Apostolu sira nia Istoria 22:3 - Biblia Tetun Dili

³ “Hau ema Judeu, moris iha sidade Tarsu iha provinsia Silísia, maibee boot iha Jerusalém. Hau nia profesor naran Gamaliel. Nia hanorin hau ho didiak lei nebee profeta Moisés rai hela ba ita nia bei-ala sira. Iha tempu nebaa hau mos serbii Nai Maromak ho laran tomak hanesan mos imi hotu.

Apostolu sira nia Istoria 22:3 Iomraidhean Croise

Lucas 10:39

Marta iha alin ida naran Maria. Nia tuur besik hela iha Jesus nia ain hodi rona Nia liafuan.

Lucas 2:46

Liu tiha loron tolu, foin Nia inan-aman hetan Nia iha uma kreda boot laran. Nia tuur hamutuk hela ho mestri relijiaun sira hodi rona sira i mos husu pergunta ba sira.

Lucas 8:35

Rona nunee, ema barak sai baa atu haree rasik ho matan. Too iha nebaa, sira haree ema nebee uluk espiritu aat domina nee, diak tiha ona. Nia tuur hakmatek hela iha Jesus nia ain, hatais tiha ona hena, i nia hanoin normal fali ona. Haree nunee, sira hotu tauk.

Apostolu sira nia Istoria 11:25

Liu tiha nee, Barnabé baa iha sidade Tarsu buka Saulo.

Apostolu sira nia Istoria 15:23

Sira lori surat ida hakerek nunee: “Ba ema sarani nebee laos Judeu iha sidade Antiokia, iha provinsia Síria tomak, ho mos provinsia Silísia. Kumprimentus hosi ami, Nai Jesus nia apostolu, ho presbiteru sira iha Jerusalém. Ami hakerek surat nee foo ba imi, nebee ami hadomi hanesan ami nia maun-alin rasik.

Apostolu sira nia Istoria 15:41

Sira lao lemo provinsia Síria ho provinsia Silísia hodi hametin sarani sira nia fuan-laran.

Apostolu sira nia Istoria 21:20

Rona nunee, sira hotu hahii Nai Maromak. Depois sira hatete ba Paulo dehan, “Irmaun, naran katak ita hatene, iha ona ema Judeu rihun ba rihun mak fiar ba Nai Jesus. Maibee sira hotu sei kaer nafatin lei nebee Nai Maromak rai hela ba profeta Moisés.

Apostolu sira nia Istoria 21:39

Paulo hataan fali, “Lae, senhor! Hau ema Judeu, hosi Tarsu, sidade prinsipal ida iha provinsia Silísia. Hau husu senhor foo lisensa mai hau, hodi koalia ba ema sira nee.”

Apostolu sira nia Istoria 23:34

Lee tiha surat nee, governador husu ba Paulo, “O ema nebee?” Paulo hataan, “Hau hosi provinsia Silísia.”

Apostolu sira nia Istoria 23:6

Paulo haree ema sira tesi lia nee, fahe ba grupu rua. Balu tuir grupu Saduseu, nebee la fiar katak ema mate bele moris fali. Sira mos la fiar katak iha anju ka iha espiritu. Balu tuir grupu Farizeu nebee fiar buat hirak nee hotu. Nunee Paulo koalia ho lian makaas dehan, “Maun-alin sira, hau ema Farizeu. Hau nia aman ho hau nia avoo sira mos ema Farizeu. Agora imi atu kastigu hau, tanba hau fiar katak Nai Maromak bele halo ema mate moris fali.” Bainhira Paulo koalia nunee, ema Farizeu ho ema Saduseu sira komesa haksesuk malu, too sira la rona malu tan.

Apostolu sira nia Istoria 26:5

Sira konhese hau kleur ona. Nunee, se sira hakarak atu foo sasin karik, sira bele hatete katak hau moris nudar ema hosi grupu relijiaun Farizeu. Ema hotu hatene dehan, ami ema Farizeu fanatiku liu tuir ami nia lei relijiaun.

Apostolu sira nia Istoria 26:9

Uluk hau fiar katak, hau tenki halo buat saida deit, hodi kontra ema nebee tuir Jesus, ema Nazaré.

Apostolu sira nia Istoria 5:34

Maibee iha mos lider ida hosi grupu relijiaun Farizeu, naran Gamaliel. Nia mestri relijiaun, i ema hotu respeita nia. Nia hamriik i haruka ema lori Pedro sira sai ba liur.

Apostolu sira nia Istoria 6:9

Depois, loron ida, ema balu komesa kontra nia. Sira nee membru hosi uma kreda relijiaun Judeu ida nebee sira tau naran ‘Laos Atan Ona’. Sira mai hosi rai dook, hosi sidade Sirene, sidade Alexandria, provinsia Silísia, ho provinsia Ázia. Sira komesa diskuti malu ho nia.

Apostolu sira nia Istoria 9:1

Iha tempu nee, Saulo ameasa nafatin ema sira nebee tuir Jesus. Nia tuur la metin atu oho sira. Nunee nia baa iha nai-lulik Judeu nia boot,

Apostolu sira nia Istoria 9:11

Nai Jesus hatete, “O baa iha Judas nia uma, iha estrada ida naran Loos. O husu ema ida naran Saulo, hosi sidade Tarsu. Agora nia halo hela orasaun.

Apostolu sira nia Istoria 9:30

Bainhira sarani sira rona nunee, sira lori tiha nia ba iha sidade Sezareia. Depois sira haruka nia fila fali ba sidade Tarsu.

Roma 11:1

Agora hau husu tan: Entaun Maromak fila kotuk ba Nia povu Israel ka? Lae liu! Hau rasik ema Israel, hau Abraão nia jerasaun, hosi suku Benjamim.

2 Korintu 11:22

Sira nee ema Ebreu isin ka? Hau mos Ebreu isin. Sira ema Israel ka? Hau mos ema Israel. Sira Abraão nia jerasaun ka? Hau mos Abraão nia jerasaun.

Galasia 1:14

Hau foo neon ho laran tomak hodi estuda relijiaun Judeu nian i halo tuir, liu fali ema Judeu sira seluk nebee idade hanesan hau. Hau mak badinas liu halo tuir ita nia bei-ala sira nia tradisaun ho lei relijiaun hotu.

Galasia 1:21

Depois hau baa iha provinsia Síria ho Silísia.