Apostolu sira nia Istoria 1:8 - Biblia Tetun Dili

⁸ Maibee bainhira Espiritu Santu tuun iha imi, imi sei simu kbiit. Depois mak imi baa foo sasin kona ba Hau, iha sidade Jerusalém, iha provinsia Judeia no Samaria tomak, no too rai ulun rai ikun.”

Apostolu sira nia Istoria 1:8 Iomraidhean Croise

Mateus 24:14

I Novidade Diak kona ba Reinu Lalehan nian, ema sei haklaken iha mundu tomak, atu nunee ema hosi nasaun hotu-hotu bele hatene kona ba Maromak nia ukun. Haklaken hotu tiha mak foin mundu nee remata.

Mateus 28:19

Tanba nee, baa hanorin ema iha nasaun hotu-hotu atu sira sai Hau nia eskolanti. Foo sarani sira hodi Aman, Oan no Espiritu Santu sira nia naran.

Marcos 16:15

Nee duni, imi tenki baa iha mundu tomak, i foo sai Hau nia Novidade Diak nee ba ema hotu-hotu.

Lucas 1:35

Anju hataan, “Nai Maromak nia Espiritu Santu sei tuun ba iha o, i Maromak Aas Liu nia kbiit sei hamahon o. Nunee, labarik nebee atu moris mai nee ema sei bolu Nia santu i ‘Nai Maromak nia Oan’.

Lucas 10:19

Hau foo ona kbiit ba imi atu sama samea ho sakunar. Kbiit nebee Hau foo nee, boot liu fali imi nia inimigu Satanás nia kbiit. La iha buat ida bele halo aat imi.

Lucas 24:29

Maibee sira nain rua husu bebeik, “Senhor, deskansa lai ho ami kalan nee, tanba loro matan atu besik monu ona.” Entaun Jesus tama hamutuk ho sira ba uma laran.

João 15:27

Imi mos sei foo hatene ba ema kona ba Hau, tanba imi hamutuk ona ho Hau hosi hahuu kedas.

Apostolu sira nia Istoria 1:5

Uluk João sarani imi ho bee, maibee iha loron hira tan, Nai Maromak sei foo Nia Espiritu Santu hodi domina imi.”

Apostolu sira nia Istoria 13:31

Bainhira Jesus moris fila fali, Nia hatudu Aan fila-fila durante loron barak, ba ema sira nebee uluk lao hamutuk ho Nia hosi provinsia Galileia too Jerusalém. I sira nee mak agora sai sasin ba povu Israel.”

Apostolu sira nia Istoria 2:32

Ema nebee David dehan nee, mak Jesus! Nai Maromak halo Nia moris fali hosi mate, i ami nee hotu haree ho ami nia matan rasik.

Apostolu sira nia Istoria 22:15

Irmaun sei sai sasin hodi hatoo ba ema hotu-hotu saida mak ita haree, ho saida mak ita rona.

Apostolu sira nia Istoria 3:15

Imi oho tiha Jesus, ida nebee moris hotu-hotu nia huun. Nia mate duni, maibee Nai Maromak halo Nia moris fali. Ami haree rasik ho matan.

Apostolu sira nia Istoria 4:33

I Maromak foo poder boot ba apostolu sira, para sira foo sasin ba ema katak Nai Jesus moris fali ona hosi mate, hanesan sira rasik haree ho matan. I Nai Maromak mos foo bensaun boot ba sira hotu.

Apostolu sira nia Istoria 5:32

Ami sai sasin ba buat sira nee hotu, i nunee mos Espiritu Santu. Agora Nai Maromak foo ona Nia Espiritu Santu ba ema sira nebee halo tuir Nia.”

Apostolu sira nia Istoria 6:8

Nai Maromak foo grasa ho poder boot ba Estevão hodi halo milagre ho sinal oi-oin iha povu nia klaran, nebee halo sira admira teb-tebes.

Roma 10:18

Entaun hau hakarak husu, ema Israel nunka rona kona ba Kristu ka? Sira rona tiha ona! Hanesan hakerek iha Livru Sagradu dehan, “Sira nia liafuan foo sai tiha ona iha mundu tomak, hosi rai ulun too rai ikun.”

Roma 15:19

ho sinal ho milagre bo-boot nebee mak hau halo ho Maromak nia Espiritu nia kbiit. Hau foo sai tiha ona Novidade Diak kona ba Kristu hosi Jerusalém too iha provinsia Ilíriku, hau nia serbisu iha rai nee hotu ona.

Kolose 1:23

Naran katak imi hamriik metin hodi fiar nafatin. Keta nakdoko, maibee laran metin nafatin katak Maromak halo tuir duni buat nebee Nia promete ona iha Nia Novidade Diak. Novidade Diak nee, ema foo sai ona iha fatin-fatin deit iha mundu nee. I hau, Paulo, mos simu knaar para foo sai Novidade nee.