Apostolu sira nia Istoria 3:6 - Biblia Tetun Dili

⁶ Maibee Pedro hatete, “Irmaun, osan mean ka osan mutin hau la iha, atu foo deit osan doit ida ba o mos hau la iha. Maibee saida mak hau iha, hau foo. Hodi Nai Jesus Kristu ema Nazaré nia naran, hau hatete ba o, ‘Hamriik i lao ona!’ ”

Apostolu sira nia Istoria 3:6 Iomraidhean Croise

Mateus 10:9

La bele lori osan mean ka osan mutin, ka doit riti ida mos la bele.

Mateus 7:22

Iha loron ikus bainhira Maromak tesi ema hotu-hotu nia lia, ema barak sei mai dehan, ‘Nai, Nai, ami uluk foo tutan Maromak nia lia tatoli hodi Nai nia naran. Ami mos temi Ita Boot nia naran hodi duni sai diabu hosi ema, i halo milagre oi-oin hodi Ita Boot nia naran.’

Marcos 14:8

Hau nia moris la kleur tan ona. I feto nebee fui mina morin mai Hau ohin nee, nia prepara kedas Hau nia isin, hanesan nia tau mina morin ba Hau nia mate isin.

Marcos 16:17

I ema sira nebee fiar Hau, sira sei halo milagre oi-oin, too ema hotu hatene katak, sira nia kbiit nee mai hosi Nai Maromak. I sira sei duni sai espiritu aat, hodi Hau nia naran. I Nai Maromak sei halo sira koalia liafuan foun, nebee sira seidauk hatene.

João 19:19

Governador Pilatus haruka nia soldadu sira hakerek iha ai kabelak ida, hodi baa prega iha Jesus nia ai krus leten. Iha ai kabelak nee sira hakerek nunee, “Nee Jesus, ema Nazaré. Nia ema Judeu sira nia liurai”

Apostolu sira nia Istoria 10:38

Imi mos hatene ona katak Nai Maromak foo Nia Espiritu Santu ho mos poder ba Jesus, ema Nazaré. Depois Jesus tama-sai aldeia-aldeia hodi halo diak ba ema, i kura ema hotu nebee Satanás halo terus, tanba Nai Maromak hamutuk ho Nia.

Apostolu sira nia Istoria 16:18

Nia hakilar nunee loron ba loron, too Paulo la aguenta ona. Entaun nia hateke ba feto nee i foo orden dehan, “Espiritu aat! Hodi Nai Jesus nia naran, hau haruka o sai hosi feto nee!” I espiritu aat nee sai kedas.

Apostolu sira nia Istoria 2:22

Maun-alin Israel sira, see tilun mai. Nai Maromak hili ona Jesus, ema Nazaré. Imi rasik hatene buat nee, tanba imi haree ona Nai Maromak hatudu ona Jesus hodi halo milagre ho sinal iha imi nia leet. Sinal sira nee halo ema admira.

Apostolu sira nia Istoria 2:36

Nunee imi ema Israel hotu-hotu tenki hatene katak, Jesus ida nebee imi prega mate tiha iha krus nee, mak Ema ida nebee Nai Maromak hili ona. Nai Maromak mos foti ona Nia sai ita nia Nai.”

Apostolu sira nia Istoria 3:16

Nai Jesus nee Nia poder mak halo ema ain aat nee agora lao diak tiha ona. Imi rasik konhese nia i haree katak nia diak ona. Ema nee hetan kura, tanba ami fiar ba Nai Jesus.

Apostolu sira nia Istoria 3:5

Ema nee foti oin, haree ba sira ho laran metin atu simu buat ruma.

Apostolu sira nia Istoria 3:7

Pedro kaer nia liman loos, hodi foti nia hamriik, i nia ain diak i forti kedas.

Apostolu sira nia Istoria 4:10

Hau hakarak hatete ba senhor sira ho povu Israel tomak katak, hodi Nai Jesus Kristu ema Nazaré nia naran mak ami kura ema ain aat nee. Imi prega tiha ona Nia ba iha krus too mate. Maibee Nai Maromak halo Nia moris fali hosi mate.

Apostolu sira nia Istoria 4:7

Bainhira sira hotu hamutuk ona, sira foo orden para lori Pedro ho João mai aprezenta ba iha sira. Bainhira sira nain rua too mai, ulun boot sira husu, “Oinsaa mak imi bele kura ema ain aat nee? Imi uza see nia poder? I see mak foo lisensa ba imi hodi halo nunee?”

Apostolu sira nia Istoria 9:34

Pedro dehan ba nia, “Eneias, agora duni, Nai Jesus Kristu kura o. Hamriik ona! Aruma o nia kama ba!” I nia hamriik kedas.

1 Korintu 4:11

Too agora ami hamlaha-hamrook, i ami nia ropa aat loos ona. Dala barak ema baku ami. Ami nia uma rasik la iha.

2 Korintu 6:10

Ami laran tristi, maibee haksolok nafatin. Ami kiak, maibee halo ema barak sai riku. Ami buat ida la iha, maibee ami iha buat hotu-hotu.

2 Korintu 8:12

Tanba se imi foo ho laran tuir buat nebee imi iha, Maromak simu. Buat nebee mak imi la iha, lalikan foo.

2 Korintu 8:9

Tanba imi hatene ita nia Nai Jesus Kristu nia grasa nebee Nia hatudu ba imi. Maski Nia riku iha lalehan, Nia halo Nia Aan sai ema kiak tanba hadomi imi. Nia sai kiak atu imi bele sai riku iha buat barak.

Tiago 2:5

Maun-alin doben sira, rona mai. Nai Maromak hili ona ema kiak tuir mundu nia haree, atu sai riku iha fiar. Maromak nudar Liurai hili ona sira hodi sai Maromak nia reinu nebee Nia promete ona atu foo ba Nia povu nebee hadomi Nia.

1 Pedro 4:10

Nai Maromak foo kbiit ba imi ida-idak la hanesan. Uza didiak kbiit nebee Nia foo ba imi nee hodi serbii ema seluk.