Apostolu sira nia Istoria 2:4 - Biblia Tetun Dili

⁴ Nai Maromak nia Espiritu Santu domina sira hotu. I sira komesa koalia lian oi-oin nebee sira nunka aprende, tuir saida mak Espiritu foo ba sira hodi koalia.

Apostolu sira nia Istoria 2:4 Iomraidhean Croise

Mateus 10:19

Bainhira ema lori imi baa hataan iha tribunal, lalika preokupa atu koalia saida ka atu hataan oinsaa. Tanba iha momentu nee Maromak sei foo hatene ba imi liafuan nebee mak imi atu koalia.

Marcos 16:17

I ema sira nebee fiar Hau, sira sei halo milagre oi-oin, too ema hotu hatene katak, sira nia kbiit nee mai hosi Nai Maromak. I sira sei duni sai espiritu aat, hodi Hau nia naran. I Nai Maromak sei halo sira koalia liafuan foun, nebee sira seidauk hatene.

Lucas 1:15

Nai Maromak sei konsidera nia nudar ema boot. Durante nia moris tomak, imi nia oan nee la bele hemu tua no tua manas. Nia sei nakonu ho Maromak nia Espiritu Santu dezde iha nia inan nia kabu-laran.

Lucas 1:41

Bainhira Isabel rona Maria nia liafuan, bebee iha nia kabu-laran book aan kedas. I Isabel nakonu ho Espiritu Santu.

Lucas 1:67

Depois João nia aman, Zacarias, nakonu ho Espiritu Santu, hatete,

Lucas 12:12

Tanba iha oras nee duni Espiritu Santu sei hanorin imi, oinsaa mak imi atu hataan sira.”

Lucas 21:15

Tanba Hau sei foo liafuan matenek ba imi, halo imi nia inimigu sira la hatene atu dehan tan saida.

Lucas 4:1

Sarani hotu tiha, Jesus husik mota Jordaun. Nia nakonu ho Espiritu Santu. I Espiritu Santu lori Jesus ba iha rai fuik maran.

João 14:26

Tuir mai, Hau nia Aman sei haruka Tulun-Nain ida mai. Nia nee mak Espiritu Santu. Nia mai lori Hau nia naran. Nia serbisu mak: hanorin buat hotu ba imi, i foo hanoin ba imi buat hotu nebee Hau foo hatene ona ba imi.

João 20:22

Nia koalia tiha hotu, Nia besik ba sira, i Nia huu Nia iis ba sira ida-idak. Nia dehan, “Hau foo Maromak nia Espiritu Santu ba imi. Simu Nia baa.

Apostolu sira nia Istoria 1:5

Uluk João sarani imi ho bee, maibee iha loron hira tan, Nai Maromak sei foo Nia Espiritu Santu hodi domina imi.”

Apostolu sira nia Istoria 1:8

Maibee bainhira Espiritu Santu tuun iha imi, imi sei simu kbiit. Depois mak imi baa foo sasin kona ba Hau, iha sidade Jerusalém, iha provinsia Judeia no Samaria tomak, no too rai ulun rai ikun.”

Apostolu sira nia Istoria 10:46

Sira rona ema sira nee koalia lian oi-oin nebee sira nunka aprende, ho hahii Nai Maromak. Depois Pedro dehan,

Apostolu sira nia Istoria 10:47

“Imi haree rasik deit baa! Ema sira nee simu ona Espiritu Santu hanesan mos ita. Nee duni, mai ita sarani sira ona. La iha ema ida mak bandu tan.”

Apostolu sira nia Istoria 11:15

Nee mak hau komesa foo hatene Maromak nia Novidade Diak ba sira. Maibee hau foin hahuu nunee, Espiritu Santu tuun kedas ba sira, hanesan mos uluk Nia tuun mai ita.

Apostolu sira nia Istoria 13:52

Maibee, ema sira nebee tuir Nai Jesus iha Antiokia, sira nia laran haksolok, i Espiritu Santu domina sira nafatin.

Apostolu sira nia Istoria 13:9

Maibee Espiritu Santu domina Saulo, nebee ema mos bolu Paulo. Nia hateke didiak ba matan-dook nee hodi dehan,

Apostolu sira nia Istoria 15:8

Nai Maromak hatene ita ida-idak nia laran. I Nia mak foo Nia Espiritu Santu ba sira, hanesan uluk Nia foo ona ba ita. Ho nunee, ita hatene katak Nai Maromak mos simu sira.

Apostolu sira nia Istoria 19:6

Momentu Paulo tau liman ba sira nia ulun hodi halo orasaun, Espiritu Santu tuun kedas ba sira. Sira mos komesa koalia lian oi-oin nebee sira nunka aprende. I Maromak uza sira hodi foo sai Nia liafuan.

Apostolu sira nia Istoria 2:11

Iha tan balu mai hosi ilha Kreta, ho hosi rai Arabi. Ita balu ema Judeu, i balu mos ema hosi nasaun seluk nebee tama ona relijiaun Judeu. Maibee ita hotu bele rona ema sira nee koalia fali ho ita nia lian, kona ba sinal nebee Nai Maromak halo ona.”

Apostolu sira nia Istoria 2:3

I sira haree hanesan nanaal, hanesan ahi lakan namkari iha ida-idak nia ulun leten.

