Apostolu sira nia Istoria 1:10 - Biblia Tetun Dili

¹⁰ Sira sei hateke nafatin ba leten, derepenti ema nain rua hatais hena mutin hamriik hela iha sira nia sorin.

Apostolu sira nia Istoria 1:10 Iomraidhean Croise

Mateus 17:2

Too iha nebaa Nia eskolanti nain tolu nee haree Jesus nakfilak Aan tiha. Nia oin nabilan hanesan loromatan, i Nia hena sai mutin nabilan.

Mateus 28:3

Anju nee nia oin nabilan hanesan rai lakan, i nia hena mutin loos.

Marcos 16:5

Depois sira tama ba Jesus nia rate laran. I sira hakfodak teb-tebes, tanba sira haree mane klosan ida tuur hela iha sira nia liman kuana. Nia hena, mutin loos.

Lucas 24:4

Sira hotu bilaan tiha hodi hanoin hela buat nee. Derepenti deit, mane nain rua hatais hena lakan nabilan hamriik hela iha sira nia sorin.

João 20:12

Nia haree Maromak nia anju rua hosi lalehan. Sira hatais ropa mutin. Sira nain rua tuur iha fatin nebee ema latan Jesus nia mate isin ba nee. Ida tuur iha ulun, ida seluk tuur iha ain.

Apostolu sira nia Istoria 10:3

Iha loron ida, besik tuku tolu lokraik, hanesan mehi, nia haree momoos Nai Maromak nia anju ida, mai bolu nia dehan, “Cornélio!”

Apostolu sira nia Istoria 10:30

Cornélio hataan, “Hori baintolu, tuku tolu lokraik, hau halo hela orasaun iha hau nia uma. Derepenti mane ida hamriik iha hau nia oin. Nia hena nabilan loos.

Apokalipse 3:4

Maibee hosi imi iha Sardis, iha balu mak laran moos nafatin, hanesan ema nebee la halo foer nia hena. Sira nee sei lao hamutuk ho Hau, hatais hena mutin, tanba sira serve duni.

Apokalipse 7:14

Hau hataan, “Hau la hatene, Senhor. Ita Boot mak hatene.” Katuas nee hatete mai hau, “Sira nee uluk hetan terus boot tanba sira nia fiar. Sira fasi tiha ona sira nia batina ho Bibi Oan nia raan, nee mak sira nia batina sai mutin.