba sira atu sira hatene moris tuir Nia hakarak.

Apokalipse 1:19

Entaun o tenki hakerek buat hotu-hotu nebee o haree nee, kona ba buat nebee akontese agora dadauk ho mos buat nebee aban-bainrua sei mosu.

Apokalipse 1:9

Hau João, imi nia maun-alin. Ita hotu hetan susar ho terus tanba ita hakruuk ba Jesus nudar Liurai, maibee ita aguenta ho pasiensia nafatin. Ema kastigu hau iha ilha Patmos tanba hau foo sai Nai Maromak nia liafuan i foo sasin kona ba Jesus.

Apokalipse 17:1

Depois anju ida hosi anju hitu nebee kaer manko sira nee, mai iha hau hodi dehan, “Mai para hau hatudu ba o oinsaa Nai Maromak kastigu sidade boot nebee harii besik mota barak. Sidade boot nee hanesan fali feto luroon nebee la hatene aan.

Apokalipse 19:10

Tuir mai hau hakneak i hakruuk too rai iha anju nee nia oin atu adora nia, maibee nia bandu dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk sira seluk nebee foo sai nafatin Jesus nia hanorin. Tanba ita hotu hetan kbiit hosi Maromak nia Espiritu para ita foo sasin kona ba Jesus.”

Apokalipse 19:9

Depois anju nee dehan mai hau, “Hakerek nunee: See mak hetan konvite atu mai asisti Bibi Oan nia festa kazamentu nee, sira hetan bensaun.” Anju nee hatutan tan dehan, “Nai Maromak nia liafuan nee loos duni!”

Apokalipse 21:2

Hau haree Jerusalém foun tuun mai hosi Nai Maromak iha lalehan. Sidade nee sidade santu, i kapaas teb-tebes hanesan noiva ida nebee enfeita aan furak loos atu hasoru nia noivu iha sira nia loron kazamentu.

Apokalipse 21:9

Tuir mai anju ida hosi anju hitu nebee kaer manko nakonu ho Nai Maromak nia kastigu ikus, mai dehan ba hau, “Mai, hau sei hatudu ba o noiva nebee atu kaben ho Bibi Oan.”

Apokalipse 22:1

Tuir mai anju nee hatudu mota ida mai hau. Mota nee nia bee foo moris tinan ba tinan, i moos loos hanesan vidru. Bee nee sai hosi Nai Maromak ho Bibi Oan nia kadeira ukun,

Apokalipse 22:16

"Hau, Jesus, haruka ona Hau nia anju lori liafuan nee ba imi, para imi foo tutan ba sarani sira. Hau nee liurai David nia jerasaun, Hau mak fitun dadeer, ida nebee lakan makaas.”

Apokalipse 22:6

Depois anju nee dehan mai hau, “Buat hotu-hotu nebee hau foo hatene ba o nee loos i ema hotu-hotu bele fiar. Nai Maromak sempre foo nia Espiritu ba Nia profeta sira para sira bele foo tutan Nia liafuan. Agora Nai Maromak haruka tan Nia anju mai hatudu ba Nia atan sira, saida mak la kleur tan sei akontese.”

Apokalipse 22:8

Hau João, mak rona buat sira nee hotu, i haree rasik ho matan. Bainhira hau rona ho haree tiha hotu, hau hakneak i hakruuk too rai atu adora anju nebee mak hatudu buat sira nee mai hau.

Apokalipse 22:9

Maibee anju nee bandu hau dehan, “La bele! Adora mak Maromak deit! Tanba hau nee Maromak nia atan hanesan mos o ho o nia maluk profeta sira seluk ho mos ema hotu-hotu nebee halo tuir liafuan iha livru nee.”

Apokalipse 4:1

Hotu tiha, hau, João haree iha lalehan odamatan ida nakloke hela. I hau rona fali lian ida nebee uluk hau rona tiha ona. Lian nee hanesan ema huu korneta lian. Agora lian nee hatete mai hau dehan, “Sae mai, Hau sei hatudu ba o saida maka sei akontese.”

Apokalipse 5:7

Bibi Oan nee baa iha Ida nebee mak tuur iha kadeira ukun hodi simu livru lulun nee hosi Nia liman loos.