Apostolu sira nia Istoria 4:31

Sira sei halo hela orasaun, fatin nebee sira hodi halibur malu ba nee, nakdoko. I Espiritu Santu domina sira, i sira baa foo sai Nai Maromak nia Novidade Diak ho brani.

Apostolu sira nia Istoria 4:8

Espiritu Santu domina Pedro, i nia hataan, “Nai ulun boot ho lia nain Israel nian.

Apostolu sira nia Istoria 6:3

Nunee, diak liu, imi hili ema nain hitu hosi imi. Buka ema nebee naran diak, matenek i Espiritu Santu mak domina nia. Depois ami sei foti sira hodi toma konta kona ba haan-hemu.

Apostolu sira nia Istoria 6:5

I sira konkorda ho Pedro nia proposta nee. Entaun sira hili ema nain hitu, mak nee: Estevão, nia fiar teb-tebes ba Nai Jesus, i Nai Maromak nia Espiritu Santu sempre domina nia, Filipe, Prócoro, Nikanor, Timão, Pármenas, ho Nicolau nebee laos ema Judeu maibee nia tama tiha ona relijiaun Judeu. Nia hosi sidade Antiokia.

Apostolu sira nia Istoria 6:8

Nai Maromak foo grasa ho poder boot ba Estevão hodi halo milagre ho sinal oi-oin iha povu nia klaran, nebee halo sira admira teb-tebes.

Apostolu sira nia Istoria 7:55

Maibee Espiritu Santu domina Estevão. I nia foti matan hateke ba lalehan, nia haree Nai Maromak nia naroman nabilan, i Nai Jesus hamriik hela iha Nai Maromak nia liman loos.

Apostolu sira nia Istoria 9:17

Nunee Ananias baa. Nia tama liu ba uma laran, i tau liman ba Saulo hodi dehan, “Irmaun Saulo, Nai Jesus, ida nebee hatudu Aan ba irmaun iha dalan klaran, Nia mak haruka hau mai halo orasaun ba ita, atu ita bele haree fila fali, i atu Espiritu Santu domina ita.”

Roma 15:13

Maromak rasik mak halo ita laran metin ba Nia. Hau harohan atu Nia halo imi haksolok teb-tebes no foo paz ho hakmatek ba imi, tanba imi fiar ba Nia. Nunee kbiit Espiritu Santu nian sei halo imi laran metin liu tan ba Maromak.

1 Korintu 12:10

Ema balu simu kbiit hodi halo milagre oi-oin. Ema balu simu kbiit hodi foo tutan Maromak nia lia menon. Ema balu simu kbiit hodi bele hatene tuir Espiritu nebee Maromak nian no espiritu nebee laos. Iha tan ema balu simu kbiit hodi koalia lian oi-oin nebee sira nunka aprende, i ema seluk tan simu kbiit hodi sai durbasa ba liafuan sira nee.

1 Korintu 13:1

Se karik hau bele koalia lian oi-oin, atu ema nia lian ka anju nia lian, maibee hau la iha domin, hau nia liafuan mamuk deit, hanesan tambor nebee tarutu ka sinu nebee lian.

1 Korintu 13:8

Domin la iha rohan. Profeta sira nebee hatutan Maromak nia lia menon sei remata. Ema sira nebee simu kbiit hodi koalia lian oi-oin sei remata, i buat nebee matenek nain sira hatene, sei la iha folin tan.

1 Korintu 14:18

Hau agradese ba Maromak tanba hau koalia lian nebee ema la hatene liu imi hotu.

1 Korintu 14:5

Tuir loloos hau hakarak atu imi hotu bele koalia lian nebee la iha ema ida ke hatene. Maibee hau hakarak liu atu imi bele foo tutan Maromak nia lia menon. Tanba ema nebee foo tutan Maromak nia lia menon, folin boot liu fali ema nebee koalia lian nebee la iha ema ida ke hatene. Koalia ho lian nee diak, naran katak iha ema ida bele durbasa, atu nunee bele hametin sarani sira nia fiar.

Efezu 3:19

Hau halo orasaun atu imi bele hatene loloos Kristu nia domin nee, maski ita ema nia matenek la too. Nunee imi bele hatudu Maromak nia diak ho Nia domin iha imi nia moris tomak.

Efezu 5:18

La bele tua lanu. Se lae, tua nee mak domina fali imi too bele estraga imi nia moris. Maibee husik Espiritu Santu mak domina imi.

Efezu 6:18

Halo orasaun loron-kalan ho Espiritu Santu nia tulun. Iha situasaun saida deit, husu Maromak nia tulun. Matan moris neon nain nafatin, husu Maromak nia tulun, i sempre halo orasaun ba Maromak nia povu hotu-hotu.

1 Pedro 1:12

Espiritu Santu foo hatene ba sira katak, buat nebee sira foo sai nee, laos atu serbii sira nia aan, maibee atu serbii imi. Novidade Diak nebee profeta sira foo sai nee, ikus mai imi mos rona hosi ema seluk. Sira nee simu kbiit hosi Maromak Nia Espiritu hosi lalehan para haklaken Nia Novidade Diak nee ba imi. Afinal anju sira mos hakarak teb-tebes atu hatene buat sira nee.

2 Pedro 1:21

Tanba profeta sira nia lia menon nunka mai hosi ema mundu nee nia hakarak. Maibee sira hatoo liafuan hosi Maromak tuir saida mak Espiritu Santu hatudu ba sira.