Apostolu sira nia Istoria 26:7 - Biblia Tetun Dili

⁷ Ema Israel hosi suku sanulu resin rua nee hotu mos fiar Nia promesa nee. Tanba nee mak sira adora Nia loron-kalan. Liurai Agripa mak hau respeita. Maski ema Judeu sira mos fiar nunee, sira foo sala mai hau tanba hau fiar ba Nai Maromak nia promesa nebee halo ema mate moris fali.

Apostolu sira nia Istoria 26:7 Iomraidhean Croise

Mateus 19:28

Jesus hatete ba sira, “Hau dehan loloos ba imi, bainhira Maromak halo buat hotu sai foun, Hau, Ema Oan sei tuur iha kadeira ukun, i naroman lalehan nian haleu hela Hau. Imi sira nebee agora tuir Hau mos sei tuur iha kadeira ukun sanulu resin rua hodi tesi Israel nia suku sanulu resin rua nia lia.

Lucas 2:25

Tempu nee, iha katuas ida naran Simeão hela iha sidade Jerusalém. Nia ema ida ke moris loos i badinas halo tuir Nai Maromak nia hakarak. Nia hein hela Nai Maromak atu salva ema Israel. Nia nakonu ho Maromak nia Espiritu Santu,

Lucas 22:30

atu nunee bainhira Hau kaer ukun, imi bele tuur iha meza hodi haan-hemu hamutuk ho Hau. I imi mak sei ukun suku sanulu resin rua iha Israel.”

Apostolu sira nia Istoria 20:31

Tanba nee, imi tenki matan moris neon nain. Keta haluha, hau hela tinan tolu nia laran hamutuk ho imi, hodi hanorin imi loron-kalan. Hau nia matan been fakar barak, tanba imi.

Apostolu sira nia Istoria 24:15

Hau laran metin ba Nai Maromak, hanesan mos ema sira nebee kontra hau nee. Ami hotu fiar katak, Nai Maromak sei halo ema mate hotu-hotu moris fali: ema diak, ho mos ema aat.

Apostolu sira nia Istoria 26:2

“Liurai Agripa mak hau respeita, hau senti kontenti hau bele hamriik iha ita boot nia oin hodi defende hau nia aan kona ba sala nebee mak ema Judeu sira foo mai hau.

Apostolu sira nia Istoria 26:3

Tanba hau hatene katak liurai hatene ona ema Judeu nia lisan hotu. Ita boot mos hatene problema sira nebee mak halo ami haksesuk malu. Nee duni, hau husu ita boot pasiensia ituan hodi rona lai hau.

Apostolu sira nia Istoria 28:20

Tan lia nee mak hau halibur maun-alin sira iha nee, para ita koalia. Hau hakarak para ita boot sira hatene katak sira futu hau ho korenti nee, tanba hau serbii Ema ida nebee povu Israel hein ho laran metin atu Nai Maromak haruka mai.”

Filipi 3:11

Tanba hau laran metin katak, ikus mai Nia sei halo hau moris fali hosi mate.

1 Tesalonika 3:10

Loron-kalan ami halo orasaun ba Nai Maromak ho fuan-laran tomak, para ami bele hasoru fali imi, hodi hanorin buat nebee mak imi sei presiza para bele fiar metin liu tan.

Tiago 1:1

Hau Tiago, Nai Maromak ho Nai Jesus Kristu nia atan. Kumprimentus ba imi ema Judeu sira nebee tuir Nai Jesus nebee namkari iha fatin-fatin.