Apostolu sira nia Istoria 20:3 - Biblia Tetun Dili

³ Nia hela fulan tolu iha nebaa. Depois nia atu baa sae roo ba provinsia Síria, maibee nia rona dehan, ema Judeu balu kombina malu atu oho nia. Entaun nia desidi atu baa Síria liu hosi provinsia Masedónia.

Apostolu sira nia Istoria 20:3 Iomraidhean Croise

Mateus 4:24

Buat nebee Jesus halo, ema konta iha nebee ba nebee too iha provinsia Síria tomak. Ema barak mai lori sira nia maluk nebee iha moras oi-oin, balu espiritu aat tama iha laran, balu moras bibi maten, liman-ain mate ho moras selu-seluk tan. I Jesus kura tiha moras sira nee hotu.

Apostolu sira nia Istoria 16:12

Hosi nebaa, ami lao ain deit ba iha sidade ida naran Filipi. (Sidade nee sidade prinsipal ida iha provinsia Masedónia, i governu Roma mak ukun.) Ami hela loron ida-rua iha nee.

Apostolu sira nia Istoria 16:9

Iha kalan nee, Nai Maromak hatudu ba Paulo hanesan mehi ida. Nia haree mane ida hosi provinsia Masedónia hamriik hela hodi husu makaas dehan, “Senhor, favor ida, mai iha nee hodi ajuda ami lai.”

Apostolu sira nia Istoria 18:18

Liu tiha nee, Paulo sei hela kleur ituan iha Korintu. Depois nia despede sarani sira hodi baa iha sidade ida naran Senkreia, hamutuk ho Priscila ho Akila. Paulo koi tiha nia fuuk hanesan sinal katak, buat nebee uluk nia promete ba Maromak, agora nia kumpri ona. Hosi fatin nee sira sae roo nebee atu baa provinsia Síria, too iha sidade Efezu. Sira tuun hosi roo, Paulo husik hela nia kolega nain rua nee. Nia baa tama iha ema Judeu sira nia uma kreda, hodi diskuti ho sira.

Apostolu sira nia Istoria 19:21

Nee liu tiha, Paulo desidi atu baa iha provinsia Masedónia ho provinsia Akaia, depois mak baa Jerusalém. Nia dehan, “Tuir mai, hau tenki baa Roma.”

Apostolu sira nia Istoria 20:1

Bainhira sidade Efezu hakmatek fila fali, Paulo halibur ema nebee tuir Jesus hodi hametin sira nia laran. Depois nia despede sira hodi baa provinsia Masedónia.

Apostolu sira nia Istoria 20:19

Imi hatene hau serbisu makaas ba Nai Maromak iha imi nia leet, i sempre haraik aan. Iha hau nia serbisu nee, hau nia matan-been fakar barak. Hau mos hetan terus barak tanba ema Judeu sira kombina malu atu halo aat mai hau.

Apostolu sira nia Istoria 20:2

Iha nebaa, nia lao lemo aldeia-aldeia hodi hametin ema sarani sira nia fiar, too nia tama iha provinsia Grésia.

Apostolu sira nia Istoria 21:3

La kleur ami mos haree rai Xipre iha ami nia sorin karuk, maibee ami liu deit. Depois ami too iha sidade Tiru, iha provinsia Síria. Iha fatin nee, roo para hodi hatuun naha.

Apostolu sira nia Istoria 25:3

Sira husu tulun, atu governador haruka lori fila fali Paulo mai Jerusalém, tan sira kombina tiha ona atu oho Paulo iha dalan.

2 Korintu 1:15

Hau laran metin nunee mak foin dadauk hau halo planu atu baa vizita imi dala rua, atu imi bele simu bensaun ba dala rua.

2 Korintu 11:26

Hau sempre lao hosi fatin ida ba fatin seluk. Iha perigu oi-oin mak ameasa hau: Mota boot atu lori hau. Ema hadau hau nia sasaan. Hau nia maluk Judeu sira rasik halo aat hau, nunee mos ema nebee laos Judeu. Hau atu mate sal-sala iha sidade laran, iha rai fuik, no mos iha tasi laran. Too ema nebee finji sai hau nia maluk sarani mos ameasa hau.

2 Korintu 7:5

Uluk bainhira ami too mai iha provinsia Masedónia, ami kolen atu mate. Ami hasoru susar hosi fatin-fatin, susar nee hosi ami nia laran ho mos hosi liur. Hosi laran ami tauk, hosi liur ema kontra ami.

Galasia 1:21

Depois hau baa iha provinsia Síria ho Silísia.