Apostolu sira nia Istoria 27:1 - Biblia Tetun Dili

¹ Nee liu tiha, governador Festu haruka Paulo baa hasoru liurai boot César iha Roma, para tesi nia lia. Nia entrega Paulo ho ema dadur balu tan ba komandante kompanhia ida naran Júlio, hosi Batalhaun Liurai Boot Roma nian.

Apostolu sira nia Istoria 27:1 Iomraidhean Croise

Jenesis 50:20

Uluk imi kombina hodi halo aat mai hau. Maibee Nai Maromak halo buat nee sai diak fali. Nia foti hau sai ema boot, para bele salva ema barak hosi rai hamlaha.

Mateus 27:54

Bainhira komandante Roma ho soldadu sira nebee hein Jesus nee haree rai nakdoko ho buat seluk nebee akontese, sira tauk teb-tebes hodi dehan, “Loos duni! Ema nee Maromak nia Oan.”

Lucas 23:47

Komandante Roma haree buat nebee mak akontese, i nia hahii Nai Maromak dehan, “Tebes duni! Ema nee Ema ida ke moris loos.”

Lucas 7:2

Iha nebaa iha komandante Roma ida. Nia atan ida nebee nia hadomi teb-tebes, moras todan, besik atu mate.

Apostolu sira nia Istoria 10:1

Iha sidade Sezareia iha militar Roma ida naran Cornélio. Nia komandante kompanhia hosi Itália.

Apostolu sira nia Istoria 10:22

Sira hataan, “Komandante Cornélio mak haruka ami mai. Nia ema moris loos ho hamtauk ba Nai Maromak. Ema Judeu sira hotu respeita teb-tebes nia. Horiseik Nai Maromak nia anju mai haruka nia bolu senhor hodi ba iha nia uma, para nia bele rona senhor nia liafuan.”

Apostolu sira nia Istoria 16:10

Paulo haree tiha nunee, ami fiar katak Nai Maromak mak haruka ami baa foo sai Nia Maromak nia Novidade Diak ba ema iha Masedónia. Nunee ami prepara aan kedas atu baa iha tasi sorin nebaa.

Apostolu sira nia Istoria 18:2

Iha nebaa, nia hasoru malu ho ema Judeu ida naran Akila hosi provinsia Pontu, ho nia kaben Priscila. Sira nain rua foin mai hosi provinsia Itália. Sira sai hosi nebaa tanba liurai boot Cláudio haruka ema Judeu sira hotu-hotu sai hosi sidade Roma. Paulo baa vizita sira,

Apostolu sira nia Istoria 19:21

Nee liu tiha, Paulo desidi atu baa iha provinsia Masedónia ho provinsia Akaia, depois mak baa Jerusalém. Nia dehan, “Tuir mai, hau tenki baa Roma.”

Apostolu sira nia Istoria 21:32

Nia bolu kedas kapitaun sira ho sira nia soldadu, hodi halai ba iha ema barak nee. Bainhira povu haree komandante ho tropas mai, sira la baku tan Paulo ona.

Apostolu sira nia Istoria 22:26

Rona nunee, kapitaun baa foo hatene ba nia komandante dehan, “Senhor, ema nee sidadaun Roma. Ita boot halo saida mak nee?”

Apostolu sira nia Istoria 23:11

Iha kalan nee, Nai Jesus hatudu Aan ba Paulo. Nia hametin Paulo nia laran hodi hatete, “Paulo, o keta tauk! Agora o foo sasin ona ba ema iha Jerusalém kona ba Hau. Nunee mos, o tenki baa koalia kona ba Hau iha sidade Roma.”

Apostolu sira nia Istoria 23:17

Depois Paulo bolu kapitaun ida hodi hatete, “Ita lori mane klosan nee ba lalais ita nia komandante. Nia atu foo hatene buat ruma ba nia.”

Apostolu sira nia Istoria 24:23

Depois nia haruka kapitaun ida lori Paulo baa hatama ba kadeia. Maibee nia foo orden para foo livre ituan ba Paulo, i foo lisensa ba nia belun sira mai serbii nia.

Apostolu sira nia Istoria 25:12

Rona Paulo husu nunee, governador husu sujestaun ba matenek nain sira. Depois nia hatete ba Paulo, “O husu ona atu baa César, o sei baa duni.”

Apostolu sira nia Istoria 25:25

Hau la hetan nia sala ida para nia bele hetan kastigu mate. Nia husu atu lori lia nee baa tesi iha liurai boot iha Roma, i hau mos hataan.

Apostolu sira nia Istoria 27:11

Maibee komandante nebee hein ema dadur sira la simu. Tanba ema ida kaer roo ho roo nia nain hakarak sai hosi fatin nee, i komandante fiar liu ba sira.

Apostolu sira nia Istoria 27:43

Maibee komandante la hataan, tanba nia hakarak salva Paulo. Nunee nia foo orden ba ema sira nebee hatene nani haksoit ba tasi laran, hodi nani ba rai maran.

Apostolu sira nia Istoria 27:6

Iha Mira, komandante Júlio buka roo seluk nebee atu baa Itália. Nia hetan roo ida, mai hosi sidade Alexandria. I nia haruka ami hotu baa sae roo nee.

Apostolu sira nia Istoria 28:1

Ami hotu too iha rai maran ho diak, foin ami hatene katak rai kiik nee naran Malta.

Apostolu sira nia Istoria 28:16

Too iha Roma, komandante husik Paulo livre hodi aluga uma ida. I soldadu ida mak hein nia.

Ebreu 13:24

Hatoo hau nia kumprimentus ba imi nia lider sira hotu, ho mos ba Nai Maromak nia ema sira hotu-hotu. Maluk sira hosi Itália mos foo kumprimentus ba imi.