Apostolu sira nia Istoria 1:16 - Biblia Tetun Dili

¹⁶ “Maun-alin sira hotu, ita hatene Judas uluk lori ema baa kaer Jesus. Buat nee hodi kumpri Nai Maromak nia Liafuan, nebee Nia Espiritu foo ba liurai David uluk kedas kona ba Judas.

Apostolu sira nia Istoria 1:16 Iomraidhean Croise

Mateus 26:14

Depois Judas Iscariotes, eskolanti ida hosi sanulu resin rua nee, baa hasoru nai lulik nia xefi sira.

Mateus 26:47

Jesus sei koalia hela, Judas, eskolanti ida hosi sira nain sanulu resin rua nee, too mai. Ema barak teb-tebes mai hamutuk ho nia, lori surik ho ai dona. Ema sira nee, nai lulik nia xefi sira ho katuas lia nain sira mak haruka.

Mateus 26:54

Se Hau husu nunee, saida mak hakerek iha Livru Sagradu kona ba Hau nee la kumpri ona.”

Mateus 26:56

Maibee buat sira nee hotu akontese hodi kumpri saida mak profeta sira hakerek tiha ona iha Livru Sagradu.” Depois Jesus nia eskolanti sira husik tiha Nia i sira halai namkari hotu.

Marcos 12:36

Tanba hori uluk Nai Maromak nia Espiritu Santu uza liurai David hodi hakerek nunee: ‘Nai Maromak hatete ona ba hau nia Liurai dehan, “Mai tuur iha Hau nia sorin loos, fatin ema boot nian. Hau sei halo o nia inimigu sira, hakruuk ba o.’ ”

Marcos 14:43

Jesus sei koalia hela, Judas mai ho ema barak. Sira mai lori ai dona ho punhal hodi kaer Jesus. Sira halo nunee, tuir orden hosi ulun Judeu sira nia. Sira nee mak nai lulik nia xefi sira, mestri relijiaun sira, ho katuas sira.

Lucas 22:47

Jesus sei koalia hela, Judas, eskolanti ida hosi sira nain sanulu resin rua nee, lori ema barak mai. Nia besik baa hodi rei Jesus.

João 10:35

Ami hatene ona dehan, buat hotu nebee hakerek iha Maromak nia Eskritura Sagrada nee, loos, la bele hasai ba soe. Maromak rasik temi ema sira nee, dehan, sira nee, ‘mak maromak’.

João 13:18

Hau la koalia kona ba imi hotu. Hau konhese diak ema sira nebee Hau hili ona. Maibee ida nee tenki akontese, tuir hakerek ona iha Eskritura Sagrada dehan, ‘Ema nebee tuur haan hamutuk ho hau, fila kotuk no kontra hau.’

João 17:12

Bainhira Hau sei hamutuk ho sira iha mundu, Hau mak tau matan ba sira, tanba sira nee Aman ninian. Hau tau matan ba sira didiak para sira bele metin nafatin ho Aman, i ida deit mos la lakon. So Judas deit mak lakon, nee hodi halo tuir saida mak hakerek ona iha Eskritura Sagrada.

João 19:36

Buat sira nee hotu akontese, hodi kumpri saida mak hakerek iha Maromak nia Eskritura Sagrada nebee dehan, “Nia ruin sira, la iha ida mak tohar.”

Apostolu sira nia Istoria 1:20

Pedro koalia tan, “Hori uluk liurai David hakerek ona iha livru Salmus kona ba Judas, dehan, ‘Nia hela fatin nee sei sai fuik; la iha ema ida hela tan iha nebaa.’ Nia mos hakerek dehan, ‘Nia knaar nee, sei foo ba ema seluk.’

Apostolu sira nia Istoria 13:15

Hanesan baibain, ema lee liafuan balu hosi profeta Moisés nia livru, ho profeta sira seluk nia hakerek. Depois sira nebee toma konta uma kreda nee haruka ema husu ba Paulo ho Barnabé dehan, “Irmaun sira. Se imi iha liafuan ruma atu foo sai mai ami, para hametin ami nia laran, bele koalia.”

Apostolu sira nia Istoria 13:38

Maun-alin sira, rona didiak mai. Ema nee mak Jesus! Se ita fiar ba Nia, mak Nai Maromak hamoos ita nia sala hotu, hodi simu ita hanesan ema nebee moris loos. Bele ita hakaas aan atu tuir lei hotu nebee profeta Moisés rai hela ba ita mos, nee la bele halo ita moris loos iha Nai Maromak nia futar oin hanesan nee. So ita fiar ba Nai Jesus, mak Nai Maromak hamoos ita nia sala.

