Apostolu sira nia Istoria 1:1 - Biblia Tetun Dili

^1-3 Hau Lucas, hatoo hau nia respeitu ba senhor Teófilo. Iha hau nia livru dahuluk, hau hakerek ona kona ba buat hotu-hotu nebee Nai Jesus halo ona, ho buat hotu-hotu nebee mak Nai Jesus hanorin ona, komesa hosi Nia hahuu Nia serbisu too Nia sae fila fali ba lalehan. Maski ema oho tiha ona Nia , maibee Nai Maromak halo Nia moris fila fali. Depois Jesus hatudu Aan ba Nia apostolu sira fila-fila durante loron haat-nulu, hodi hatudu loloos katak Nia moris fali duni. Nia mos foo hatene ba sira kona ba Nai Maromak nia reinu. I apostolu sira nebee Nia hili ona nee, Nia foo instrusaun ba sira ho Espiritu Santu nia poder.

Apostolu sira nia Istoria 1:1 Iomraidhean Croise

Mateus 11:5

Ema matan delek bele haree. Ema lao la diak bele lao. Ema moras lepra, isin sai moos. Ema tilun diuk bele rona. Ema mate bele moris fali. Ema kiak rona Novidade Diak.

Lucas 1:24

La kleur, nia kaben Isabel isin rua. Durante fulan lima, Isabel hela deit iha uma laran.

Lucas 1:3

Hau rasik mos estuda didiak ona istoria nee tomak hosi huun too rohan. Nee duni hau desidi atu hakerek ba senhor, saida mak akontese,

Lucas 14:22

Atan nee mos halo tuir. Bainhira nia fila, nia foo hatene dehan, ‘Patraun, sira mai hotu ona, maibee fatin mamuk sei iha.’

Lucas 24:19

Jesus husu fali, “Buat saida?” Sira hataan, “Buat nebee mak akontese ba ho Jesus hosi Nazaré. Nia profeta ida, Nia halo milagre boot i Nia liafuan mos hatudu katak Nia iha kbiit. Maromak rasik konsidera Nia profeta boot, saa tan povu.

Lucas 3:23

Bainhira Jesus komesa halao Nai Maromak nia serbisu, Nia tinan mais-ou-menus tolu-nulu. Ema konhese Nia nudar José nia Oan. José nia bei-ala sira mak hanesan tuir mai nee: José nia aman Eli.

Apostolu sira nia Istoria 2:22

Maun-alin Israel sira, see tilun mai. Nai Maromak hili ona Jesus, ema Nazaré. Imi rasik hatene buat nee, tanba imi haree ona Nai Maromak hatudu ona Jesus hodi halo milagre ho sinal iha imi nia leet. Sinal sira nee halo ema admira.