Apostolu sira nia Istoria 5:5 - Biblia Tetun Dili

⁵ Rona Pedro koalia nunee, Ananias monu ba rai, i mate kedas iha fatin. I ema nebee rona novidade nee, sira tauk teb-tebes.

Apostolu sira nia Istoria 5:5 Iomraidhean Croise

Apostolu sira nia Istoria 13:11

Tan nee, Nia sei kastigu o. Agora kedas o nia matan sei delek tiha iha tempu balu.” Derpenti nakukun ida taka tiha nia matan, too nia la haree buat ida. Nia lamas baa-mai buka ema para kaer nia liman hodi hatudu dalan ba nia.

Apostolu sira nia Istoria 2:43

Iha tempu nee, Nai Jesus nia apostolu sira halo milagre ho sinal barak, halo ema hotu admira ho mos respeita sira.

Apostolu sira nia Istoria 5:13

Iha tempu nee, ema barak respeita no admira Jesus nia ema sira. Maibee see mak seidauk fiar ba Jesus, la brani baa hamutuk ho sira.

1 Korintu 4:21

Agora imi mak hili. Imi hakarak hau baa ho rota hodi koriji imi ka, imi hakarak hau baa hatudu domin ho laran maus?

2 Korintu 13:10

Ho razaun ida nee mak hau haruka surat nee ba imi molok hau baa, atu bainhira hau too iha nebaa, hau lalika uza hau nia kbiit nudar apostolu hodi siak imi. Tanba kbiit nee Nai foo mai hau hodi bele hametin imi nia fiar, laos atu halo rahun fali imi.

2 Korintu 13:2

Iha hau nia vizita segundu ba imi nee, hau foo hanoin kedas ona kona ba ema nebee halo sala. Agora liu hosi surat nee, hau repete fali ba sira ho mos ba imi hotu katak, bainhira hau fila fali ba nebaa, hau sei foo disiplina ba see-see deit mak halo sala.

2 Korintu 7:11

Haree baa! Imi nia laran tristi tuir Maromak nia hakarak nee lori imi ba buat nebee diak. Agora imi foo aan atu moris loos, imi hakaas aan halo morin imi nia naran, imi hakribit hahalok aat, i tauk atu halo sala. Imi hakarak teb-tebes atu haree hau, i imi mos hakarak teb-tebes atu ema nebee halo sala tenki hetan kastigu. Iha buat sira nee hotu imi hatudu katak imi halo buat nebee loos.

Apokalipse 11:13

Derepenti deit rai nakdoko makaas. Nunee se ita fahe sidade nee ba parte sanulu, parte ida rahun hotu. I ema rihun hitu mate. Ema nebee mak sei moris, tauk teb-tebes, i sira hahii Nai Maromak iha lalehan.

Apokalipse 11:5

Se inimigu ruma atu halo aat sasin nain rua nee, ahi lakan sei sai hosi sira nain rua nia ibun laran hodi haan motuk tiha sira. Ema hotu-hotu nebee hakarak halo aat sira sei mate hanesan nee.