Apostolu sira nia Istoria 18:3 - Biblia Tetun Dili

³ depois hela ho sira, i serbisu hamutuk ho sira, tanba sira nia serbisu halo tenda hosi animal nia kulit, hanesan mos Paulo nian.

Apostolu sira nia Istoria 18:3 Iomraidhean Croise

1 Korintu 4:12

Ami serbisu makaas ho ami nia liman rasik hodi sustenta ami nia aan. Bainhira ema foo malisan mai ami, ami husu Maromak foo bensaun ba sira. Bainhira ema halo terus ami, ami aguenta deit.

1 Korintu 9:14

Nunee mos ita nia Nai foo orden dehan, ema nebee iha knaar hodi foo sai Novidade Diak, sira bele moris hosi sira nia serbisu nee.

1 Korintu 9:15

Maski hau iha direitu, maibee hau nunka husu atu ema selu hau nia kolen. Hau mos la haruka surat nee ba imi atu husu imi foo buat ruma. Mai hau, diak liu hau mate duke hau husu! Tanba se hau husu, oinsaa mak hau bele gaba aan dehan hau foo sai Novidade Diak ho gratis?

1 Korintu 9:18

Entaun hau sei hetan saida hodi selu hau nia kolen? Buat nebee hau simu mak nee: Hau bele haksolok foo sai Novidade Diak ho gratis. Nee mak bainhira hau foo sai Novidade Diak, hau nunka husu hau nia direitu.

2 Korintu 11:7

Uluk hau foo sai Maromak nia Novidade Diak ba imi, hau la husu atu imi selu hau. Maibee hau halo hau nia aan hanesan ema kiik, atu bele foti aas imi. Hahalok nee sala ka?

2 Korintu 11:9

Uluk hau hela hamutuk ho imi, bainhira hau presiza buat ruma, hau la tau todan ba imi. Ita nia maluk sarani sira nebee mai hosi provinsia Masedónia mak foo buat nebee hau presiza. Hau kuidadu hau nia aan para la foo todan ba imi, ituan mos lae. I hau sei halo nunee nafatin.

2 Korintu 12:13

Entaun nusaa mak imi hanoin dehan hau konsidera sarani sira iha fatin seluk liu fali imi? Tanba deit hau simu sira nia oferta, maibee hau la husu imi atu suporta hau ka? Se imi hanoin dehan nee sala, entaun foo perdaun mai hau.

1 Tesalonika 2:9

Maun-alin sira, imi hatene, bainhira ami foo sai Maromak nia Novidade Diak ba imi, ami serbisu makaas loron-kalan hodi sustenta ami nia aan rasik. Tan ami lakohi foo todan ba imi.

1 Tesalonika 4:11

Hakaas aan atu imi moris hakmatek. La bele baa mete ema nia moris. Serbisu ho imi nia liman rasik hodi sustenta imi nia familia. Buat sira nee, ami hanorin ba imi hori uluk kedas.