Apostolu sira nia Istoria 9:2 - Biblia Tetun Dili

² hodi husu surat rekomendasaun atu foo iha responsavel uma kreda Judeu sira iha sidade Damasku nebaa. Ho surat nee nia husu lisensa, se nia hasoru ema nebee tuir Jesus nia Dalan, mane ka feto, nia bele kaer i futu sira, i lori mai Jerusalém.

Apostolu sira nia Istoria 9:2 Iomraidhean Croise

Jenesis 14:15

Depois Abrão fahe nia ema sira ba grupu-grupu hodi asalta inimigu sira nee iha kalan. Maibee inimigu balu halai. I Abrão sira duni tuir nafatin sira, too iha aldeia Hoba besik sidade Damasku.

Mateus 10:17

Maibee kuidadu, tanba ema sei mai kaer imi hodi lori imi ba iha tribunal relijiaun nian. Sira sei baku imi ho sikoti iha sira nia uma kreda laran.

João 14:6

Jesus foo hatene dehan, “Hau mak dalan, lia loos no moris. La iha ema ida mai iha Hau nia Aman, se la liu hosi Hau. Tanba Hau mak dalan mesak hodi baa Maromak, Hau mak lia loos nia huun, no Hau mak foo moris loloos ba ema.

Apostolu sira nia Istoria 18:25

Nia hatene ona kona ba Jesus nia Dalan, i nia badinas teb-tebes konta fila fali ba ema seluk. Saida mak nia foo sai nee, loos duni. Maibee nia seidauk komprende buat hotu-hotu kona ba Jesus. Nia so hatene deit dehan João sarani ema hanesan sinal ida katak sira husik ona sira nia sala.

Apostolu sira nia Istoria 19:23

Iha tempu nee, mosu rungu-ranga boot ida iha sidade Efezu kona ba Jesus nia Dalan.

Apostolu sira nia Istoria 19:9

Maibee iha ema balu ulun toos lakohi simu nia hanorin. Sira mos tau lia ba ema seluk, para la bele tuir Jesus nia Dalan. Nunee Paulo ho ema sarani sira husik tiha uma kreda nee, i sira loro-loron baa halibur hamutuk iha salaun Tiranu, hodi koalia kona ba Nai Maromak nia Liafuan.

Apostolu sira nia Istoria 24:14

Senhor governador, hau foo sai dehan hau tuir duni Nai Jesus nia Dalan. Hau adora ba Nai Maromak, hanesan ami nia bei-ala sira adora ba Nia. Hau mos fiar lei hotu-hotu nebee profeta Moisés hakerek, ho fiar teb-tebes saida mak Nai Maromak nia profeta sira hakerek rai hela ba ami.

Apostolu sira nia Istoria 24:22

Governador Félix hatene ona kona ba Nai Jesus nia Dalan. I nia marka fali ba loron seluk dehan, “Hau sei hein too komandante Lísias mai, foin hau hakotu lia nee.”

Apostolu sira nia Istoria 26:10

Iha tempu nee, nai-lulik Judeu nia xefi sira foo poder mai hau, hodi baa kaer Jesus nia ema sira i hatama ba kadeia. Hau mos konkorda bainhira atu foo kastigu mate ba sira balu.

Apostolu sira nia Istoria 26:12

Paulo hatutan tan dehan, “Iha loron ida, nai-lulik nia xefi sira foo orden ho surat rekomendasaun mai hau hodi baa kaer Jesus nia ema sira iha sidade Damasku.

Apostolu sira nia Istoria 6:9

Depois, loron ida, ema balu komesa kontra nia. Sira nee membru hosi uma kreda relijiaun Judeu ida nebee sira tau naran ‘Laos Atan Ona’. Sira mai hosi rai dook, hosi sidade Sirene, sidade Alexandria, provinsia Silísia, ho provinsia Ázia. Sira komesa diskuti malu ho nia.

Apostolu sira nia Istoria 7:19

Liurai nee buka dalan hodi halo terus ita nia povu i hanehan ita nia bei-ala sira. Nia obriga sira soe tiha sira nia oan nurak, para sira mate.

Apostolu sira nia Istoria 9:14

Agora ami rona tan dehan nai-lulik Judeu nia ulun sira foo poder ba nia hodi kaer ema hotu nebee tuir Ita Boot.”

Apostolu sira nia Istoria 9:21

Sira hotu admira, hodi koalia ba malu dehan, “Ema nee mak halo rahun Nai Jesus nia ema sira iha Jerusalém, loos ka lae?! Agora nia mai iha nee atu kaer sarani sira lori ba nai-lulik nia ulun sira!”

2 Korintu 11:32

Uluk hau iha sidade Damasku, liurai Aretas nia reprezentante haruka soldadu sira hein iha portaun sidade nian atu kaer hau.

Galasia 1:17

Hau mos la baa iha sidade Jerusalém atu hasoru malu ho Jesus nia apostolu sira seluk nebee Nia foti uluk ona. Maibee hau baa iha rai Arabi. Hotu tiha hau fila fali mai iha sidade Damasku.