Apostolu sira nia Istoria 21:2 - Biblia Tetun Dili

² Ami tuun hosi roo, depois sae fali roo seluk nebee atu baa provinsia Fenísia besik ho Síria.

Apostolu sira nia Istoria 21:2 Iomraidhean Croise

Jonas 1:3

Maibee Jonas lakohi rona. Nia atu halai dook tiha hosi Maromak. Nee mak nia hakarak baa dook tiha iha loro monu iha sidade Tarsis, iha Espanha. Entaun nia tuun ba sidade Jope hodi buka roo baa Espanha. Bainhira nia hetan tiha roo ida, nia hola bilhete, i sae ba roo. Ho nunee, Jonas hanoin nia bele halai subar hosi Maromak.

Apostolu sira nia Istoria 11:19

Uluk, bainhira ema oho tiha Estevão, ema komesa halo terus mos sarani sira too sira halai namkari. Agora sira balu too ona iha provinsia Fenísia, balu too iha ilha Xipre, no sira balu tan halai baa dook too iha sidade Antiokia iha provinsia Síria. Maski sira foo sai nafatin Nai Jesus nia Novidade Diak iha fatin-fatin, maibee sira so foo sai deit ba ema Judeu.

Apostolu sira nia Istoria 15:3

Entaun sarani sira iha Antiokia haruka delegasaun nee ba Jerusalém. Sira lao liu hosi provinsia Fenísia ho provinsia Samaria. Iha dalan, sira tama tutuir sarani sira nia uma hodi konta dehan, “Ema nebee laos ema Judeu mos fiar ona ba Nai Jesus.” Rona nunee, sarani sira haksolok.

Apostolu sira nia Istoria 21:3

La kleur ami mos haree rai Xipre iha ami nia sorin karuk, maibee ami liu deit. Depois ami too iha sidade Tiru, iha provinsia Síria. Iha fatin nee, roo para hodi hatuun naha.

Apostolu sira nia Istoria 27:6

Iha Mira, komandante Júlio buka roo seluk nebee atu baa Itália. Nia hetan roo ida, mai hosi sidade Alexandria. I nia haruka ami hotu baa sae roo nee.