Apostolu sira nia Istoria 7:5 - Biblia Tetun Dili

⁵ Iha tempu nebaa, Nai Maromak la foo rai pedasuk ida ba Abraão hanesan nia rikusoin. Maibee Nia promete atu foo rai nee tomak ba Abraão ho nia jerasaun sira. Momentu Nai Maromak promete nee, Abraão seidauk iha oan.

Apostolu sira nia Istoria 7:5 Iomraidhean Croise

Jenesis 12:7

Iha fatin nee, NAI Maromak hatudu Aan ba Abrão. Nia dehan, “Hau sei foo rai nee ba o nia jerasaun sira.” Tuir mai, Abrão hada fatuk hanesan altar ida, hodi halo sakrifisiu ba NAI Maromak, ida nebee hatudu ona Aan ba nia.

Jenesis 13:15

Rai hotu-hotu nebee o haree nee, Hau sei foo ba o, ho ba o nia oan no bei-oan sira, para sai imi nia rikusoin nafatin too tinan ba tinan.

Jenesis 15:18

Momentu nee, NAI Maromak hametin Nia aliansa ho Abrão. Nia foo hatene dehan, “Hau promete, Hau sei foo rai nee ba o nia jerasaun sira, komesa hosi mota Ejitu too iha mota Eufrates,

Jenesis 16:2

Nunee, iha loron ida Sarai dehan ba Abrão, “NAI Maromak la foo oan mai hau. Diak liu ita hola hau nia atan Hagar, karik liu hosi nia hau bele iha oan.” Hagar nee ema Ejitu.

Jenesis 17:8

Rai Kanaan nee hotu, Hau sei foo ba o ho o nia jerasaun sira. Agora o hela iha nee hanesan ema lao rai. Maibee aban-bainrua rai Kanaan nee tomak sei sai o nia jerasaun sira nian, too tinan ba tinan. I Hau rasik mak sira nia Maromak.

Jenesis 23:4

“Hau ema lao rai iha imi nia leet. Hau la iha rai ida iha nee. Nunee favor ida, foo rai rohan ida mai hau hola, hodi hakoi hau nia kaben.”

Jenesis 26:3

Se o hela iha rai nee, Hau sei hamutuk ho o, i foo bensaun oi-oin ba o. Hau sei amenta o nia jerasaun halo barak teb-tebes, hanesan fitun iha loro leten. I Hau mos sei foo ba o ho o nia jerasaun sira rai nee hotu. Liu hosi o nia jerasaun, nasaun hotu-hotu iha mundu sei hetan bensaun. Nunee Hau kumpri ona Hau nia promesa ho o nia aman Abraão.