Apostolu sira nia Istoria 6:1 - Biblia Tetun Dili

¹ Iha tempu nee, ema nebee tuir Jesus amenta barak ba bebeik. Sira ema Judeu maibee hosi grupu rua, lian keta-ketak. La kleur, grupu ida nebee koalia lian Gregu, haksesuk malu ho grupu ida nebee koalia lian Aram. Sira hosi lian Gregu dehan, “Bainhira fahe hahaan loro-loron nian, ami nia feto faluk sira la simu sira nia parte.”

Apostolu sira nia Istoria 6:1 Iomraidhean Croise

Mateus 23:13

Depois Jesus hatete ba nai ulun relijiaun Judeu sira dehan, “Imi mestri relijiaun sira ho ema Farizeu sira, imi sei hetan susar. Imi koalia oin ida, hahalok oin seluk. Imi rasik lakohi tama Maromak nia reinu. Se iha ema seluk hakarak tama mos, imi taka odamatan ba sira, atu sira la bele tama.

Apostolu sira nia Istoria 11:20

Maski nunee, iha mos ema sarani balu hosi ilha Xipre ho hosi sidade Sirene, nebee baa iha sidade Antiokia. Sira mos foo sai Nai Jesus nia Novidade Diak ba ema nebee laos Judeu.

Apostolu sira nia Istoria 11:26

Bainhira nia hetan tiha Saulo, nia lori fila fali ba Antiokia. I sira nain rua hela hamutuk iha nebaa durante tinan ida tomak ho Nai Jesus nia povu. Loro-loron sira nain rua hanorin Nai Jesus nia Novidade Diak ba ema barak. (Iha sidade Antiokia, mak foin ema komesa foo naran ba sira nebee fiar ba Jesus, dehan ‘kristaun’.)

Apostolu sira nia Istoria 11:29

Rona nunee, ema sarani sira iha Antiokia koalia hamutuk atu haruka ajuda ba sarani sira iha provinsia Judeia. Sira ida-idak foo tuir buat nebee sira iha.

Apostolu sira nia Istoria 2:41

Ema nebee mak simu Pedro nia liafuan nee, mos sarani. Sira mais-ou-menus ema rihun tolu. Sira tama tan ba ema sira seluk nebee fiar ona ba Jesus.

Apostolu sira nia Istoria 2:45

Iha balu faan sira nia sasaan ka sira nia riku ruma, i osan nee sira fahe ba ema sarani sira, tuir ida-idak nia presiza.

Apostolu sira nia Istoria 2:47

Sira hahii Nai Maromak bebeik. Ema seluk gosta teb-tebes sira, ho haree sira diak. Loro-loron Nai Maromak salva ema, i nunee Jesus nia ema sira amenta barak ba bebeik.

Apostolu sira nia Istoria 4:4

Maibee ema sira nebee rona apostolu sira nia hanorin nee, barak fiar ba Nai Jesus. Nee mak ema sarani amenta barak, too ema mane deit mais-ou-menus ema rihun lima. Nee seidauk konta feto ho labarik.

Apostolu sira nia Istoria 5:14

Ema sira nebee fiar ba Jesus, loron ba loron amenta ba bebeik. Iha mane no mos feto.

Apostolu sira nia Istoria 5:28

“Imi nee ulun toos duni! Ami bandu ona imi para la bele hanorin ema kona ba Jesus nee. Maibee imi baa hanorin fali iha fatin hotu-hotu iha sidade Jerusalém, i imi duun ami dehan, ami mak haruka oho Jesus.”

Apostolu sira nia Istoria 6:2

Tanba nee, Jesus nia apostolu nain sanulu resin rua nee, halibur ema hotu nebee tuir Jesus hodi dehan, “Irmaun sira, se ami husik tiha ministeriu foo sai Maromak nia Liafuan, hodi toma konta imi nia haan-hemu, nee la loos.

Apostolu sira nia Istoria 6:7

Nunee Maromak nia Liafuan namkari too iha fatin-fatin. I ema sira nebee fiar ba Jesus amenta bebeik iha Jerusalém. Too nai-lulik Judeu barak mos tuir Jesus nia Dalan Loos.

Apostolu sira nia Istoria 9:29

Nia koalia ho diskuti malu ho ema Judeu sira nebee koalia lian Gregu. Maibee sira la simu, i sira buka meius atu oho nia.

Apostolu sira nia Istoria 9:39

Pedro tuir kedas sira. Too iha nebaa, nia sae liu ba iha kuartu nebee Tabita nia mate isin rai baa. Iha kuartu nee, feto faluk barak tanis lelir, hodi hatudu ba Pedro sira nia vestidu ho sira nia ropa seluk tan nebee Dorkas suku foo ba sira bainhira nia sei moris.

Apostolu sira nia Istoria 9:41

I Pedro kaer nia liman hodi foti nia hamriik, depois nia bolu feto faluk sira ho tan sarani sira seluk hodi entrega Dorkas nebee moris fali ba sira.

Roma 12:7

Ema nebee simu kbiit hodi serbii ema seluk, nia tenki serbii duni. Ema nebee simu kbiit hodi hanorin, nia tenki hanorin.

1 Korintu 10:10

Ita mos la bele murmura hela deit hanesan sira balu halo. Tanba sira nia hahalok nee mak Maromak haruka Nia anju ida nebee lori kastigu mai oho sira.

2 Korintu 11:22

Sira nee ema Ebreu isin ka? Hau mos Ebreu isin. Sira ema Israel ka? Hau mos ema Israel. Sira Abraão nia jerasaun ka? Hau mos Abraão nia jerasaun.

Filipi 3:5

Hau moris mai, iha loron walu ema sunat ona hau tuir lei relijiaun nian. Hau ema Ebreu isin, hosi suku Benjamim, hosi ema Israel. Uluk hau seidauk tuir Kristu, hau nudar ema grupu Farizeu nebee badinas teb-tebes halo tuir lei relijiaun,

1 Timóteo 5:3

Sarani sira tenki respeita ho tau matan ba feto faluk sira nebee la iha familia atu haree sira. Maibee se feto faluk ida iha oan ka bei-oan, entaun sira nee iha obrigasaun atu tau matan ba nia, hodi selu nia kolen. Nunee sira hatudu katak sira serbii Nai Maromak. I sira mos halo haksolok Maromak nia laran. Maibee feto faluk nebee mesak, la iha tan ema ida atu tau matan ba nia, nia so laran metin deit ba Nai Maromak. Loron-kalan nia halo orasaun husu tulun ba Maromak. Sarani sira tenki tau matan ba feto faluk sira hanesan nee.

1 Timóteo 5:9

Bainhira halo lista feto faluk sira, hili deit ema hanesan tuir mai nee: nia tinan hosi 60 ba leten, i nia foo laran no moris loos deit ho nia laen.

Ebreu 13:1

Hadomi nafatin imi nia maluk sarani hanesan maun-alin.

Tiago 1:27

Tuir Maromak nebee loos i la iha sala mak hanesan nee: ajuda feto faluk ho oan kiak sira nebee terus, i kuidadu aan atu la bele husik mundu nia hakarak dada ita ba hahalok aat.

Tiago 4:5

Nee mak Nai Maromak nia Liafuan hatete, “Maromak nia Espiritu nebee Nia tau iha ita nia laran, hakarak ita foo laran tomak ba Maromak deit. Se lae, Nia laran moras no hirus.”

Tiago 5:9

Maun-alin sira, keta murmura malu, se lae Maromak sei kastigu imi. Haree baa, Juis Boot hamriik ona iha odamatan oin!