Apostolu sira nia Istoria 24:1 - Biblia Tetun Dili

¹ Liu tiha loron lima, ema Judeu sira nebee hakarak halo lia ho Paulo nee too mai iha sidade Sezareia, atu foo sala ba nia iha governador nia oin. Sira nee mak nai-lulik boot Ananias, nai ulun balu, ho ema ida naran Tértulu nebee matenek koalia kona ba lei.

Apostolu sira nia Istoria 24:1 Iomraidhean Croise

Apostolu sira nia Istoria 12:21

Sira marka loron ida para hasoru malu ho Erodes. Iha loron nee, Erodes hatais tiha hena liurai nian, i tuur iha nia kadeira ukun, hodi hatoo liafuan ba sira.

Apostolu sira nia Istoria 21:27

Loron hitu nee besik hotu ona, iha ema Judeu balu hosi provinsia Ázia haree Paulo lao hela iha sidade Jerusalém, hamutuk ho nia kolega ida naran Trófimu. Nia hosi sidade Efezu, i nia laos ema Judeu. Bainhira sira haree Paulo tama ba Nai Maromak nia Uma Kreda Boot, sira hanoin, nia lori nia kolega Trófimu tama ba iha Uma Kreda Boot laran. Tuir loos ema nebee laos Judeu la bele tama. Tan nee, sira tau lia ba ema barak iha fatin nee, i kaer Paulo, hodi hakilar dadauk, ‘Maluk Israel sira, ajuda ami lai! Ema ida nee mak hanorin ema iha fatin-fatin para soe tiha ita nia lisan Judeu. Nia mos hatete aat Nai Maromak nia Uma Kreda Boot nee. I agora tan, nia lori ema nebee laos Judeu tama ba laran hafoer Nai Maromak nia fatin santu.”

Apostolu sira nia Istoria 23:2

Rona Paulo koalia nunee, nai-lulik Judeu nia boot Ananias foo orden kedas ba ema sira hamriik besik Paulo dehan, “Basa tiha nia ibun!”

Apostolu sira nia Istoria 23:24

Imi prepara mos kuda ida ba Paulo sae, i lori nia ho didiak too ba governador Félix.”

Apostolu sira nia Istoria 23:30

Depois hau rona dehan iha ema Judeu balu kombina ona atu oho nia. Entaun hau foo orden kedas para lori ema nee ba iha senhor governador. Hau mos hatete ba ema Judeu sira nebee halo lia ho nia, para sira baa foo hatene ba ita boot, sala saida mak sira foo ba nia. Hau nia liafuan too iha nee deit. Obrigadu!”

Apostolu sira nia Istoria 23:33

Bainhira sira too iha Sezareia, sira foo surat nee ba governador, i entrega Paulo ba iha nia liman.

Apostolu sira nia Istoria 23:35

Governador dehan, “Hau sei tesi o nia lia. Maibee ita tenki hein lai ema sira nebee halo lia ho o nee too mai.” Depois nia haruka soldadu sira hatama Paulo ba kadeia iha liurai Erodes nia palasiu.

Apostolu sira nia Istoria 24:11

Senhor rasik bele hatene katak, foin loron sanulu resin rua liu ba kotuk, hau baa iha Jerusalém hodi halo orasaun iha Uma Kreda Boot.

Apostolu sira nia Istoria 24:2

Bainhira ema sira hotu halibur malu ona iha fatin tesi lia nian, governador haruka lori Paulo tama. Depois Tértulu foo sala ba Paulo dehan, “Senhor governador mak hau respeita. Senhor ukun ami kleur ona ho diak, i halo mudansa diak barak, halo ami ema Judeu mos bele moris hakmatek. Nee duni, iha oras ida nee ami hatoo obrigadu barak ba senhor governador. See tan mak bele halo buat diak barak iha fatin-fatin hanesan ita boot.

Apostolu sira nia Istoria 25:15

Foin lalais nee, bainhira hau iha Jerusalém, nai-lulik nia xefi sira ho nai ulun Judeu sira, mai hasoru hau hodi foo sala ba ema nee. I sira mos husu para hau tesi nia lia hodi foo kastigu todan ba nia.

Apostolu sira nia Istoria 25:2

Iha nebaa, nai-lulik nia xefi sira ho nai ulun Judeu sira baa hasoru nia hodi foo sala ba Paulo.

1 Korintu 2:1

Maun-alin sira, uluk hau baa iha imi hodi foo sai Maromak nia planu nebee uluk taka hela. Maibee hau laos uza liafuan aas hodi hatudu aan hanesan ema matenek ida.

1 Korintu 2:4

Hau nia liafuan ho hau nia hanorin simples deit. Hau la uza liafuan ema matenek nian atu dada ema, maibee kbiit Espiritu Santu nian mak hatudu ba imi katak liafuan nee loos.