Apostolu sira nia Istoria 8:12 - Biblia Tetun Dili

¹² Maibee agora, sira rona Filipe hanorin kona ba Nai Maromak nia reinu i kona ba Jesus Kristu. Rona nunee, ema mane ho feto barak fiar ba Jesus, i sira mos sarani.

Apostolu sira nia Istoria 8:12 Iomraidhean Croise

Mateus 28:19

Tanba nee, baa hanorin ema iha nasaun hotu-hotu atu sira sai Hau nia eskolanti. Foo sarani sira hodi Aman, Oan no Espiritu Santu sira nia naran.

Lucas 9:2

Nia haruka sira baa foo sai kona ba Maromak ukun nudar Liurai, no kura ema moras.

Lucas 9:60

Jesus hatete ba nia, “Husik ema nebee la fiar ba Maromak hakoi sira nia mate. Maibee o nia serbisu mak baa foo sai kona ba Nai Maromak ukun nudar Liurai iha fatin-fatin.”

Apostolu sira nia Istoria 11:20

Maski nunee, iha mos ema sarani balu hosi ilha Xipre ho hosi sidade Sirene, nebee baa iha sidade Antiokia. Sira mos foo sai Nai Jesus nia Novidade Diak ba ema nebee laos Judeu.

Apostolu sira nia Istoria 18:8

La kleur, Krispu, nebee lider iha uma kreda nee, ho ema hotu iha nia uma laran, fiar ba Nai Jesus. Nunee mos ema Korintu barak tan nebee rona Paulo nia koalia, komesa fiar ba Jesus. Depois sira hotu simu sarani.

Apostolu sira nia Istoria 19:5

Depois Paulo sarani sira ho Nai Jesus nia naran.

Apostolu sira nia Istoria 2:38

Pedro hataan, “Imi ida-idak tenki husik ona imi nia sala, i tuir Nai Maromak nia hakarak. Imi mos tenki sarani hodi Nai Jesus Kristu nia naran. Nee hanesan sinal katak imi tuir ona Jesus Kristu i Nai Maromak hamoos ona imi nia sala. Depois imi sei simu Nai Maromak nia Espiritu Santu.

Apostolu sira nia Istoria 2:41

Ema nebee mak simu Pedro nia liafuan nee, mos sarani. Sira mais-ou-menus ema rihun tolu. Sira tama tan ba ema sira seluk nebee fiar ona ba Jesus.

Apostolu sira nia Istoria 20:21

Hau foo hatene ona ba ema Judeu, ho mos ema nebee laos Judeu, atu sira husik ona sira nia sala, hodi tuir Nai Maromak i fiar ba Nai Jesus.

Apostolu sira nia Istoria 20:25

Agora hau hatene katak, imi nebee hau hanorin kona ba Nai Maromak nia reinu, sei la hasoru tan hau ona.

Apostolu sira nia Istoria 28:31

I nia konta ba sira kona ba Nai Maromak nia reinu, ho hanorin kona ba Nai Jesus Kristu. Nia koalia ho brani, i la iha ema ida bandu nia. Senhor Teófilo mak diak. Hau nia liafuan too iha nee deit. Obrigadu. Hosi hau, Lucas

Apostolu sira nia Istoria 5:14

Ema sira nebee fiar ba Jesus, loron ba loron amenta ba bebeik. Iha mane no mos feto.

Apostolu sira nia Istoria 8:4

Maski sarani sira halai namkari tanba ema halo terus sira, maibee sira foo sai nafatin Nai Jesus nia Novidade Diak ba ema iha fatin-fatin.

Roma 10:10

Tanba imi nia fuan-laran fiar ba Kristu mak Maromak deklara katak imi moris loos ona iha Maromak nia futar oin. I tanba imi nia ibun foo sai dehan, “Jesus mak Nai” mak Maromak salva imi.

1 Korintu 11:11

Maibee ba ita nebee laran ida ho Nai Jesus, feto la ketak hosi mane no mane mos la ketak hosi feto.

Galasia 3:28

Imi hotu-hotu nebee fiar ba Kristu Jesus sai ona ida ho Nia. Nunee, atu imi ema Judeu ka laos ema Judeu, atan ka ema livre, mane ka feto, imi hotu ida deit iha Kristu Jesus.

1 Pedro 3:21

Bee boot nee hanesan figura kona ba batizmu, nebee salva imi. Bainhira imi simu batizmu, laos atu hasai foer iha imi nia isin, maibee signifika katak, imi husu para Nai Maromak foo laran diak iha imi nia fuan. Tanba Jesus Kristu moris fali ona hosi mate.