Apostolu sira nia Istoria 13:2 - Biblia Tetun Dili

² Iha loron ida, sira adora hela Nai Maromak no halo jejun, Espiritu Santu hatete ba sira dehan, “Hili Barnabé ho Saulo hodi halo serbisu nebee Hau prepara ona ba sira.”

Apostolu sira nia Istoria 13:2 Iomraidhean Croise

Mateus 17:21

Maibee atu duni sai espiritu aat hanesan ida ohin nee, imi tenki halo orasaun i halo jejun.”

Mateus 6:16

“Bainhira imi halo jejun, la bele halo imi nia oin tristi hanesan ema laran makerek sira nebee buka oin. Sira hatudu aan nunee para ema bele hatene katak sira jejun hela. Hau dehan loloos ba imi: sira simu hotu ona sira nia kolen.

Mateus 9:38

Tanba nee husu ba Toos Nain para haruka tan ema hodi silu batar nee.”

Lucas 10:1

Tuir mai, Nai Jesus hili tan eskolanti nain hitu-nulu resin rua, depois Nia haruka sira rurua baa uluk iha fatin-fatin nebee Nia atu baa.

Apostolu sira nia Istoria 10:19

Pedro sei hanoin hela mehi nee dehan saida, Espiritu Santu foo hatene ba nia dehan, “Pedro, ema mai buka o.

Apostolu sira nia Istoria 10:30

Cornélio hataan, “Hori baintolu, tuku tolu lokraik, hau halo hela orasaun iha hau nia uma. Derepenti mane ida hamriik iha hau nia oin. Nia hena nabilan loos.

Apostolu sira nia Istoria 13:3

Sira halo orasaun ho jejun tan, depois sira tau liman ba Barnabé ho Saulo, hodi haruka sira baa halao serbisu nee.

Apostolu sira nia Istoria 13:4

Espiritu Santu haruka Barnabé ho Saulo baa. Nunee sira baa iha sidade ida besik tasi ibun, naran Seléusia. João Marcos mos akompanha hodi ajuda sira. Too iha nebaa, sira sae roo hodi baa rai kiik ida naran Xipre. I sira tuun iha sidade ida naran Salamina. Sira baa tama iha uma kreda Judeu nian balu hodi foo sai Nai Maromak nia Liafuan.

Apostolu sira nia Istoria 14:26

Sira sae roo hodi fila ba sidade Antiokia iha provinsia Síria. Iha sidade nee mak ema sarani sira uluk entrega sira nain rua ba Maromak nia grasa hodi halao Nia serbisu. Agora sira nia serbisu nee remata ona.

Apostolu sira nia Istoria 20:28

Nee duni imi tenki kuidadu didiak ho imi nia moris, ho haree didiak Maromak nia povu. Espiritu Santu haruka imi tau matan ba sira hanesan bibi atan ida hein nia bibi. La bele haluha katak, Nai Jesus mate ona hodi sosa kotu ema sira nee ho Nia raan.

Apostolu sira nia Istoria 22:21

Maibee Nai Jesus hatete, ‘Baa ona! Tan Hau atu haruka o ba iha fatin dook, hodi foo sasin ba ema nebee laos Judeu.’ ”

Apostolu sira nia Istoria 4:36

Ezemplu hanesan José. Nia Levi nia jerasaun, hosi ilha Xipre. Apostolu sira bolu nia Barnabé. Naran nee dehan katak, ‘ema nebee hametin ema seluk nia laran’. Nia faan nia rai pedasuk ida, i nia lori osan rai nian nee, baa entrega ba apostolu sira.

Apostolu sira nia Istoria 6:4

Nunee ami bele foo tempu tomak hodi halo orasaun, i hodi foo sai ho hanorin Maromak nia Liafuan.”

Apostolu sira nia Istoria 8:29

I Maromak nia Espiritu haruka Filipe baa besik kuda kareta nee.

Apostolu sira nia Istoria 9:15

Maibee Nai Jesus koalia tan, “O baa deit! Tanba Hau hili ona nia hodi serbii Hau, i lori Hau nia Novidade Diak baa foo ba sira nebee laos ema Judeu, foo ba liurai sira, ho mos ba ema Judeu sira.

