Apostolu sira nia Istoria 12:3 - Biblia Tetun Dili

³ Bainhira Erodes haree katak Tiago nia mate nee halo ema boot Judeu sira haksolok, nia haruka kaer tan Pedro. Sira kaer nia natoon iha Festa Paun la Tau Fermentu.

Apostolu sira nia Istoria 12:3 Iomraidhean Croise

Mateus 26:17

Tempu too ona atu ema Judeu selebra Festa Paun la Tau Fermentu. Iha loron primeiru Jesus nia eskolanti sira baa husu Nia dehan, “Ita Boot hakarak ami baa prepara hahaan festa Paskua nian iha nebee?”

João 12:43

Lider sira nee gosta liu ema mak gaba sira, dukee Maromak mak gaba sira.

João 19:11

Jesus hataan, “Senhor, se ita iha kbiit nunee, nee tanba Nai Maromak mak foo kbiit ba ita. Tan Nia mak foo lisensa ba ita hodi halo saida deit ba Hau. Maibee ema nebee foo Hau ba senhor, sira nee mak sei lori sala todan liu.”

João 21:18

O komprende ona Hau nia hakarak, ka? Hau hakarak hatete nunee: uluk o foin sae, baibain o hatais ropa, no kesi sintu, i o baa nebee deit tuir o nia hakarak. Maibee, bainhira o katuas ona, o lolo o nia liman, ema ruma sei kesi o nia liman ho o nia sintu rasik, i sira lori o baa iha fatin nebee o lakohi baa.”

Apostolu sira nia Istoria 12:4

Depois sira lori nia baa hatama iha kadeia, i entrega ba soldadu grupu haat hodi hein nia loron-kalan. Grupu ida-idak iha ema nain haat. Liurai Erodes hakarak hein too festa nee hotu, mak foin nia tesi Pedro nia lia iha ema barak nia oin.

Apostolu sira nia Istoria 2:14

Depois Pedro hamriik ho Jesus nia apostolu nain sanulu resin ida nee. I nia hakat ba oin hodi koalia ho lian makaas ba ema barak nee dehan, “Maluk Judeu sira, ho imi sira nebee mak hela iha sidade Jerusalém. See tilun mai hodi rona didiak saida mak hau atu hatoo.

Apostolu sira nia Istoria 20:6

Liu tiha tempu ema Judeu sira nia loron boot Paskua, ami baa sae roo iha sidade Filipi iha provinsia Masedónia. Ami iha tasi laran loron lima ona, depois ami too iha Tróade. Iha nebaa ami hasoru malu fali ho kolega sira, i hela iha nebaa semana ida.

Apostolu sira nia Istoria 24:27

Liu tiha tinan rua, iha governador foun ida mai troka nia, naran Pórsiu Festu. Félix atu halo kontenti ema Judeu nia lider sira, nunee mak nia kastigu nafatin Paulo iha kadeia.

Apostolu sira nia Istoria 25:9

Maibee governador Festu hakarak buka oin ho halo kontenti ema Judeu sira. Nee mak nia husu ba Paulo, “Se hau rezolve o nia lia nee iha Jerusalém, o simu ka lae?”

Apostolu sira nia Istoria 4:13

Ema sira nebee tesi lia nee hatene katak Pedro ho João ema baibain, la eskola boot. Nunee sira admira teb-tebes ho sira nain rua nia brani nee, i sira hatene katak ema nain rua nee, uluk hamutuk ho Jesus.

Galasia 1:10

Hau koalia hanesan nee, atu ema bele gaba hau ka? Lae! Hau hakarak atu halo haksolok Maromak nia laran, laos atu halo haksolok ema nia laran. Se hau buka atu ema gaba hau karik, entaun hau laos Kristu nia atan.

1 Tesalonika 2:4

Nai Maromak konsidera ami serve hodi hatoo Novidade Diak ba imi. Ami laos atu halo kontenti ema nia laran, maibee atu halo kontenti Nai Maromak, tan Nia mak hatene ami nia laran.