Apostolu sira nia Istoria 1:4 - Biblia Tetun Dili

⁴ Iha loron ida, Jesus haan hamutuk ho Nia apostolu sira, Nia foo orden ba sira dehan, “Keta husik lai Jerusalém. Imi tenki hein iha nee too Hau nia Aman foo Nia Espiritu Santu ba imi, tuir Nia promete ona, i tuir imi mos rona ona hosi Hau.

Apostolu sira nia Istoria 1:4 Iomraidhean Croise

Mateus 10:20

Iha tempu nee, laos imi mak koalia, maibee imi nia Aman nia Espiritu mak koalia liu hosi imi.

Lucas 11:13

Maski imi ema aat, maibee imi hatene foo buat diak ba imi nia oan sira. Saa tan imi nia Aman iha lalehan! Se imi husu para Nia foo Nia Espiritu Santu ba imi, Nia sei foo duni.”

Lucas 12:12

Tanba iha oras nee duni Espiritu Santu sei hanorin imi, oinsaa mak imi atu hataan sira.”

Lucas 24:49

Hau sei haruka saida mak Aman Maromak promete tiha ona ba imi. Maibee imi tenki hein iha sidade nee, too imi simu kbiit hosi lalehan.”

João 14:16

Bainhira Hau la hamutuk ona ho imi, Hau sei husu ba Hau nia Aman para Nia foo Tulun-Nain ida hodi hatudu dalan ba imi. Nia nee, Maromak nia Espiritu nebee hanorin imi buat nebee loos. Ema balu iha mundu nee lakohi simu Nia, tanba sira la bele haree Nia no la konhese Nia. Maibee imi konhese Nia tanba Nia hamutuk ho imi. Nia sei hela iha imi nia laran, i Nia sei hamutuk ho imi nafatin.

João 15:26

Bainhira Tulun-Nain nee mai, Nia mak Espiritu nebee halo imi komprende saida mak loos. Nia mai hosi Hau nia Aman. Bainhira Hau baa ona Hau nia Aman, Hau sei haruka Nia Espiritu ba imi. Nia sei sai sasin kona ba Hau.

João 20:22

Nia koalia tiha hotu, Nia besik ba sira, i Nia huu Nia iis ba sira ida-idak. Nia dehan, “Hau foo Maromak nia Espiritu Santu ba imi. Simu Nia baa.

João 7:39

Jesus koalia kona ba Maromak nia Espiritu, tanba ema hotu nebee fiar ba Jesus sei simu Espiritu nee. Maibee bainhira Jesus koalia ida nee, sira seidauk simu Maromak nia Espiritu, tanba Maromak seidauk foo. Maromak seidauk foo tanba Nia seidauk foti aas Jesus.

Apostolu sira nia Istoria 10:41

Laos ema hotu-hotu mak haree Nia. So ami deit. Ami nee, Nai Maromak hili antes tiha ona hodi sai sasin kona ba Jesus. Bainhira Nai Jesus moris fila fali, ami mak baibain haan-hemu hamutuk ho Nia.

Apostolu sira nia Istoria 2:33

Agora Nai Maromak foti ona Jesus hodi tuur iha Nai Maromak nia sorin loos, iha fatin aas. I Jesus simu Espiritu Santu hosi Nia Aman hodi foo fali mai ami, tuir Nai Maromak promete ona hori uluk. Saida mak imi rona ho haree agora nee, Maromak nia Espiritu nia serbisu.