Apostolu sira nia Istoria 20:6 - Biblia Tetun Dili

⁶ Liu tiha tempu ema Judeu sira nia loron boot Paskua, ami baa sae roo iha sidade Filipi iha provinsia Masedónia. Ami iha tasi laran loron lima ona, depois ami too iha Tróade. Iha nebaa ami hasoru malu fali ho kolega sira, i hela iha nebaa semana ida.

Apostolu sira nia Istoria 20:6 Iomraidhean Croise

Apostolu sira nia Istoria 12:3

Bainhira Erodes haree katak Tiago nia mate nee halo ema boot Judeu sira haksolok, nia haruka kaer tan Pedro. Sira kaer nia natoon iha Festa Paun la Tau Fermentu.

Apostolu sira nia Istoria 16:10

Paulo haree tiha nunee, ami fiar katak Nai Maromak mak haruka ami baa foo sai Nia Maromak nia Novidade Diak ba ema iha Masedónia. Nunee ami prepara aan kedas atu baa iha tasi sorin nebaa.

Apostolu sira nia Istoria 16:12

Hosi nebaa, ami lao ain deit ba iha sidade ida naran Filipi. (Sidade nee sidade prinsipal ida iha provinsia Masedónia, i governu Roma mak ukun.) Ami hela loron ida-rua iha nee.

Apostolu sira nia Istoria 16:8

Nunee sira lao liu hosi provinsia Mízia, too iha sidade Tróade.

Apostolu sira nia Istoria 20:16

Paulo hakarak too lalais iha Jerusalém, para se bele tuir loron Pentakosta iha nebaa. Nunee nia lakohi lakon tempu lao sae ba sidade Efezu.

Apostolu sira nia Istoria 20:5

Nee liu tiha, sira sai baa uluk hein Paulo iha sidade Tróade iha tasi sorin baa.

Apostolu sira nia Istoria 21:4

Nunee ami tuun baa buka sarani sira. Hasoru tiha sira, ami hela ho sira semana ida. Espiritu Santu foo hatene ba sira para hatete ba Paulo la bele liu ba Jerusalém.

Apostolu sira nia Istoria 21:8

Iha aban fali, ami sai hosi Tolemais, depois ami too iha sidade Sezareia. Iha nebaa, ami hela ho Filipe, ema ida nebee foo sai Nai Jesus nia Novidade Diak ba ema nebee seidauk rona. Nia mos ema ida hosi sira nain hitu nebee uluk ema sarani sira iha Jerusalém hili hodi toma konta haan-hemu.

Apostolu sira nia Istoria 28:14

Iha nee, ami tuun hosi roo. Ami hasoru malu ho sarani sira, i sira konvida ami hela ho sira semana ida. Depois ami lao ain liu ba Roma.

Filipi 1:1

Surat nee hosi Paulo ho Timóteo, Kristu Jesus nia atan. Ami haruka surat nee ba Maromak nia povu santu iha sidade Filipi nebee laran ida ho Jesus Kristu, ba presbiteru sira, ho mos ba diakonu sira.

1 Tesalonika 2:2

Imi mos hatene, bainhira ami seidauk baa iha nebaa, ema iha sidade Filipi halo terus ho hatete aat ami. Maibee Maromak foo brani mai ami para bele foo sai Nia Novidade Diak ba imi, maski ema barak kontra makaas.

2 Timóteo 4:13

Bainhira o mai, lori ho hau nia faru manas nebee hau rai hela iha Karpu nia uma iha sidade Tróade. Lori mos hau nia livru sira, liu-liu livru sira nebee hakerek iha animal nia kulit.