Apostolu sira nia Istoria 7:8 - Biblia Tetun Dili

⁸ Depois Nai Maromak halo aliansa ho Abraão liu hosi sunat, nee hanesan sinal ida katak Abraão sira sai ona Nai Maromak nia ema. I bainhira Abraão nia oan Isac halo loron walu, Abraão sunat nia. Bainhira too nia tempu, Isac sunat nia oan Jacó. Depois Jacó mos sunat nia oan mane sanulu resin rua. Sira nee mak ita ema Judeu nia bei-ala.

Apostolu sira nia Istoria 7:8 Iomraidhean Croise

Jenesis 29:31

NAI Maromak hatene Jacó hadomi liu Raquel duke Lea. I Nia foo oan ba Lea, maibee Raquel oan la iha.

Jenesis 30:5

Depois Bila isin rua, i nia tuur ahi, oan mane ida.

Jenesis 35:16

Nee liu tiha, Jacó sira sai hosi Betél. Bainhira sira besik ona Efrata (mak Belém), Raquel nia loron tuur ahi mos too. Maibee nia tuur ahi susar.

Jenesis 35:18

Bainhira nia iis atu kotu, nia tau naran ba labarik nee Benoni, (nee dehan katak ‘oan terus’). Depois nia mate. Maibee Jacó tau labarik nee naran Benjamim, (nee katak, ‘oan liman loos’).

Mateus 1:2

Jesus nia bei-ala sira nia naran komesa hosi Abraão too liurai David hanesan tuir mai nee: Abraão nia oan mak Isac. Isac nia oan mak Jacó. Jacó nia oan mak Judá ho ninia maun-alin sira.

João 7:22

Maibee dala ruma imi mos serbisu iha loron deskansa. Hanesan nee: Moisés rai hela regra sunat nian dehan, bainhira ema tuur ahi oan mane, iha loron walu, tenki sunat bebee nee. Maski loron nee monu iha loron Sabadu, imi tenki sunat nia. (Maibee tuir loloos, lei nee antigu liu Moisés. Tanba Nai Maromak foo uluk ona lei nee ba Abraão.)

Apostolu sira nia Istoria 2:29

Irmaun sira hotu, David koalia nee, la hatudu ba nia aan. Tanba nia mate, i hakoi tiha ona. Nia rate sei iha hela ita nia leet too ohin loron.

Roma 4:10

Hori-bainhira mak Maromak deklara Abraão moris loos ona? Molok Abraão sunat ka sunat tiha ona? Maromak deklara Abraão moris loos ona molok nia sunat.

Galasia 3:15

Maun-alin sira, agora hau hakarak foo ezemplu hosi ita nia moris loro-loron. Se ema nain rua hakerek surat akordu ida, depois sira asina tiha, surat nee vale ona. Ema ida la bele kansela, i la bele amenta tan liafuan ruma ba iha surat nee.

Galasia 3:17

Buat nebee hau hakarak hatete mak nee: Nai Maromak halo promesa uluk ho Abraão. Liu tiha tinan atus haat tolu-nulu, foin Nia hatuun lei relijiaun liu hosi Moisés. Maibee Maromak la kansela Nia promesa ida uluk nee.

Ebreu 7:4

Hanoin took! Melkizedek nee ema boot duni, too ita nia bei-ala Abraão foo dizimu ba nia hosi sasaan hotu nebee nia hadau iha funu laran.