Apostolu sira nia Istoria 1:7 - Biblia Tetun Dili

⁷ Jesus hataan, “Kona ba tempu ho loron nee, so Hau nia Aman deit mak iha direitu hodi desidi tuir Nia knaar. Imi la presiza hatene.

Apostolu sira nia Istoria 1:7 Iomraidhean Croise

Mateus 20:23

Jesus hatete ba sira, “Loos duni, Hau nia kalis imi sei hemu duni, imi sei simu duni terus hanesan Hau. Maibee Hau la iha direitu atu hili see mak atu tuur iha Hau nia sorin loos ho sorin karuk. Kona ba ida nee Hau nia Aman iha lalehan desidi tiha ona.”

Mateus 24:36

“Kona ba loron ho oras nebee mak Hau atu fila fali mai, la iha ema ida mak hatene. Anju sira iha lalehan, no Hau, Ema Oan mos la hatene. So Hau nia Aman iha lalehan deit mak hatene.

Marcos 10:40

Maibee kona ba tuur iha Hau nia sorin loos ka sorin karuk, nee laos Hau nia direitu. Nee Nai Maromak nia direitu. Nia desidi tiha ona, see mak bele tuur iha fatin nee.”

Marcos 13:32

Jesus koalia tan dehan, “La iha ema ida mak hatene loron ho oras fila mai nee. Nai Maromak nia anju sira iha lalehan mos la hatene. Hau rasik mos la hatene. So Hau nia Aman deit mak hatene.

Lucas 21:24

Inimigu sei oho sira balu, i lori sai balu baa kastigu iha nasaun selu-seluk. I ema hosi rai liur nebee la fiar Nai Maromak sei mai sama i hanehan povu Jerusalém, too tempu nebee Nai Maromak desidi ba sira nee remata ona.”

Apostolu sira nia Istoria 17:26

Hosi ema ida, Nia halo nasaun hotu-hotu iha mundu tomak. Nia haketak nasaun sira, ida-idak ho nia rain. Nia desidi antes tiha ona, tempu nebee mak nasaun ida-idak atu sai boot, ka atu monu.

Efezu 1:10

Nia planu mak nee: bainhira too ona nia tempu, Maromak sei halo buat hotu-hotu iha lalehan ho iha rai hamutuk ida deit, i Kristu mak sei ukun hotu-hotu.

1 Timóteo 6:15

Nai Jesus sei fila fali mai iha loron nebee Nai Maromak desidi. Nai Maromak nee boot no diak teb-tebes. Nia mak kaer ukun. Nia mak liurai hotu-hotu nia Liurai, ho nai hotu-hotu nia Nai.

2 Timóteo 3:1

Timóteo, hanoin didiak. Iha tempu ikus, susar barak sei mosu.