Apostolu sira nia Istoria 19:2 - Biblia Tetun Dili

² Nia husu ba sira, “Maun-alin sira. Uluk imi fiar ba Jesus, imi simu ona Espiritu Santu ka lae?” Sira hataan, “Lae. Ami nunka rona dehan, iha Espiritu Santu.”

Apostolu sira nia Istoria 19:2 Iomraidhean Croise

João 7:39

Jesus koalia kona ba Maromak nia Espiritu, tanba ema hotu nebee fiar ba Jesus sei simu Espiritu nee. Maibee bainhira Jesus koalia ida nee, sira seidauk simu Maromak nia Espiritu, tanba Maromak seidauk foo. Maromak seidauk foo tanba Nia seidauk foti aas Jesus.

Apostolu sira nia Istoria 10:44

Pedro sei koalia hela nunee, derepenti Nai Maromak nia Espiritu Santu tuun ba ema hotu nebee rona nia liafuan.

Apostolu sira nia Istoria 19:5

Depois Paulo sarani sira ho Nai Jesus nia naran.

Apostolu sira nia Istoria 2:17

‘Nai Maromak hatete, “Molok mundu remata, Hau sei fakar Hau nia Espiritu ba ema hotu-hotu. Imi nia oan mane sira ho imi nia oan feto sira, sei foo sai buat nebee ke Hau foo hatene ba sira. Imi nia oan foin sae sira, sei haree buat nebee mak Hau hatudu ba sira. I ema katuas ho ferik sira, sei mehi buat nebee mak Hau foo ba sira.

Roma 1:11

Hau hakarak teb-tebes atu baa vizita imi, para hau bele fahe ba imi kbiit espiritual nebee hau hetan hosi Maromak. Nunee imi nia fiar bele metin liu tan.

1 Korintu 6:19

Keta haluha katak imi nia isin lolon sai hanesan uma kreda para Espiritu Santu hodi hela. Maromak rasik mak foo Nia Espiritu nee ba imi, i Nia Espiritu hela iha imi nia laran. Nee duni imi nia isin nee laos imi nian, maibee Maromak nian.

Galasia 3:5

Nai Maromak foo Nia Espiritu Santu ba imi, i halo milagre iha imi nia leet. Imi hanoin Nia halo nunee tanba imi halo tuir lei relijiaun ka? Lae! Nia halo nunee, tanba imi fiar ba Novidade Diak nebee imi rona tiha ona.