Apostolu sira nia Istoria 5:4 - Biblia Tetun Dili

⁴ Afinal o hakarak faan rai nee, ka lakohi, nee konformi o. Se o faan ona, o atu foo nia osan hotu, ka sorin balu deit, konformi o. Maibee nusaa mak o halo fali nunee? O laos bosok ema, maibee o bosok Nai Maromak!”

Apostolu sira nia Istoria 5:4 Iomraidhean Croise

Lucas 10:16

Depois Jesus hatete ba Nia eskolanti sira, “Ema nebee rona imi, nia rona Hau. I ema nebee lakohi simu imi, nia lakohi simu Hau. I ema nebee lakohi simu Hau, nia mos lakohi simu Ida nebee mak haruka Hau mai.”

Apostolu sira nia Istoria 5:3

Maibee Pedro hatete, “Ananias, nusaa mak o tuir fali Satanás nia hakarak, para o bosok Espiritu Santu?! Nusaa mak osan rai nian nee, o subar tiha balu?

Apostolu sira nia Istoria 5:9

I Pedro dehan, “Nusaa mak imi nain rua kombina malu koko Nai Maromak nia Espiritu? Haree tok ba! Ema sira nebee lori o nia laen baa hakoi, foin fila. Sira mos sei hulan o nia mate isin baa hakoi.”

1 Korintu 8:8

Hahaan la lori ita besik ba Maromak. Ita haan ka la haan la halo ita sai diak ka sai aat.

1 Tesalonika 4:8

Nee duni, see mak lakohi tuir hanorin nee, nia laos deit fila kotuk mai ami, maibee nia fila kotuk ba Nai Maromak, nebee foo Nia Espiritu Santu mai ita.

Filemon 1:14

Maibee hau lakohi foti desizaun se senhor seidauk hataan. Tulun nebee ita foo mai hau nee, hau hakarak sai hosi ita nia laran, laos tanba hau mak obriga.

Tiago 1:15

Hanoin aat mak dada ita ba halo sala. I bainhira ita halo sala nafatin, maka sala nee sei lori ita ba mate.