Roma 1:1

Surat nee hosi hau, Paulo. Hau Kristu Jesus nia atan. Maromak mak hili hau sai Jesus nia apostolu no haketak hau hodi foo sai Nia Novidade Diak.

Roma 10:15

I oinsaa mak ema bele baa foo sai ba sira kona ba Nia, se la iha ema ida mak haruka? Iha Livru Sagradu hakerek dehan, “Ema nebee lori Novidade Diak sira mai nee furak teb-tebes.”

Roma 15:16

Nia foti hau sai Kristu Jesus nia atan para serbii ema nebee laos Judeu. Hau kaer knaar hanesan nai-lulik ida hodi foo sai Maromak nia Novidade Diak. Nunee ema nebee laos Judeu bele sai hanesan oferta ida nebee halo haksolok Maromak nia laran, tanba Espiritu Santu halo sira sai moos tiha ona.

1 Korintu 12:11

Buat sira nee hotu, Espiritu ida deit mak halo. Nia foo kbiit ba ema ida-idak tuir Nia hakarak rasik.

1 Korintu 7:5

Imi feen-laen sira la bele hadook aan ba malu. Maibee se karik imi desidi hamutuk atu hadook aan iha tempu badak para bele foo fokus ba orasaun, nee bele. Maibee bainhira tempu nee hotu ona, imi tenki hamutuk fali nudar feen-laen. Keta halo be Satanás tenta imi tanba imi la aguenta.

2 Korintu 11:27

Hau serbisu makaas. Dala barak hau kalan la toba, hau hamlaha i hamrook. Hau malirin tanba la iha hena.

2 Korintu 6:5

Ema baku ami ho xikote, dadur ami iha komarka, i ema ataka ami rame-rame. Ami serbisu too kosar metan suli, ami kalan la toba, i dala barak la haan.

Galasia 1:15

Maski nunee, Nai Maromak desidi atu hatudu Nia Oan Jesus mai hau. Bainhira hau sei iha hau nia inan nia kabun laran, Nia hatudu ona Nia grasa mai hau hodi hili hau atu baa foo sai Novidade Diak kona ba Jesus ba ema nebee laos Judeu. Bainhira Nia hatudu Nia Oan mai hau, hau la baa husu ema seluk nia hanoin.

Efezu 3:7

Nai Maromak hatudu Nia grasa mai hau hodi hili hau foo sai Nia Novidade Diak. I Nia foo Nia kbiit mai hau para halao serbisu nee.

Kolose 4:17

Hatete ba Arkipu dehan, “Knaar nebee Nai Jesus foo ba o nee, o tenki kaer metin too rohan.”

1 Timóteo 2:7

I Nai Maromak hili ona hau sai Nai Jesus nia apostolu, hodi baa foo sai Novidade Diak ba sira nebee laos ema Judeu, i hanorin Maromak nia lia loos ba sira atu sira mos fiar ba Nai Jesus. Hau Jesus nia apostolu duni; hau la bosok.

2 Timóteo 1:11

Nee mak Novidade Diak. I Nai Maromak foti hau sai Jesus Kristu nia apostolu, para foo sai i hanorin Novidade Diak nee.

2 Timóteo 2:2

Uluk hau hanorin iha ema barak nia oin, o mos iha. Buat nebee o rona hosi hau nee, o tenki foo tutan ba ema nebee o fiar, para sira mos bele hanorin fali ba ema seluk.

2 Timóteo 4:11

So Lucas deit mak sei hamutuk ho hau. O mai, lori ho Marcos, para nia bele ajuda hau halao hau nia ministeriu.

2 Timóteo 4:5

Timóteo, o la bele nunee. O tenki domina aan iha buat hotu-hotu. Aguenta ho pasiensia iha terus laran. Baa foo sai Novidade Diak ba ema. Halao serbisu hotu-hotu nebee Nai Maromak tau ona iha o nia kabaas.

Ebreu 5:4

La iha ema ida bele foti nia aan rasik sai nai-lulik boot, maibee Nai Maromak mak foti nia, hanesan uluk Nia foti Arão.