Apostolu sira nia Istoria 15:13

Koalia tiha hotu, Tiago hamriik hodi dehan, “Maun-alin sira, imi rona hau lai!

Apostolu sira nia Istoria 15:7

Sira diskuti baa-mai, iha ikus, Pedro hamriik hodi koalia dehan, “Maun-alin sira, imi rasik hatene katak, uluk Nai Maromak hili ona hau, hosi imi, atu lori Jesus nia Liafuan ba ema sira nebee laos Judeu. Tan Nia hakarak atu sira mos fiar ba Jesus.

Apostolu sira nia Istoria 2:23

Maibee imi oho tiha Nia; imi tau lia ba ema aat sira hodi prega Nia ba krus too mate. Nee tenki sai nunee duni, hodi kumpri Nai Maromak nia planu hori uluk kedas.

Apostolu sira nia Istoria 2:37

Rona nunee, halo sira nia laran susar. I sira husu ba Pedro ho Jesus nia apostolu sira seluk dehan, “Entaun, irmaun sira! Ami tenki halo saida?”

Apostolu sira nia Istoria 22:1

Paulo komesa koalia dehan, “Aman sira, ho maun-alin sira hotu, hau husu imi rona lai, tan hau atu defende hau nia aan.”

Apostolu sira nia Istoria 23:1

Too iha nebaa, sira haruka Paulo defende nia aan. Nia hateke didiak ba tesi lia nain sira hotu, hodi dehan, “Nai Maromak hatene katak komesa hosi kiik too agora, hau serbii Nia ho laran moos.”

Apostolu sira nia Istoria 23:6

Paulo haree ema sira tesi lia nee, fahe ba grupu rua. Balu tuir grupu Saduseu, nebee la fiar katak ema mate bele moris fali. Sira mos la fiar katak iha anju ka iha espiritu. Balu tuir grupu Farizeu nebee fiar buat hirak nee hotu. Nunee Paulo koalia ho lian makaas dehan, “Maun-alin sira, hau ema Farizeu. Hau nia aman ho hau nia avoo sira mos ema Farizeu. Agora imi atu kastigu hau, tanba hau fiar katak Nai Maromak bele halo ema mate moris fali.” Bainhira Paulo koalia nunee, ema Farizeu ho ema Saduseu sira komesa haksesuk malu, too sira la rona malu tan.

Apostolu sira nia Istoria 28:17

Liu tiha loron tolu, Paulo konvida xefi relijiaun Judeu sira mai hasoru malu ho nia, i nia hatete ba sira, “Maun-alin sira hotu, hau mai iha nee, tanba ema kaer hau iha Jerusalém, hodi entrega hau ba governu Roma nia liman, maski hau la halo sala ida. Hau la kontra ita nia nasaun, i hau mos la kontra lisan nebee ita nia bei-ala sira rai hela ba ita.

Apostolu sira nia Istoria 28:25

Sira haksesuk malu i atu fahe malu ona. Entaun Paulo hatete, “Imi nia ulun toos duni, hanesan ita nia bei-ala sira, tuir Nai Maromak nia Espiritu Santu foo hatene ba profeta Isaias,

Apostolu sira nia Istoria 7:2

Estevão hataan, “Irmaun sira, rona lai mai. Hori uluk molok ita nia bei-ala Abraão muda fatin ba Haran, bainhira sei hela iha Mezopotámia, Nai Maromak boot teb-tebes, hatudu ona Aan ba nia, ho foo orden dehan, ‘Husik tiha o nia rain ho o nia familia sira. I o baa iha rai ida nebee Hau sei hatudu ba o.’

1 Pedro 1:11

Iha momentu nebaa, Kristu nia Espiritu hela iha sira nia laran i foo hatene katak, aban-bainrua Kristu sei hetan terus mak foin Nai Maromak foti aas Nia. Entaun profeta sira buka hatene bainhira loos mak buat sira nee atu akontese i sei akontese oinsaa.

2 Pedro 1:21

Tanba profeta sira nia lia menon nunka mai hosi ema mundu nee nia hakarak. Maibee sira hatoo liafuan hosi Maromak tuir saida mak Espiritu Santu hatudu ba sira.

2 Pedro 2:21

Diak liu ema nee la hatene lia loos, duke nia hatene tiha maibee too ikus fila kotuk fali ba Maromak nia ukun fuan nebee hatoo tiha ona ba nia.