Apostolu sira nia Istoria 21:8 - Biblia Tetun Dili

⁸ Iha aban fali, ami sai hosi Tolemais, depois ami too iha sidade Sezareia. Iha nebaa, ami hela ho Filipe, ema ida nebee foo sai Nai Jesus nia Novidade Diak ba ema nebee seidauk rona. Nia mos ema ida hosi sira nain hitu nebee uluk ema sarani sira iha Jerusalém hili hodi toma konta haan-hemu.

Apostolu sira nia Istoria 21:8 Iomraidhean Croise

Apostolu sira nia Istoria 6:5

I sira konkorda ho Pedro nia proposta nee. Entaun sira hili ema nain hitu, mak nee: Estevão, nia fiar teb-tebes ba Nai Jesus, i Nai Maromak nia Espiritu Santu sempre domina nia, Filipe, Prócoro, Nikanor, Timão, Pármenas, ho Nicolau nebee laos ema Judeu maibee nia tama tiha ona relijiaun Judeu. Nia hosi sidade Antiokia.

Efezu 4:11

Kristu mak foo kbiit ba Nia ema, atu sira halao serbisu nebee Nia fahe ba sira. Nia foti balu sai Nia apostolu, balu Nia foti sai Nia profeta para tatoli Nia liafuan, balu sai ema nebee foo sai Nia Novidade Diak ba ema nebee seidauk rona, i balu fali sai bibi atan i mestri hodi tau matan i hanorin Nia povu.

2 Timóteo 4:5

Timóteo, o la bele nunee. O tenki domina aan iha buat hotu-hotu. Aguenta ho pasiensia iha terus laran. Baa foo sai Novidade Diak ba ema. Halao serbisu hotu-hotu nebee Nai Maromak tau ona iha o nia kabaas.

Apostolu sira nia Istoria 28:16

Too iha Roma, komandante husik Paulo livre hodi aluga uma ida. I soldadu ida mak hein nia.

Apostolu sira nia Istoria 16:13

Iha loron Sabdu, loron nebee ema Judeu sira harohan hamutuk, ami lao sai ituan hosi sidade hodi buka ema Judeu sira nia fatin orasaun. Tanba ami hanoin fatin orasaun nee iha mota ibun. Too iha nebaa, ami tuur koalia ho senhora balu nebee halibur malu hela.

Apostolu sira nia Istoria 16:10

Paulo haree tiha nunee, ami fiar katak Nai Maromak mak haruka ami baa foo sai Nia Maromak nia Novidade Diak ba ema iha Masedónia. Nunee ami prepara aan kedas atu baa iha tasi sorin nebaa.

Apostolu sira nia Istoria 9:30

Bainhira sarani sira rona nunee, sira lori tiha nia ba iha sidade Sezareia. Depois sira haruka nia fila fali ba sidade Tarsu.

Apostolu sira nia Istoria 28:11

Ami hela iha Malta durante fulan tolu, depois ami baa sae roo ida ho estatua maromak oan kaduak. Roo nee mai hosi sidade Alexandria, maibee para hela iha Malta durante tempu malirin ho anin boot.

Apostolu sira nia Istoria 27:1

Nee liu tiha, governador Festu haruka Paulo baa hasoru liurai boot César iha Roma, para tesi nia lia. Nia entrega Paulo ho ema dadur balu tan ba komandante kompanhia ida naran Júlio, hosi Batalhaun Liurai Boot Roma nian.

Apostolu sira nia Istoria 23:23

Nee hotu tiha, komandante bolu nia kapitaun nain rua, hodi foo orden ba sira dehan, “Prepara soldadu atus rua, ho soldadu hitu-nulu nebee sae kuda, ho soldadu atus rua nebee lori dima. Imi baa sidade Sezareia orsida kalan tuku sia.

Apostolu sira nia Istoria 20:13

Depois ami fahe malu. Paulo lao ain deit ba sidade Asós, i ami baa sae roo.

Apostolu sira nia Istoria 20:6

Liu tiha tempu ema Judeu sira nia loron boot Paskua, ami baa sae roo iha sidade Filipi iha provinsia Masedónia. Ami iha tasi laran loron lima ona, depois ami too iha Tróade. Iha nebaa ami hasoru malu fali ho kolega sira, i hela iha nebaa semana ida.

Apostolu sira nia Istoria 18:22

Depois too iha sidade Sezareia, nia mos tuun. I nia lao sae ba Jerusalém, vizita Nai Jesus nia povu iha nebaa. Depois nia fila fali ba iha sidade Antiokia.

Apostolu sira nia Istoria 16:16

Iha loron ida, ami baa iha fatin orasaun nee, ami hasoru joven feto ida iha dalan. Nia ema nia atan. Espiritu aat tama iha nia, nunee nia bele foo hatene saida mak sei akontese aban-bainrua. Ema barak foo osan ba nia patraun, para joven nee bele siik sira nia destinu.

Apostolu sira nia Istoria 10:1

Iha sidade Sezareia iha militar Roma ida naran Cornélio. Nia komandante kompanhia hosi Itália.

Apostolu sira nia Istoria 21:16

Iha sarani balu hosi Sezareia akompanha ami, too iha ema ida naran Manason nia uma. Nia hosi ilha Xipre, i nia tuir Jesus kleur ona.